رواية بنت_ابوها الفصل 26-27-28-29-30 بقلم سندس الأسمر حصريه وجديده

عنيك 
مليون جواب متساب على الباب الي بترديه 
ومش تحت طوعي فارقتني روحي من بعد لماا مشيت 
فاق لما تعبت كاستو وفاضت على طاولة رما كل شي عل ارض بعصبية 
يزن _لك لييييييش ليشششش ليش هيك ساويتي لييييش 
بلش يكسر كل شي قدامو وكأنو فاضت الدنيا فيه وماعد بقلبو مكان للتحمل
بعد كم يوم بلمزرعة 
كانو مجتمعين كلهن ايمن عم تحسس عل مهرا مهراايمن وخليل عم يطلع الخيل ليطعميهن بشدو مطر وبصير يرفع رجليه بلعالي وخليل يحاول يسيطر عليه بشوفهن ابو ايمن بفوت لداخل السور الخشبي وبيحمل بأيدو من اكل تبعو بمد ايدو بهدوء 
ابو ايمن _حل رسنو خليل 
خليل _ضايج يابيك بينخاف يأذي حدا 
ابو ايمن _قلتلك حل رسنو 
بيتركو خليل ليركد بسرعة ويفتل بقرب من ابو ايمن وبصير يدبك بأجريه بس ابو ايمن ضلو واقف بدون حراك 
ايمن _يعرب طلاع باين ضايج تعال 
مابيرد عليها بعد دقايق بيهدا مطر بقرب من ايدو يشمها بس بدل ما ياكل بقرب من وجهو بصير يحط راسو عليه وكأنو بيعانقو 
ابو ايمن _ليش ضاربو ياخليل 
سمير وايمن بيتفاجأو
خليل بلبكة _اااه يمكن بلغلط والله بس ما بتذكر ضړبتو 
ايمن _اكيد عم يشكيلو راحت عليك يا خليل 
ابو ايمن _شيل الأكل وخلي حدا من مرابعين يطعميه الأصيل مابتاكل من ايد ضړبتها 
فارس _ايمي ايمت المفاجأة 
ايمن _ششششش
سمير_ مفاجأة شو
ايمن _هيك خربتها هلق بيطلعوه بتشوف 
سمير _باهر!!! باهر خيلبعدو موجود 
ايمن _وين بدو يروح تعال نتسابق 
سمير _بس ياكلو بيسوا كرمال ضهرك منأجلها غير يوم 
ايمن _لا عادي بعدين بكرة بدي اطلع عل شركة 
ابو ايمن _ليش عبد خلص نقل ملكية 
ايمن _انا مديرة مادخلني بلملكية 
سمير _يعني بطلنا نشوف ايمن كان بدي نقضي كم يوم قبل ما سافر 
ايمن _ليش مو لتاخد عروستك 
صباح_ عروسة شو
ايمن _مابدك تجوزي عميمة ولا كمان هلمرة يتجوز اميركية 
صباح _فكرتك ملاقيتيلو وحدة متل سنكوحة فتون 
فارس _بابا بصير عندي مرة اب متل ايمي 
سمير _لا بابا مو هيك قصدهن 
ايمن _بصير عندك رفيقة متل ايمي وبصير عندك اخوات شو رأيك 
فارس _اذا انتي اي
ايمن _هههههههه مابصير انا وبابا اخوات 
فارس _شلون اخوات وجدو وتيتة اخوات 
سمير _خدي بقا ازا بتخلصي 
ايمن _هاد حديث طويييل قوم ورجيك عل مزرعة وبشرحلك 
تاني يوم 
ايمن واقفة قدام مراية بتلبس كنزة بيضة بقبة يلي اخدتها من يزن وبنطلون بيج مع جاكيت بني طويل 
ايمن _بعرف انك معي ومافي شي رح يخوفني 
بتنزل عل فطور 
ابو ايمن _شو هل حلو هاد مصرة تنزلي علشركة 
ايمن _يحلي ايامك غالي في بلاوي متلتلة لازم نلحقها 
ابو ايمن _خير انشالله بس مو تتأخري اكرم جاية اليوم المسا عنا 
ايمن _اوكيتو عمري يلا باي 
ابو ايمن _كملي فطورك 
ايمن _عوافي انت ما تنسى دوا امممم الدوا
المسا بتفوت ايمن هية وعبد 
ايمن وعبد _مسا الخير ياجماعة 
الكل _مسا النور 
ايمن _اهلا وسهلا عمو اكرم اهلين استاذ جواد 
اكرم_ بتعرفو بعض 
بيقعدو ايمن وعبد بعد ما يسلمو 
ايمن _وجها لوجه اليوم تعرفنا بس انا سمعانة عن استاذ جواد كتير لما كان يشتغل مع فتون 
اكرم بأنزعاج_فتون نفسها الي عنا 
جوادانحرج_ اي بابا بس صدقا انسة ايمن انا لو بعرف فتون هيك بعمري ما كنت توكلت بأمورا 
ايمن _اكيد اكيد احنا عاشرناها ومنعرف قديش ممثلة شاطرة بلكذب اصلن انت كمحامي كيف بدك تعرف انو نص وراقها مزورة 
سمير بوشوشة _هههاي طار العريس 
ايمن همس _ليش كان عريس 
سمير همس_لو شفتي النفش الي نفشو ابوه ناقص يقول جايبين محابس 
ابو ايمن _ليش تأخرتي 
ايمن عم تكتم ضحكتها_والله يا يعرب الشركة قالبة متل الحمام مقطوعة مېتو يادوب اليوم شفنا الوراق حتا اجا معي عبد نكفي شغل هون كرمال ما نتأخر 
جواد _فعلا شركتكن وضعها مو تمام ابدا انا يا دوب داومت كم يوم مستحيل ترجع 
عبد _مافي شي مستحيل استازجواد احنا تخطينا بهل شركة قصص اكبر من هيك بس يمكن انت مو مستعود عل شغل شركات 
جواد_مافي داعي يكون عندي خبرةمديونات الي على شركتكن اكبر من شركة نفسها صعب تنحل 
ايمن _صعوبات بدمنا هههههههه هلشركة نبنت من صفر واذا اطرينا منرجع منعد المهم يكون معك مين يعد صحيح 
جواد _صحيح الله يوفقكن 
ايمن _اي عمو ما حكيتلي ايمت محاكمت فتون 
اكرم _ليخلص تحقيق معها 
ابو ايمن _تحقيق شو ماهية اعترفت بكل شي قدامك 
اكرم _ايه بس ماكان في تسجيل صوت ولا تصوير كرمال ما ندخل ايمن بلقصة وتحقيق رجع انعاد بلفرع هلمرا خبيثة كتير وبتعرف تنفد حالها مااعترفت غير بډعارة لانو في اثبات عم تقول قاسم اجبرها تشتغل بډعارة ومتل ماشفتو قاسم عم يدور صباطو لهلق 
بيضحك الكل 
ايمن _بشك انو قاسم فاقد عقلو هاد تمثيل لينفد 
اكرم _وانا شاكك رح اعرضو على طبيب نفسي 
ايمن _انا جاية عبالي شوفو قبل......بيقاطعها
ابو ايمن _شو بدك تشوفي فيه انت بدك تفوتي فروعا شو بفهمك بلشغلة 
اكرم بقلبو _هههه مفكر بنتك طيوبة لو تعرف بيلي فايتو ههه
ايمن _انا عم قول انو قاسم بس يشوفني يغلط او يرجع لوعيو وعمو يستفاد بعدين عمو معي شو رح يعملي صح عمو 
اكرم _طبعا طبعا 
ابو ايمن _لأ يعني لأ هاد الي ناقص تدخلي بشغل الشرطة كمان اكرم من هلق عم قلك بنتي ماعاد الها داعي بحدا عندك حتا قصص فتون مابتهمنا ولا بدي اسمعا 
ايمن _طيب هدي ليش معصب انا بس عم قول فكرة 
ابو ايمن _افكارك بعرفها ايمن بعرفك منيح لهون وبس رجعي لشغلك وبس ممنوع تروحي غيرو 
اكرم _اهدى يعرب اهدى اصلن انا مارح خليها تفوت بأمور تحقيق بس بكرا بتجي تعطيني مواصفات الشباب الي تهجمو عليكي 
ايمن _حاضر عمو 
ابو ايمن _مو ضروري بتعطيك ياهن هلق وانت تصرف اكرم 
ايمن بأعتراض_يعررروب 
اكرم _لو بتصير كنت ساويتها بس ضروري تفتح محضر رسمي والا بشو بدنا نواجه فتون ازا مافي شكوة 
سمير _انا بروح معها خالو واكيد عبد لأنو محاميها لا تاكل هم 
ايمن بأنزعاج_اي او بتعرف عمو بعتلي دورية من فرع هيك بتصير زيطة اكبر 
ابو ايمن بحزم _ايمممننن
ايمن _شو ايمن شو ايمن بتعرف اني مارح اقبل انا مو صغيرة لدرجت تعين علي حرس 
اكرم _لا والله بدو يتعين عليكن حرس انت وعبد 
عبد_وانا !!ليش 
اكرم _لانو فتون رافضة تعترف او تتصل فيهن يعني مهمت قټلك انت وايمن بعدا موجودة 
ابو ايمن بړعبة _قتل شو اكرم !!! مستحيل خليها تطلع من البيت قبل ما تمسكهن عم تسمع 
ايمن _هاد يلي ناقص انحبس انا بلبيت وهنن يتفتلو عل راحتهن 
اكرم _لا هي ولا هي احنا رح نضل مراقبينك انت وعبد واي حدا الو صلة فيكن من بعيد لبعيد 
ابو ايمن_ وقت هاجموها اول مرا كنتو مراقبينها كمان ولولا صاحب المكتب كانت ماټت 
ايمن _
اكرم _مين صاحب المكتب انت خبرتيني كنتي لوحدك 
ايمن _هي قصة تانية بعدين بفهمك عليها 
اكرم _لااا بدك تفهميني عليها هلق لانو مو شرط ېأذوكي انتي وبس خطړ هلق على كل عيلتك هدلون مجرمين ومابعرف كيف ممكن يختارو انتقامهن 
ابو ايمن _اڼتقام كمان !ليش بنتي شو عاملتلهن لكل هاد 
ايمن كانت رح ټموت من تخبيص قدام ابوها وعرفت مستحيل عاد تشوف الشارع 
ايمن _خلص عمو بكرا صبح بكون عندك ومنحكي بكل شي بدنا نقضي سهرا بلخطف وقتل ولووو... بتغمز سمير 
سمير _اي والله لك ابو جود ليش ما جبت المدام كانت تسلت بهل مواضيع الشيقة ولا پتخاف 
جواد _اي مدام انا مو متجوز بعدني بدور عل بنت الحلال وقريبا انشالله ..وهوي بينظر لأيمن بأعجاب
سمير _انشالله انشالله 
ايمن مستغربة من نظرات جواد بتوشوش سمير _شبو هاد 
سمير بهمس _فهميها لحالك 
عبد بهمس_عم دور على عروس بجملة 
ايمن _انا بلجملة ياعبد 
عبد _لا والله انسة بس ....
ايمن _رجع يقلي انسة 
سمير _عاطيتيه جغرافية وديانة بزمناتك 
بضحكو لتلاتة سوا ليلفت نظر الكل عليهن 
ايمن _فعلا عيب عليك يا ابو عبيد 
ابو ايمن _شو عم يصير معكن 
ايمن _بتصدق ابو ايمن انو عبد يخطب بدون مايخبرنا شايف شو خاېن 
جواد _انسة زينة صح 
عبد _اي صح بس يعني بس قرائة فاتحة انشالله الخطبة قريبة اكيد مابتصير بدونكن 
سمير _الله يسامحك كنت خبرنا كانت الحنونة طلبتلك ياها 
ايمن _صحيح وين صبوحة ماشفتها 
سمير _عم تنيم فارس 
ابو ايمن _انشالله الف مبروك عبد 
عبد_ الله يبارك فيك يابيك 
تاني يوم 
بتلبس ايمن بكير وبدها تنزل عل شركة قبل مايشوفها ابوها بتوصل عل صالون
ابو ايمن _صباح الخير ايمن 
ايمن _هه يسعد صباحك غالي.. بتمتم..عاملي حاجز 
ابو ايمن _شو صاير معك عم تبربري وين هربانة 
ايمن _وين بهرب انا دخيلو العسل كنت رايحة عل غرفة رياضة 
ابو ايمن _بلسكربينة وطقم رسمي بدك تلعبي 
ايمن بتحك جبينها _بوطي بلغرفة بعدين مابعرف حبيتو هلطقم شيك ومريح بنفس الوقت
ابو ايمن _بلاه الكذب وقعدي هون لشوف اكرم خبرني من بكرة بيصرفلك حرس 
ايمن بتزت الجزدان _حرس شو ياربي مابدي يعني مابدي ابو ايمن لا تجنني والله حلو وانا ماشية متل الهبلة وهنن متل دنب ورايي 
ابو ايمن _خلصتي قربي لهون 
بيجي سمير من وراها وبيمسك ادنها _انا كم مرا قلتلك يا ايمن مافي اعتراض بتروحي انت وابن عمتك يا بتقعدي بغرفتك صح خالو 
ابو ايمن _لأ مو صح لانت ولا هية بتتحركو قبل ما يجو الحرس مفهوم 
ايمن _لا اله الا انت ياربي انا صرلي كل هل ايام عم روح واجي وماحدا قربلي شو بدهن فيي هلق يعرب بربك بختنق هيك انا
ابو ايمن _لكن تفضلي اختنقي بغرفتك مافي روحا لمكان يلا 
سمير پشماتة _هههههههههه
ايمن بتدعس عل رجل سمير وتطلع _انا بورجيكن انت واكرم كان ناقصني اكرم انا 
بنفس المكان وعل بعد امتار من باب الفيلة كان يزن واقف وعم يستنى بدون ارادة منو بيرجع كل مرا ليشوفها 
يزن _غريب صارت تسعة ..بيفتح جوالو ليشوف Gps...لساها بلبيت معقول عندها ضيوف 
بيوصلو طلب بينفخ بملل وبيطلع بسيارتو 
بعد يومين بلفرع 
اكرم _اي يا ايمن فهميني شو قصة صاحب المكتب 
ايمن بتحك جبينها _عمو هي قصة اخترعتا لابو ايمن بس انا كنت لوحدي 
اكرم _انا كنت شاكك بلموضوع يعني انت لوحدك وقد ماكانت قوتك مارح تقدري عل تلاتة الأحسن تحكيلي عنو 
ايمن _هوي مادخلو ومابدي يفوت مشاكل مابدي ينذكر لو سمحت عمو 
اكرم _طيب وبركي استدو منو هوي 
ايمن _ليش مو انا وعبد المستهدفين شو دخلهن فيه 
اكرم _انتو ضړبتوهن وكسرتو شوكتهن انا عم احكيلك عل ناس انا معاشرهن سنين المجرمين ممكن يكونو نسيو عنجد وخافو وممكن يكونو بدهن يستدو الضړب يلي اكلو وانت عليكي حرس بينما هوي مكشوف 
ايمن _يعني بدو ينجاب تحقيق وينحبس 
اكرم_ لأ ليش ينحبس بلعكس هوي بحقلو يشتكي متلك 
ايمن _ هوي عنجد مالو علاقة بأي شي وانا الي ورطو بهلعالم مابدي يكون عليه مسؤلية أوحبس 
اكرم _انا بضمنلك ما يعرف اساسا انو عليه حرس 
ايمن _شكرا عمو اسمو يزن العبد الله وهوي صاحب مكتب تاكسي هلق بعطيك عنوانو 
اكرم _منيح عطيني مواصفات الشباب 
ايمن _مافي داعي للمواصفات تفضل عمو هدلون هنن
بتطالع رسمات من شنتها وبتعطيهن لأكرم 
اكرم _برافو برافو