رواية انها_لي بقلم_Ola_nazer الجزء_الحادي_عشر_والاخير حصريه وجديده

اخي ...
ورد_معقول ! بس ولامرة جاب هالسيرة ..
مطر_مابعرف بس هيه بحسو ..لك ازا بتلاحظ بعيونو في لمعة غريبة ...وحتى كل مابشوفا بيضلو عم يضحكو مع بعض ..وبتحسن كانهم مخلوقين لبعض ...
ورد_اي انشالله الله يوفقن يارب ...ويجمعهن...
مطر_امين يارب ....
بتكون وتين واقفة معهن وعم تحترق على كل كلمة عم بقولوها ...
مطر_انتي شو رأيك وتين !
بتطلع فيها وبتبقى ساكتة وبتروح بتمشي عالبيت لجوا وبتطلع على غرفتها ....
مطر_ورد شبها وتين !
ورد_والله مابعرف !
مطر_ليش حسيتا تدايقت ..
ورد_لاعادي بكون لانها كانت علقانة هي وسليم وانقهرت منو ...
مطر_امممم بجوز ...تعا امشي نروح لعند لعيلة لكريمة ...
بيروحو وبلاقوهم قاعدين ....
ورد ومطر_هايي جايز ..
سراب_جايز ! شو مفكرينا متابعينكن عاليوتيوب ..عدل لسانك منك الها...
مطر_شوفيها خالتو عادي ...
سراب_فيها كتير عين خالتك ..لواحد بقول صباح الخير ..مرحبا ..مو هاي جايز ...
بتكون غيم عم تضحك عالسكت ...
ورد_طيب ماما مشيها هلق ..
سراب_مشيناها استاذ ورد ...بعدين وينها اختك !
ورد_والله كانت واقفة معنا ..بس فجأة قلبت خلقتا وطلعت لغرفتا ...
سراب_شبها فيها شي !
ورد_والله علمي علمك ..هي بنتك وبتعرفي مزاجا ..
سراب_طيب عن اذنكم طالعة شوفا ...
غيم_جاية معك اختي ...
بيروحو بيطلعو لعندها عالغرفة ...
بتفوت سراب هي وغيم وبلاقو وتين قاعدة وضامة مخدتها وعم تبكي .....
سراب_بسم الله عليكي ياماما شبك !!
غيم_شبك حبيبتي ...
وتين_عم تتنشوئ وتبكي ووولاشي مافيني شي ...
سراب_كيف مافيكي شي وانتي بهي لحالة ! احكي شبك لاتخافي ...
وتين_ممابدي احكي مابدي ..
غيم_شو هي مابدك ياخالتي احكيلنا شوصاير معك لاتشغلي بالنا ومنوعدك نسمعلك من دون مانحكي حرف . .
وتين_بخاف ازا حكيت تزعلي مني !
غيم_ازعل منك ليش  
وتين_لان لموضوع بخص سليم ...
غيم_هو يلي مزعلك !
وتين بتهز راسها بالنفي ...
سراب_لكن شو احكي وقعتي قلبي ...
وتين_ليوم كنا انا وسليم واقفين بالحديقة وكالعادة عم نتناقش ونعلق ...ام هو قلي انو بحبني ...
سراب_اي وانشالله مشان هيك عم تبكي !
وتين_لا لا ...بس سمعت مطر عم تقول لورد انو هو بحب ليان وناوي يساويها مرت اخوها ...ولهيك زعلت ..
غيم_وانتي من كل عقلك عم تاخدي بحكي هالهبلة هي ! ..انتي اكتر حدا بيعرف سليم ياوتين ! اديش من صغرك بيعطف عليكي وبيحبك وعندو ياكي مميزة بكلشي ...بعدين لو مابحبك مابيجي وبقلك ..ابني واعي وبيعرف يتصرف ومستحيل يضحك عليكي لك عندو ياكي بالقمة ...لك والله بتزكر كان بس يسمعك عم تبكي ينزل ركيد لحتى يشوف يلي مزعلك ! 
وتين_يعني هو بحبني الي !
سراب_بنتي خالتك شو الها ساعة عم تحكي ! منين جايبتيلي هالمخ لسميك هاد شبك !
غيم_اي سراب هدي عليها ! الحق معها تعمل هيك وتغار ..لان هالشي بخصا الها ..وخلص وعد مني ليوم لاتأكدلك من سليم وشوفو ...
وتين_بتقرب وبتعانقاشكرا كتير الك خالتو ...
غيم_ولو ياكنتي الحلوة بدنا خدمة تحرز ...
سراب_كل هالبكة ولاكل لهوا مشان الحب بالفعل انك هبلة ! عم تبكي مشان رجال يابنتي لك ااااااخ اديش بدك تعليم ..
غيم_اي بقا سراب تركي لبنت بحالها تعبر عن يلي فيها ..
سراب_لك انا بنتي تبكي مشان ولد !
غيم_كانو يلي عم تحكي عليه ابني !
سراب_لك لعما والله نسيت انو انتي امو
غيم_عادي حبيبتي امك من يوم يومها مصيفة ...
وبطقوها ضحكة هنن لكل ...وبيقومو بيرجعو كلياتن بينضمو للقعدة العائلية يلي برا ......
_________________________________
في بيت رائد....
صوت لباب عم يدق متل موسيقى ...
رائد_لك ياولاد حدا يشوووف مين عالباب ..
ليان_اجيت بابا هاد اكيد دب سليم ...
رائد_لك عيب يابني تحكي هيك...
ليان_هو كلب لبدو لطيف 
رائد_بس بدي افهم منين بتجيبي هالملافظ...
ليان_من ماما ...مهم رايحة افتح لباب لانو كسرو ...
بتفتح لباب ...
ليان_اهلين