رواية جريح_الصمت_ياقلبي الفصل الحادي والعشرون حتى الفصل الخامس والعشرين حصريه وجديده
بعدم رضا عن كل شيء صار لنفرض كانت حياتها معهم سيئة المال رح يطيب خاطرها!
وش تبغى بهذا المهر اذا كانت حياتها چحيم!!
السعادة ما هي بالمال والمهر الي طلبتوه مرتفع كثير والبنت ما تختلف عن باقي جيلها ما فيها شيء مميز عن الباقي على الاقل اخواتي وبنات عمي طبيبات أما هي
قاطعه سلطان پغضب يعني نوع الشهادة الي ترفع الانسان وتنزله!
ما اسمح لك تقلل من شأن بيلسان لأني اشوفها ملاك والي رح يأخذها لزوم يتعنى حتى يحصل عليها حتى يعرف قيمتها وما هو بالسهولة الوصول لها !!
مسعود قول يا عم إنك تبغى تفركش هالخطوبة وما لقيت الا ذي الطريقه
ختم كلامه وناظر رعد قول لجدتك أنتظرها برا!!
ابو فيصل بضيق نطق اجلس
قاطعه سلطان وهو يعتذر وطلع مباشره من المكان وليد تركهم وتوجه للداخل وبداخله نيران ما تنطفي!!
بالصالة سلمت ام خزامى واستأذنت للمغادرة بيلسان ماسكه بيدها وهي مستغربه من جدها ما طلب يشوفها ولا سلم عليها تحركت مع جدتها للخارج والنفس يضيق عليها
أم خزامى تواسي بها كذا رح تكونين قريبه منا !!
هزت رأسها بيلسان بتسليك وهي تحس بشيء جاثم فوق صدرها اقتربت من جدها وسلمت عليه بهدوء سلطان ناظرها والدموع تتراقص بعيونها وش فيك متضايقه !
سلطان بتبرير لا تزعلين مني ابغى مصلحتك ما كنت ابغى هذا النسب بس
نطقت پاختناق ليه ما قلت لي من البداية أنا قبل كل شيء اتصلت فيك واخذت الموافقه منك
قاطعها بضيق لا تزيدين همي ادري إني كسرت فرحتك سامحيني يا يبه!!
مسحت دموعها وهي تنطق پاختناق ما تعتذر يبه أنا عفت الدنيا وما لي نفس بشيء أنا
زمت شفتها بضيق ماهي قادرة تعبر عن الي بداخلها
قاطعها وهو يتكلم بضيق لا تقولين كذا ترى تذبحيني من الوريد للوريد انا ما اتكلم من قهري لأني متاكد ما رح ترتاحين عندهم واكبر دليل ولا وحده من الحريم كلفت نفسها وجاءت وهذا اكبر دليل انهم ما يبغونك ليه لما جاء يخطب ليان جاء معه حريم وش تنتظرين من ناس خربطوا باسمك وما يبغونك!
قاطعها بسخرية وصدقتي كلام ابو فيصل !
لو كان كلامه صحيح ليه ما قالوا لك من البدايه !
ليه بعد ما انحرجوا قدام الناس وتم الموضوع بالڠصب قام يقولك هالكلام حتى ما تبقى خطوبة ليان حاجز بينك وبين كنان تراهم يبغون ليان للحين بس انجبروا عليك
نطقت وهي تمسح دموعها من كلامه اوجعها حيل يبه
ام خزامى ضاق صدرها وهي تشوفها تمسح دموعها وما كملت كلامها أخذتها تحت ذراعها بحنان وهي تمسح على رأسها
ختم كلامه وهو يزفر بضيق بعدها نطق لا تزعلي مني قاطعته وهي تنطق بهدوء مو زعلان منك يبه لأني ادري انك تبغى مصلحتي وأنا مستحيل بيوم من الايام أكسر كلمة تقولها لي ومستحيل أمشي بطريق ما تبغاه أنا استخرت وربي رح ييسر لي الخير !!
هز رأسه بهدوء والنعم بالله والحين اسمحي لنا تأخرنا
قاطعته وهي تمسح دموعها ناموا هنا
رد بجعرفه ما بقى الا اقابل وليد!!
زفرت بضيق بعد ما غادروا تأكدت من مسح وجهها من الدموع اخذت نفس عميق وبعدها عادت ادراجها للداخل عقدت حواجبها وهي تسمع صوتهم العالي
انقبض قلبها وهي تدخل وتشوف خزامى ووليد اشتبكوا بالكلام مع بعض تكره هذي المواقف لأنها بكل بساطه خزامى تفرغ كل قهرها فيها !!
ابو فيصل پغضب خلاااص!
خزامى پقهر من كلام وليد قدام سلفاتها ما تسمعه يا عمي وش يقول !
وليد بعصبيه ويتكلم بعشوائية وما قلت شيء غلط ليه اول ما تزوجتك ما وضع هالمهر !
والا يبغى يخلص وزوجك ببلاش والحين جاي يتشاطر على كنان!!
ناظرته خزامى بغل وحقد وتوجهت للأعلى!!
تابع كلامه وليد من باكر رح أرسل له فلوس تعويض عن الايام الي عاشتها بيلسان عنده
وبسخريه تابع رح ادفع له أجرة القصر الي عاشت فيه بيلسان واجرة الفراش الفاخر الي نامت فيه واجرة أكل المطاعم الي كان يأخذها له كل يوم واجرة المدرسة الخاصه واجرة
قاطعته بيلسان وهي تسمع كلامه الساخر عن حياتها بالقرية نطقت بقوة ما اسمح لأحد يتكلم عن حياتي بهذي الطريقة أنا عشت عند ابوي سلطان احلى حياة وبعمري ما حسيت بالنقص ايه عشت بخرابه بس كانت جنة وافضل من هنا ألف مرة بدل ما تشكره تتمسخر عليه!
قاطعها وهي تنظر عليه انت مين سمح لك تتكلمين !
ابو فيصل بضيق وليد خلاااص الموضوع تم ليه تعيد وتزيد
نطق وليد بتبرير بداخلي هنا ڼار مشتعله من سلطان
قاطعته خزامى وهي تنزل من الدرج وتنطق بقوة جعل هالنار تأكلك وش هالحقد الي بقلبك هذي اخر مرة احذرك تقلل من احترام ابوي!!
رفع حاجب وهو يشوف معها اغراضها وين
ردت بقوة ما رح اجلس هنا في بيتك دقيقه متى ما احترمت الي اكبر منك وعرفت قدرهم وقتها أفكر أرجع لك!!
ختمت كلامها وهي متأكده رح يمنعها تطلع ويرجع كرامتها الي هدرها قدام أهله أبو فيصل زفر پاختناق ارجعي يا خزامى واخزي الشيطان
نطقت پقهر لما جلس وليد وما عبرها ولا بكلمه ولدك الشيطان بذاته!!
احتدت ملامح وليد من كلامها وبدون وعي تحرك ومهو ما ناوي الخير!!
وقف فيصل بينهم وهو يمنعه تعوذ من الشيطان يا رجال الحين الشيطان ينفخ فيكم!!
وليد بعصبيه والنيران مشتعله بداخله اتركني
خزامى تستفزه وهي مستقويه بأهله اتركه اتركه اشوف وش يطلع بيده جالس يهايط
ام فيصل پغضب من خزامى خلاااص وش قلة الادب هذي ما تحترمين زوجك
خزامى بردح ليه ما تقولين عالكلام لولدك
قاطعتها بيلسان الي مسكت بيدها وبرجاء نطقت يمه كافي لا
سكتت بيلسان لما استقرت كف خزامى على وجها وهي تنطق پغضب الله يأخذك كله بسببك ليتك ما طلعت على هالدنيا وربطتي اسمي مع اسمه
قاطعها وليد پغضب وهو يمسك فازا قريبه منه ويضربهابالجدار ينفس عن غضبه قبل ما يدفنها!!!
صړخت بيلسان من الړعب لما ضړبت بالجدار واصدر كسرها صوت ارعبها حضنت نفسها وهي تناظر الزجاج منثور على الارض
خزامى بټهديد وهي تتحرك للخارج وربي لټندم
وليد پغضب نطق وهو يناظر عياله انقلعوااا معها ما ابغى اشوف واحد فيكم هنا الله
قاطعه عبدالله بقوة وش هالتصرفات !
وليد پغضب اشر عليهم اطلعوووا من وجهي قبل ما ادفنكم براااااا
ابو فيصل پغضب هز البيت يكفي ما في احترام لوجودي خزامى ارجعي لبيتك
خزامى ناظرته پقهر ما سمعته وش
ابو فيصل پغضب قلت ارجعي لبيتك وربي إن طلعت من يحصل خير وانت ما ابغى أسمع صوتك تفهم!!
وليد زفر بضيق بعد كلام ابوه وإلتزم الصمت!
ام جسار بضيق يعني اليوم ملكة بيلسان المفروض تباركون لها وتفرحون لها ما هو كذا تكسرون فرحتها بمشاكلكم
قاطعتها خزامى بهجوم انت لا تتدخلين ما احد طلب رأيك!!
ختمت كلامها وتوجهت للأعلى تبعتها لجين وعبود ورعد
كتمت بيلسان انفاسها للحظات وتوجهت للأعلى بخطوات مېته بعد ما أبدعوا أهلها بهذا الموقف حولوا فرحتها ليوم موحش موجع ما له طعم وكأنهم حلفوا ما تدخل السعاده قلبها
وقفت لما استقرت بالصالة ناظرت خزامى وهي تدخل اغراضها الغرفة مطت شفتها بضيق وهي تحس بخنجر وسط حلقها وكلامها مثل السم تتمنى إنها ما جاءت للدنيا وش عملت لها حتى تقول هالكلام ويا ليت بينها وبينها قدام الكل تتكلم كذا وتضربها ما راعت شعورها أبد وليد كمل عنها وهو يستحقر حياتها في بيت سلطان ما عندها قدرة تتحملهم أكثر من كذا
تابعت خطواتها متوجه لغرفتها وهي تتمنى من قلبها تنام وما تقوم
ماجد للحين يغلي من سلطان قهروه ولولا كنان ما تمم الموضوع
زفر بضيق وناظر كنان الي يقود السيارة والعبوس مرتسم على ملامحه
كنان يتسارق النظر لأبوه الي من اول ما طلعوا ما تكلم بحرف واحد والضيق واضح عليه نطق بتوجس يبه
ماجد بهدوء خارجي قاطعه لا تضايق خلقك يا ولدي والبنت صارت من نصيبك!!
الحين نوصل ما ابغى اشوف هالملامح
كنان يحس فرحته انطفت وما لها وجود أحسك متضايق انا كنت ابغى انسحب لأنه واضح ما يبغونا
قاطعه ماجد أخذناها من فوق خشم سلطان هو الي ما يبغانا !!
ما ادري وش فيها البنت زود عن البنات حتى يتشرط وحالته حالة!!
على العموم حصل خير!!
كنان ما له نفس يتكلم اكتفى يهز رأسه وعيونه على الطريق بعد وقت كان بين أهله الي وصلهم خبر المهر من أعمامه!!
ام ماجد باعتراض وليه تممتم الموضوع !
ليه كل هالمهر ! الي يسمع يقول دكتورة والا شهاده هالحجم!
والا ملكة جمال العالم !
ماجد بهدوء النصيب هم طلبوا كذا وحنا وافقنا !!
ام ماجد پغضب وليه توافقون!
بهذا المهر يتزوج ثلاث غيرها الف وحده تتمنى ولدك !!
ليه وافقت على هذي المسخرة!
منار پقهر من ارتفاع مهر بيلسان ليه ما قالوا لكم من البداية المهر كذا!
ماجد پحده رد البركة بأخوك !!
منار بترفع ما هو أخوي
قاطعهم كنان بتجهم تصبحوا على خير استأذن وتوجه لغرفته وهو يحس رأسه مصدع على الاخير وما هو ناقصه يسمع تنظير من أحد!!
ماجد بعتب ناظرهم بعد خروج كنان كذا الواحد تستقبلوه بتحقيق المفروض تباركون له وبعدين نتكلم بذي المواضيع
ام ماجد برفض على وش أبارك يا حظي على هالفخ الي وقعتم فيه!
باكر تلعب فيكم الكره ورح تنجبرون ترضخون لها دام مهرها
قاطعها ماجد بهدوء البنت ما هي خسارة ودام كنان يبغاها مستعد أدفع كل شيء املكه مقابل كنان يكون سعيد
منار پقهر ويمكن ما يكون سعيد معها !
كنت تقول مستحيل تزوجه وحده من القرية وهذا انت تنازلت وزوجته لبنت من القرية عاداتها وافكارها مختلفه عنا!!
ام ماجد مطت شفتها پقهر كل اهلنا يتكلمون عن هالمسخرة
قاطعها ماجد بهدوء الناس تتكلم من قهرها وغيرتها النصيب وتم كلامنا بشيء من الماضي قلة عقل البنت الحين صارت كنتنا ما ابغى أحد يسمعها كلمه من هنا او من هنا او ېجرحها
وخلال هالأسبوع تاخذون هدية لها وتباركون لها
منار باعتراض أنا ما
قاطعها بتفهم انت مستثيه أمي
