رواية مبيشبه_جنونك_حدا البارت الاول بقلم تيما_غزال حصريه وجديده
انت في الصفحة 2 من صفحتين
كامل ..عم حس حالي بنت بالسبعين من عمرها ..عم حس وكأنو طاقة آية كلها نفذت ..كأنو محل قلبي صار في حجر ..لو شو ما صار فيي ما رح يهز شعرة مني ..
مرام والدموع ع خدها تخيلي وانا كمان الي اربع سنين هون ..متل هاليوم نخطفت انا وياكي ..ما كنا منعرف بعض ..بس بهداك اليوم وبصدفة بشعة صرنا رفقات ..
آية خوات ..مو رفقات ..
آية الله بعين ..
مرام بتعرفي ..لسا عندي أمل انو بيوم رح أطلع من هون ..بجوز بالنعش او ع أجريي ..بس رح أطلع من هاد السچن .
آية رح تطلعي يا أختي رح تطلعي ..
مرام وانت معي ..
آية ضحكت ضحكة وكأنو فاقدة الأمل هون بيتي وهون رح يكون قبري ..خلص ما في أمل اطلع من هون ..حتى التفكير بالموضوع أشبه من المستحيل ..
قطع حديثهم الدخول المفاجئ ..قامو من مكانهم بسرعة وعيونهم ع الأرض ..مشيت لمى خانم لعندهم ..وبلشت تمشي يمين شمال شمال يمين ..وهي عم تطلع ع وجوه البنات ..
مرام بصوت واطي شو في ..
آية الله أعلم ..
لمى خانم بصوتها الضخم وهي عم تمرر أيدها ع البنات أنت وأنت وبعدها مسكت شعر آية وحكت وهي عم تبتسم وأنت ..
كان في بنات بأيديهم سلاح بوقفو ع باب الغرفة هاي دايما ..دخلو لجوا وسحبو البنات التلاتة بالقوة
مرام لك لويين ماخدينهمم ..
آية ما تخافي ..ما رح يصير شي..
مرام آيييييةة ..
آية مرام ..أختي ..بحبك..ضلك قوية متل ما انت ايي
مرام آية ما تحكي هييك بترجاككيي ..
صړخت وحدة من البنات وحكت خرسي انت وياها وانت نقلعي لجوا وهي عم بتأشر ع مرام وعم تسحب بآية ..
دخلت مرة بالأربعين من عمرها تقريبا ..ملامحها بتوحي انها انسانة متل باقية الي هون ..
وقفت قبالهم وحكت طلعو فيني ..
رفعو نظراتهم شوي شوي لحتى لتقو مع عيونها ..ضلت ساكتة عم تطلع ع تفاصيل وجههم ..بعدين حكت وهي عم تبتسم ابتسامة خبيثة وعم بتأشر ع آية هي الحلوة ..
لمى ولله يا خانم هاي قوية وما بتمشي ع القوانين بنصحك بغيرها ..
نسرين ضحكت وحكت ما بتمشي ع القوانين عندك ..بس عندي رح تكون متل القطة ..
آية شو عم يصير ..ليش جبتونا لهون ..
نسرين يا حلوة ..رح تكوني العروس الجديدة لهاد البيت ..
كان وقع هاي الجملة متل القنبلة ..عيونها توسعو ع الآخر ..وكأنها ما عم تستوعب الي سمعتو ..حروف الأبجدية كلهم طارو ..ما في
نسرين شوفو ..عم تبكي ..لك في مېت بنت بتتمنى تكون مكانك ..
آية روحي ختاري منهم ..انا ما بدي ..
مسحت دموعها ومشيت ..بس أيد نيسرين وقفتها شدت ع أيدها وحكت عيدي الي حكيتي ما سمعت
آية والقوة بعيونها وهي عم تحكي شوي شوي ختاري عروس تانية ..انا ما رح أنفعك ..فهمتي ولا أعيد
نسرين شدت ع أيدها أكتر ومدت أيدها التانية ومسكت أيد آية التانية وشدت عليها ورمتها ع ألأرض بقوة ..وكأنو الأرض هتزت .
نسرين رح تكوني كنتي سواء قبلتي او لا ..كملت وهي عم تطلع ع لمى خديها ع الغرفة ما تخلي أي حد يدخل لعندها بكرا رح يكون يوم طويل ومتعب ..لازم ترتاح ..
وطلعت من الغرفة بكبريائها وغرورها وتركت آية ع الأرض بۏجعها وضعفها وعجزها ..
لمى مسكتها وأخدتها بالقوة ع الغرفة الي كانت تحكي عنها نسرين ..كانت غرفة حلوة كتير ..واضح انها غرفة آية من اليوم وطالع ..وشريك حياتها الي لسا ما بتعرف اسمو .
يتبع
