رواية عشقك_اماتني_واحياني الفصل السابع والاخير للكاتبة_سلمى_جنايدة حصريه وجديده

...اصلا ماطقت براسا هالفكرة الا اليوم معناها اكيد واصلا كلام عن موضوع المحبس او بجوز سمعتك مبارح.
نوال ......ازا هيي هيك بدا ليش انت لتتدايق ...طلقها وخلينا نعيش حياتنا.
لؤي ..مستحيييييييل مابطلقا لو بتطقي نصين ....وهديك حسابا عندي .
دخل لؤي لعندها وكان حاطط الشړ بين عيونو .
لؤي .......شو الكلام اللي قايليتو لأمي .
امل .....خبرتك مرت عمي.
لؤي .....بدك تتطلقي ...ليش اااه ليش ....انا اسأتلك شي ....
حسستك اني متدايق منك ...زعجتك شي .
امل .......بجوز لأنو ماعملت ولا وحدة من هدول .
لؤي مافهمت .
امل ....لؤي ....صار لازم تشوف حياتك وانا شوف حياتي .
لؤي ......بدك تتزوجي يعني.
امل ....ماعم فكر بهالموضوع.
لؤي ....اي لكان شو بدك .
امل...بدي استقر بحياة عادية هادية بدي حس بكل اللي قلتو هلأ .
لؤي ....وازا قلتلك مارح طلق.
امل .....ليش لؤي ...ليه باقي علي انت مابتحبني وتزوجت من البنت اللي بتحبا ....لا تفكر بأنانية واتركني شوف حالي .
.الزواج مو تعويد وبس .....الزواج حب مشترك عطاء تبادل بكل شي بالمشاعر والاحاسيس حس فيك وتحس فيي تقدملي وقدملك ...شوفك بعين الرضى وتكون مالي عينك مني وتحس بوجودي ماكون بس وسيلة لراحتك وراحة غيرك .....حس فيي مشان الله .
امل والبها عم يدق بسرعة وعم ترجف بين ايديه .......بترجاك لؤي خليك مع حبيبتك واتركني ...انا هون كرمال امك وهيي خفت كتير هلأ ووجودي هون ماالو لازمة .
عصب لؤي وبعد عنها .......ماارح طلق عم قلك لو بهالبيت مارح طلق انتي الي ...الي وبس ...الي وبس .
راح وتركها عم تبكي قعدت عالأرض وسندت حالها للحيط وصارت تبكي و راسها بالحيط .
بقيت يومين على حالها ماعم تقبل تاكل ولا تطلع من غرفتها لوقت اتصلت فيها شيماء وطلبت منها ترافقها للسوق رفضت امل بالبداية لكن شجعتها شيماء وخبرتها انو لازم تشوفها ويحكو بهالموضوع.
حكت امل لام لؤي انو بدها تطلع مع شيماء وشجعتها هي كمان .
رجع المسا لؤي وكانت امل لسا مو راجعة طلع لغرفتو مالاقاها نزل لعند امو وسأل عنها ..
امو ....راحت مع شيماء من ساعتين عالسوق .
لؤي ....هيك بدون ماتخبرني .
امو ....انا اللي قلتلا تطلع كانت رح تتصل فيك انا ماخليتا قلت خليها تغير جو بلكي بتتغير نفسيتا لا تضغطا ياامي انت شايف وضعا بهالكم يوم .
لؤي .....زمان طلعت.
امو ...قلتلك امي من ساعتين بس.
لؤي ..رح روح جيبا.
امو .....لأ امي اتركا ترجع براحتا بتكون خففت عن حالا شوي......وبعدين ياامي نحكي مرة تانية ....لك ابني اتروك البنت تشوف حياتا انت تاركها ومو سائل فيها لك حتى ماعم تهتم فيها والكل ملاحظ من وقت اللي اجت لهون لليوم وانت مابتهتملا ...حرام ياامي مابجوز من الله .
لؤي .....طلاق مابطلق.
امو ....لك لا عم تطلع معا ولا عم تحكي معا كتير ولا عم تعاملا متل نوال لك حتى لهلأ مااخدتا شو معنى هالحكي معناتو انك مابدك اياها ..مالازم تكون اناني يالؤي بس لأنك تعودت عليها ...من حقها تتزوج من جديد زواج بعرس وبدلة ودهب رجال ترقص معو يضما يباركلا بزواجهن والناس تهنيهن من حقا الشرعي يكون عندا رجال بكل شي يعاملا متل زوجة عم تفهم عليي رجال يحن عليها ويحبها وتجيب منو ولاد .
لؤي ......بدك اياها تتزوج !
امو عصبت عليه .....من حقا