واهتز_عرش_المغرور بقلم_سلمى_جنايدة الجزء_السادس_والاخير حصريه وجديده

واهتز_عرش_المغرور بقلم_سلمى_جنايدة
الجزء_السادس_والاخير حصريه وجديده 
فاتت ليلاس للبيت تعبانة من اللي صار معها استقبلتها لينا پخوف كبير 
لينا لك ليلاس وينك لهلأ شغلتي بالي كل اليوم من الصبح والمحل مسكر وانتي مو باينة ماخليت مكان الا وسألت عليكي فيه 
ليلاس مافي شي اختي كنت بمشوار ضروري بعيد شوي وليكني رجعت لشو كل هالخوف 
لينا اي بس وين كتتي فهميني والله غلي البي عليكي 
ليلاس هههههه لك والله مافي شي ليش كل هالقد مړعوپة بعدين قلتلك كنت بمشوار واليوم اضطريت انووسكر المحل لأن قلت بجوز اتأخر 

لينا طيب مابدك تخبريني شو المشوار اللي رحتيلو ومع مين 
ليلاس مشوار بخص الشغل ولحالي لينا بربك اتركيني روح اتحمم ونام الله يوفقك 
ارتاحت ليلاس وقت اخدت الحمام لكن ماغفلت عينها تكة 
شغل بالها كتير وطلع الضو وهي قاعدة مطرحها ما عم تفكر بشي غيرو رغم انها كانت پتكرهو لكن حست انو كرهها الو متل الكزبة اللي عم تضحك عحالها فيها لكن بنفس الوقت مااتطور الوضع لدرجة الحب هو مجرد شعور بالشكر والامتنان ليالي عملو معها وشافت خوفو عليها بعيونو و ملامحو 
تاني يوم ماكان فيها تروح للشغل ضعفت ليلاس وتعبت وضلت بالفراش 
لينا جهزتلها اعشاب سخنة وجابتلها اياهن 
لينا لك بس فهميني من شو تعبانة لك شو عم يجعك طيب جبلك دكتور لهون 
ليلاس عم تسعل لا لا مافي داعي شوية برد وسخونة وبروحو مابدا لا دكتور ولا شي 
سلطان بهالليلة ماكان حالو احسن من حال ليلاس بقي كل الليل عم يتزكرها وعم يتزكر ملامحها بالسيارة وقت غفيت واجا ليفيقها 
بقيت ليلاس بالفراش شي يومين تلاتة وبعدها انردتلها عافيتها وطلعت لشغلها 
مرق شهر و شهرين وكانو كفاية لتقدر تحدد ليلاس فيهن مشاعرها ناح سلطان رغم انها ماشافتو من يوم اللي انخطفت الا مرتين ومن بعيد مرة منهن شافتو عم يساعد ولد صغير علقت الطابة تبعو فوق شجرة وجابلو اياها ورمالو اياها من بعيد 
حست بشوق كبير الو وتمنت لو يجي وتشوفو وتسمع صوتو وكانت قبلانة يجاكرها وتجاكرو بس تلمحو قريب منها لكن هالشي ماصار بنوب ومن وقتها بس ماكانت تسمي الا حبيبي
اما سلطان فكان يلمحها من بعيد وشافها كانت عم تتطلع لجهتو بس كان تقيل وعمل حالو مو شايفها وتركها عم تتطلع فيه وراح 
بليلة من الليالي سهران سلطان ببيتو عم يرتب لشغل جديد مع تاجر جديد ماشاف الا وش ليلاس عم ينط بزاكرتو كل شوي كل ماحاول يبعدها من تفكيرو بترجع بتطلعلو من جديد 
قاعد عالبرندا وركوة القهوة جنبو ماحس عحالو ابدا انو سهر كتير وانو ليلاس اخدت من وقتو كتير لدرجة صار يحكي مع حالو 
سلطان لك شو قصتك معي ياليلاس صايرة ماعم تغيبي عن بالي وتفكيري وين مابروح صرت اتمايزك عأي حدا وبعدييييييين وبعدييين هزييتي حياتي كلها وغيرتي بحالي شغلات اوووووف 
تاني يوم راح سلطان ليتفق مع التاجر عالقطع اللي بدو اياها كان رايح وعيون ليلاس ودموعها بيوم اللي خطڤها عنتر مرافقينو وين مابروح كانت فرصة الو بماانو لحالو يفكر فيها بصوت عالي ويحكي معها عأساس انها معو ونايمة عالكرسي جنبو متل المرة الماضية 
المسا اتصل التاجر اللي راح سلطان لعندو ببكر وسألو عن سلطان وانو ليه ماراحلو متل ماكانو متفقين 
بكر كيف هيك المعلم من الصبح طلع لعندك  
ابو جابر عم قلك مااجى لهلأ وقريب تمسي الدنيي ولهلأ ماشفتو وقلي انو