زواج مشروط بقلم هلا غرابلي الجزء الرابع حصريه وجديده

دور و جواتا التياب
ركض بسرعة و قرفص قبالا
معتصم شو هادا
ساليمبتسمة عم اغسلك تيابك
معتصم حاطة الابيض مع الملون مع الاسود على اعلى درجة
سالي ايه قلت بنظفو و بتعقمو احسن
قام وقف و تنهد
معتصم خلص انت ما تغسلي انا بغسل
سالي ما عجبك غسيلي يعني من فوق ما حبيت ساعدك
معتصم بس ما هيك تاني مرة افصلي كل شي لحال
سالي اوك جبتلي علكة
معتصم جبتلك بس حاولي ما تسمعي الحارة التانية انت و عم تعلكيا لانو بتوقع لؤي يعرف محلك و يجي على صوتا
سالي لا ما لهل الدرجة ولو
استند على الغسالة
معتصم جبتلك ملوخية حتى تطبخي
كنت عم افتح العلكة و حطا بتمي اطلعت فيه
سالي ملوخية!
معتصم ايه هاي اكلتي المفضلة بس ما تقليلي ما بتعرفي تطبخي 
سالي لا ايه امبلا طبعا بعرف
معتصم معناها رح اتركك تكملي شغل و انا طالع على الصالون و شوف وين وصل لؤي و رجالو
سالي ماشي
طلع معتصم من المطبخ بعد شوي رحت وقفت على باب المطبخ شوف شو عم يعمل كان قاعد عم يحكي تلفون طلت موبايلي من جيبتي و اتصلت بام العبد
سالي ام العبد دخيل الله قليلي كيف بيعملو الملوخية
ام العبد بدك تعملي ملوخية حبيبتي دبري حالك لبين ما ارجع انا ما مطولة عند ابني
سالي لا لا خدي راحتك انا حابة جرب يعني قليلي كيف يلا سامعتك
سكرت مع ام العبد و بلشت كانت متلبكة كتير انا و عم اطبخ و ما ملحقة و صار جلي كتير بعد 3 ساعات لخلصت و طلعت من المطبخ كأنو كنت بمعركة
سالي خلصت قوم تغدا
معتصم يلا قايم ها لنشوف شو ابدعتي
فات على المطبخ و اطلع على الصحون
معتصم شكلا بيشبه الملوخية
سالي لسا شوف الطعمة غير شكل
سحب الكرسي و قعد و سكب صحن و انا عم اطلع فيه و ابتسم لشوف ردة فعلو
سالي كيف
معتصم طيبةيبلع ريقو
سالي قلتلك بعرف اطبخ بس الرز بيقرط شوي
معتصم اممممم بس ما بتشبه الملوخية يلي كانت امي تعملا الله يرحما
سالي الله يرحما امك مېتة 
اطلع فيني و ضحك
سالي يعني قصدي من ايمت 
معتصم من زمان كتير ما بقا حسبت الايام و السنين من بعدا
سالي و اانا كمان امي مېتة
معتصم الله يرحما
سالي و ابوك عايش
معتصم ايه يلا دايما الاكل كتير طيب
سالي ما اكلت شيشكلا ما عجبتك
معتصم لا بالعكس كتير طيبة يسلم ايديكي
انسحب معتصم على الصالون و عملت قهوة لحقتو كنت حابة ضل جنبو و احكي معو لاعرف كل شي عنو ماضيه و حاضرو و خططو للمستقبل بس رن الجرس لسا قبل ما قعد جيت لافتح الباب قام فورا لعندي هو و عم يأشرلي بايدو اسكت سبقني و اطلع على العين الساحرة و بعدين فتح الباب و فاتت الكريهة ميرفت و لفتو فورا من رقبتو
ميرفت عصومة وين هالغيبة اشتقتلك
لفتو و بعدين وقع نظرا علي و انا شعري كعكة و لابسة بجامة البيت و ريحتي طبخ و هي على اخر طرزهي انزعجت من وجودي و انا انزعجت من جيتا
ميرفت هاي شو عم تعمل هون
سالي قاعدة ببيت زوجي
ميرفت نعم حبيبي نعم
اطلعت بمعتصم ناطرة تبرير منو
معتصم فوتي فوتي منحكي جوا
ردة فعلو زعجتني فاتت و هي عم تتمايل و طق بكعب الكندرة مرت جنبي و حسيت حالي قزمة جنبا قعدت بالكنباية بصدر البيت و حطت رجل على رجل
معتصم سالي جيبي فنجان قهوة لميرفت
سالي ولله!طيب
فتت على المطبخ جبت فنجان و رجعت صبتلا القهوة و فتت على غرفة النوم بس كنت اسمع صوت ضحكتا