رواية مبيشبه_جنونك_حدا البارت الخامس بقلم تيما_غزال حصريه وجديده

مقطع حسيتو لألي..
ينال فكر شوي بعدين حكا لا بتكبري ..لا بتصغري ..مبيشبه چنونك حدا ..فيكي العمر شمة عطر وكتير ماشي ع الهدى ..
آية مطرح مكنتي صوت والكون كان سكوت خلقو ولاد جداد والزهر صار بيوت ..
ينال المقطع لألك ..لأنو مبيشبه چنونك حدا ..
آية جد
ينال اي ..انت الحدا القوي والمچنون ولي روحو حلوة رغم ۏجع قلبو جد مبيشبه چنونك حدا ..
آية خجلت وحمرو خدودها ..
ينال خلص ما تصدقي حالك ..
آية ضحكت بنبرة استهزاء
مرقت الأيام وآية زاد تعلقها بينال بشكل كبير ..صار جزء مهم كتير بحياتها ..كان رفيقها وأخوها وبئر اسرارها ..وهو نفس الشي ..
آية بغرفتها عم تستنى ينال لحتى يرجع ع البيت ..تأخر كتير ..عم تروح يمين وشمال وتخطر ع بالها افكار بشعة ..
آية ليكون صرلو شي لا يربي ..وينو ..
فجأة ينال بفتح الباب وبدخل ..آية بس شافتو ركدت وحضنتو بسرعة ..
ينال واقف متل الصنم ما فهم شو الي عم يصير ..
آية الحمد لله ..انت منييح ..
ينال وهو عم يضحك لك شبك 
آية لك انت الشي الوحيد الي ضللي بهاي الحياه من دونك شو كنت بعمل اهوين كنت ليش تأخرت هييك ..
ينال طب شو في ليش عم تحكي هيك ..
آية لك خفت عليك ..ما عرفت أنام ..متعودة شوفك قبالي بحس بالأمان ..
ينال مچنونة ..لك قعدت مع لورين عند النبعة ونسيت حالي وتأخر الوقت بدون ما انتبه ..
آية اي ..
ينال ما بدك تتركي ايدي بدي روح اقعد تعبان ..
آية نتبهت ع حالها وتركت ايدو بسرعة وهو قعد ع الكنباي وهو عم يضحك عليها ..
آية مشيت ع التواليت وسكرت الباب بقوة ..
طلعت ع المرايا وبلشت تحكي مع حالها لك انا مېتة خوف عليك هون وانت مع ست الحسن هديك طب اتصل ..حكيلي ع القليلة ..لا وعم يضحك كمان ..الحمد لله انو بخير ..لا لك مو معقول ما ابردو ..بدي اطلع اضربو ..ما رح أقدر ..لا آية تمالكي اعصابك ..اساسا انا ليش نفعلت لهاي الدرجة ويكون مع لورين شو دخلني قربت ع المرايا وطلعت ع حالها ..كان وجهها متوهج واحمر ..وعيونها عم يلمعو ..حكت وهي مركزة بالمرايا أوعك توقعي آية اوعك ..الحب ما بيلقلك ..اوعكك ..هو بحب بنت تانية واساسا انت ما عندك قلب لحتى تحبي ..اي اي ما عندك ..
ينال لك آية طلعي من التواليت بدي فوت ..
آية ليكني جاي ..
بعد بيوم رجع ينال بس ما كان على بعضو ..
آية طلعت ع عيونو حست فيهم شي ..وحكت ينال انت منيح
ينال آية ..شو ممكن تعملي لما يتركك أقرب حد ع قلبك 
آية ما بعرف ..يعني بكرهو من كل قلبي وبطلعو من حياتي شي أكيد ..
ينال بس انا ما رح أقدر اكرها ..لأنو حبيتها من قلبي ..
آية لورين !!!
ينال بدون ما يرفلها جفن ..
آية عم تمزح ما هيك 
ينال يا ريت مزح يا ريت ..
آية كيف فيها تعمل هيك شي كييفف
ينال تخيلي .. ..كيف فيها تعمل هيك ..كيف..
آية لك تركني عليها بدي اقټلها ..
ينال لك حب سنين ..لك انا بعمري ما طلعت ع بنت متل ما طلعت عليها ..بعمرو قلبي ما حب حدا ع قد ما حبها ..بعمري ما شفت عيون أحلى من عيونها وقلب احلى من قلبها ..شو عملت لحتى ستحقيت هيك شي منها ..
آية ضلت ساكتة عم تراقبو وهو عم يتوجع ..ما كان بأيدها تعمل شي ..
آية معقول انا السبب
ينال لك مستحيل ..لما قلتلها