رواية ياسمين_الشام الفصل الثامن بقلم سيدرة_عز_الدين حصريه وجديده
بوقف بقلة حيلة مالو قدران يعمل شي ولاشي خسرها بلمحة البصر بيرجع على المستشفى وهو ماعم يقدر يسيطر على ڠضبو بفوت على مكتبو مابلاقي ريناد بلاقي ورقة بيفتحها
محتوى الورقة وهيك انتقمت منك وتصافينا مو ريناد يلي بتنترك ياعمار ومشان جية ريحانتك فمخططلها قبل تعيش وتاكل غيرها ياحلو
عمار الله يلعنك الله يلعنك لازم فرجي هالورقة لريحان لازم كيف هيك بخونها حتى لو بلحظة الله يلعنك عمار غبي غبي بيعد على الكنباية بضيق وبيمسك راسو بكفوف ايديه ماعم يقدر يستوعب يلي صار
ياسمين بتنئز من دقة الباب بتقوم لتفتح خير اللهم اجعله خير بكون أدم عم يتحمم
بتفتح الباب وبتشوف ريحان دموعها على خدودها وعيونها حمر من البكى وحالتها بتصعب على الكافر
ياسمين بتنصدم من منظر اختها رريحان شبك ياعيوني
ريحان بترتمي بحضن اختها متل جسد بلا روح وبتبلش تشهق وتبكي
ريحان عم تحكي بنص شهقاتها وكلماتها متقطعة خاخاني وبزيد بكاها
ياسمين مين هاد وش القصة ماعم بفهم عليكي ريحان طيب اهدي اهدي خلينا نفوت لا تبكي بتسكر الباب وبتدخلها هي وحاضنتها بتحطها
بتحطها جنبها وريحان لسا ماعم تقدر تفارق اختها ومتمسكة فيها
ياسمين بتندهله أدم
ادم بيجي اي روحي ها هي ريحان عنا بيسكت وقت يشوفها عم تبكي ريحان شبك ليش عم تبكي شو صاير ياسمين
ياسمين والله مافهم شي منها جبلي كاسة مي لهديها
أدم يلا يلا بجبلها وبيجي خدي ريحان شربي
ريحان بتاخد الكاسة هي وعم ترجف لسا بتشرب شوي وبتعطيها لياسمين
ريحان بتاخد نفسها بصعوبة والغصة قاتلتها بتطلع فيهن انا حمارة سلمت قلبي لاانسان ما بيستاهلو بتطلع بأختها هي وعم تبكي اختي شو عملتلو شو ليش يخوني ليش قدام عيوني بشوفو بتغص بشوفو عم يبوسها ليش ليش انا شو عملت لاتجازة هيك ليش
أدم بيتطلع فيها بخجل عمار
ريحان بتحط ايدها على ادنها لا تسمعني اسمو لا تلفظو بكرهو بكرهو
ياسمين بتطلع بأدم انت بتعرف !! ليش ماعندي علم أدم
أدم بعدين ياسمين مو شايفة حالة ريحان
سمعيني منيح مسحي دموعك ما تبكي ما تبكي دموعك غاليين وهو ما بيستاهلهن عم تفهمي لاتبكي ريحان
ريحان بتحط ايدها على قلبها كسرلي قلبي يااختي القلب يلي حبو عطيتو حبي وثقتي ليش يخوني ليش!
ياسمين بتحضنها هسس خلص خلص لا تبكي
أدم بقرب من ريحان وحياة عيونك ياريحانتي رح اخدلك حقك منو ولا عيونك تدمع دمعة انتي اختي لصغيرة ويلي بيرميكي بشوكة برميه بجهنم انتي ارتاحي وانا بعرف شغلي معو
ريحان وعم يرن ليبرر خيانتو كمان الله يلعنك
أدم هاتي الموبايل وانا رح اتصرف ياسمين تعي شوي
ياسمين بتبعد عن اختها اهدي راجعتلك وبتقوم مع أدم
بيدخلو على الغرفة
ياسمين ممكن تفهمني شو عم بصير أدم لك كيف كيف بتخلي هيك علاقة تتم
أدم ياسمين صدقيني مابعرف انو ريحان بتحبو هو حكالي معجب فيها وبس مابعرف انو هنن عم يبادلو بعض نفس المشاعر
ياسمين بتحط ايدها على راسها بۏجع وبتكون منفعلة أدم المفروض كنت تخبرني ريحان بنت صغيرة مارح تقدر تسيطر على مشاعرها كلنا منعرف بهالفترة انو رح تنجر ورا الحنية ريحان مفتقدة حنية بابا
