رواية ياسمين_الشام بقلم سيدرة_عز_الدين الفصل الثالث حصريه وجديده
وين عم تطلع وبيعرف السبب بأشر لياسمين على غرفة العمليات
ياسمين اختي الله يرحمو لاتزعلي هو هلق مبسوط احسن من العڈاب يلي كان عم يتعذبو بالدنيا
ريحان بتطلع فيها ياريت مااجيت مابعرف الغصة رح ترجع والحړق يلي بقلبي رح يتجدد
ياسمين الله يرحمو ادعيلو
ريحان بتمسح دمعتها الله يرحمو
آدم ياسمين خدي ريحان وفوتي على المكتب عرفيها على الدكتورة تاج وانا بدي اتفقد المرضى مارح اقدر ضل واقف
بتفوت ياسمين وريحان على المكتب
تاج بتوقف اوف اوف اهلين وسهلين ياسمينة مين هالجمال كلو يلي معك
ريحان بتبتسملها
ياسمين هي اختي ريحان
تاج اوو شو هالاسم الحلو انتو بالعيلة كلها انواع ورد
ياسمين ههههه اي ماما نرجس وانا ياسمين واختي ريحان
ريحان تشرفت بمعرفتك دكتورة تاج وانا ريحان
تاج بتبوسها دخيل الريحان محلاه بتعرفي انو رح تدوخي كل مين بالمستشفى بجمالك وبريحتك الطيبة متل اسمك
بالمناسبة ريحة بارفانك بتجنن متلك
ريحان بتبتسملها دخيل قلبك اي بعرف حلوة هي صهري هداني ياها بعيد ميلادي وهي مستخلصة من ورد الريحان
ياسمين كانكن اخدتو وش على بعض كتير وشو هي صهري ريحان اسمو دكتور ادم عيب
تاج اي خرسي انتي بتمسك ايد ريحان وبتعطي لياسمين مريولها خدي مريولك وتركيلي ريحان ويلا طيري على شغلك انا شفت شغلي وبدي اتعرف على ريحان يلا
ياسمين اي الله جمع ووفق بتلبس مريولها ريحان لا تعملي مشاكل بعرفك اختي
ياسمين لك اذا بدي خاف لانك معها
تاج وريحان هههههه
بتطلع ياسمين وبتبلش جولتها لتتفقد مرضاها واخر شي بتروح على قسم الکانسر لتشوف أوس
بعد ساعة
بتطلع تاج من المكتب لتشوف مريض
ريحان بتكون اعدة وبتمل بتقرر تطلع وتمشي بالمستشفى بتطلع من المكتب وبتتمشى بتكون لابسة فستان اسود بروتيل وجاكيت جلد فوقو وشعرها الاشقر مفرود وعيونها الخضر عم يلمعو متل ورق الاخضر وبالفعل ريحتها بكل مكان عم تمشي فيه
بتدخل وبتوقف
الرجال قلتلك بدي قهوة يعني بدي قهوة
الممرضة ياعم والله اذا بعطيك شفة قهوة الدكتور عمار ليرفع فيني قضية محاسبة
الرجال عم قلك بدي قهوة
الممرضة تصتفل عمو مافي قهوة
ريحان بتعصب من الممرضة وبرودها مع الرجال لك شبك عطيه شفة قهوة مابصير شي
الرجال يسعد قلبك شوفي الناس يلي بتفهم سمعتي شو قالتلك عطيه قهوة
الممرضة عمو لو سمحت انت لا تحكي مين حضرتك انسة
ريحان ضروري تعرفي يعني انا يلي بدي اعطيه قهوة واذا ما عجبك روحي احكي مع دكتورك
بتروح بتجيب فنجانها يلي بمكتب ياسمين وبتروح لعند الرجال
ريحان تفضل عمو شراب شفتين بس ها
الممرضة بس ياانسة
ريحان قلتلك روحي احكي مع دكتورك خليه يجي يفرجيني شو رح يعمل
الممرضة بتركد لعند الدكتور عمار لتخبرو
ريحان بتشربو شفتين وبتاخد الفنجان منو حاجة عمو
الرجال يسلمو ايدكي يابنتي بتعرفي الي سنتين ماعم يشربوني شفة منها
ريحان يعلي عليك خلص بس بدك انا بجي بشربك
الرجال يسلمو ايديكي شو اسمك انتي
ريحان اسمي ريحان
الرجال عاشت الاسامي ياريحان وقعتك بمصېبة معي هلق روحي قبل مايجي الدكتور
ريحان لا عمو انا رح
