سكريبت دخان_القلوب بقلم_طيف_الورق الجزء_الآۆلْ_والاخير حصريه وجديده

سكريبت دخان_القلوب بقلم_طيف_الورق
الجزء_الآۆل_والاخير حصريه وجديده 
سماء اخي كرمال الله قلتلك ماابدي والله ما فيني الله يخليك فهمني 
جهاد كرمال هداك الواطي مو !
سماء لك اخي اقسم بالله ماله علاقة لك من لما نبهتني معد رد عليه ولا اعطيه وش اصلا انا مابحبه والله الله يخليك مابديي 
جهاد اختي الموضوع انتهى عطيت كلمة للزلمة بتعرفيني شقد بحبك وبدي مصلحتك وانا اخترتلك الرجال يلي يكون سندك من بعدي انا مو دايملك ع طول 
سماء بس يا اخي بدي كمل دراستي الله يوفقك اجل الموضوع بس شوي
جهاد يا اختي يا حبيبتي مو حطيتي البكلوريا بجيبتك خلص انا بحكيلك معه تكملي جامعة عنده والله لو ما الشب لقطة لما فكرت زوجك بدون ارادتك بس مستقبلا رح تعرفي اني عم اعمل هيك لمصلحتك 

سماء يااربي والله عمري استنى لطبق ال وبعدا زوجني امي احكيلك كلمة
جميلة اخوكي ادرى بمصلحتك يا بنتي عريس كل بنت بتحلم فيه عز وجاه علم ودين واخلاق مال وحسب ونسب وغير هيك شخصية شو بدك احسن من هيك اذا ضيعتيه من ايدك بتكوني مچنونة
سماء بس يا امي انا م...
سحبتني مرة اخي من ايدي وفوتتني ع الأوضة 
جنان سماء حبيبتي اسمعيني اخوكي ماعم يعمل هيك غير لمصلحتك بتعرفي اديشو بحبك وعندو ياكي بالدنيا وكله إلا زعلك ولو مو شايف هالقرار مناسب الك ماكان قرر لهيك يا قلبي لا تزعليه منك
سماء بس يا جنان انا مو جاهزة لهيك امور انا مابدي اتزوج هلأ بدي كفي دراستي وغير هيك انا الشب كله عبعضه مابعرفه ولا شايفته بحياتي
جنان يا قلبي الزواج هو سترة البنت الزوج بكون سند المرة بكون رجال بضهرها بحميها وبصونها 
ليكني انا ماشفت السعادة إلا لما اتزوجت اخوكي وما كنت بعرفه من قبل ابدا ودرست البكلوريا عنده وجبت منه احلا بنتين من 7 سنين لهلأ شفتيني مرة كئيبة او حزينة 
الزواج سعادة للبنت مو متل ما مفكرة
ما اقتنعت كتير بكلام مرة اخي بس خلص الموضوع محسوم وسواء وافقت او لا هالزاجة رح اتم قلبي ابدا ما كان مطمن ولا كنت حاسة بالراحة ابدا 
خطيبي يلي عأساس خطيبي لا شفته ولا شافني ابدا قال هو مابحب يشوف المرة إلا لما تصير مرته شو هالتخلف هاد ماعرفت واهلي كانو طايرين من الفرح وشايفينه ومو مصدقين قضيت فترة قبل عرسي كلها بكي حاولت كتير اقنعهم يتراجعوا بس ابدا ماغيروا رأيهم 
بيوم عرسي ماحدا اجا من اهله لان اهله كلهم بفرنسا كانوا كل المعازيم قرايبينا استأجر صالة من افخم مايكون وجهازي كان من اتقل مايكون وعمل عرس كل المنطقة صارت تحكي فيه
كنت ناطرة بالصالة ليجي العريس وياخدني وكنت متحمسة لاتعرف ع شكل زوجي المجهول 
اجت امي وقالت 
جميلة ياصبايا العريس بدو يفوت يلي بده يحط ع راسه بسرعة
بعد شوي دخل رجال ماسك ورد وصار يقرب لحتى صار مقابلي تمام وقال 
لؤي مبروك يا عروس 
ركزت نظري عليه كان ملفت بشكل شخصية رجولة واناقة 
سماء ييارك فيك 
اطلع فيني من فوق لتحت بعدها ابتسم ابتسامة خوفتني كتيير عيونه ماكان فيهن حب ابدا قلبي مو مطمن
بعد ما خلص العرس اجو اهلي ودعوني وقبل ما اطلع مع لؤي مسكني اخي وقلي 
جهاد مبروك يا احلى صبية مبروك يا شمعة بيتنا اتذكري يا اختي اني بحبك كتير ومابريدلك إلا السعادة انت امانة من الغالي الله يرحمه واتأكدي اني ماعملت هيك إلا لمصلحتك ودموعك هدول مابدي شوفن مرة تانية اخوكي دايما موجود وبستنى زيارتك وانا اتفقت مع لؤي يكفيلك دراستك لهيك طمني بالك
ضميته لأخي بقوة وطلعنا كانوا اهلي متفقين مع لؤي انو نقضي شهر بالبلد وبعدا نسافر ع فرنسا بس يلي فاجئني اول ما وصلنا ع غرفتنا بالفندق قلي
لؤي شوفي ناطرك تبدلي فستانك بسرعة وتنزلي ما بدنا نتأخر عالطيارة ناطرك تحت
سماء بس نح....
نزل قبل ما يسمع اي كلمة مني ماعرفت شو اعمل ابكي ولا دق لاهلي الخۏف والتوتر عم يسيطر علي اكتر 
اخر شي لبست وفلتت تسريحتي ومسحت مكياجي ونزلت 
طلعنا بالسيارة بدون مانحكي اي كلمة واول ماوصلنا عالمطار حكيتله 
سماء بالطيارة بدنا نسافر!
لؤي لكا شو الواحد بعمل بالمطار!
سماء بس انا بخاف من الطيارة كتيير ولا مرة ركبتها 
اطلع علي ببرود وقال 
لؤي وهو المطلوب 
ندالته مو بس خلته يجيب عروسته من اول يوم عالمطار ويسفرها بالطيارة خلته يتركني اقعد لوحدي بالكرسي وانا عم مۏت من الړعبة و هو ولا همه وكأنه عم يستلذ بخۏفي وصړاخي
اول ما وصلنا ع البلد كان بلد مختلف كتير ابنيته طرقاته وشوارعه وحتى اللغة كنت عم وزع بصري ع كل مكان ومحل لحد ما وصلنا عبيت اهله كان عبارة عن فيلا من 3 طوابق بناء فخم وانيق دق الباب وفتحتلنا على ما يبدو الشغالة 
مطيعة اهلا وسهلا يا بيك نورتو اهلا وسهلا يا عروس 
لؤي امي وين 
مطيعة بالصالون يا بيك عم تشرب قهوة 
او ما دخلنا ع الصالون ركض لعند الست الي واضح انها امه وحضنها 
شهناز الحمدلله ع سلامتك يا روحي طولت الغيبة
بعدها وجهت نظرها علي اطلعت علي بكل برود وقرف وسحبت ابنها وهي معصبة وراحوا 
انتبهت انو كان في صبية قاعدة ع زاوية الصالون كانت عم تطلع ببرود قامت قربت مني وقفت تماما مقابلي وصارت تتأمل ملامحي وبعدها حسيت في دمعة لمعت بعيونها تركتني وركضت لفوق مابعرف شو يلي شافته فيني حتى خلاها هيك
اتطلعت حولي لقيت حالي ضليت وحيدة بهالمكان مافي حدا حولي غير انا وهالشنتة شو بدي اعمل هلأ كنت شاردة بتفكيري لما اجاني صوت مطيعة من وراي
مطيعة هههه يا خانم تركوكي هون لحالك ما تواخذيهن انعبطوا بابنهم اله فترة غايب عنهم تعالي لاخدك ع غرفتك
سماء ع غرفتي!
مطيعة اي ع غرفتك جهزنالك غرفة خص نص الك
سماء ولؤي
مطيعة لؤي عنده غرفة جاهزة من زمان
مابعرف شو عم بصير هون عقلي مشوش كتير وتعبانة طلعت معها ع الغرفة كانت حلوة ومرتبة 
سماء انت بتشتغلي بهالبيت
مطيعة اي من زمان من لما كان لؤي صف عاشر وكانت خلود بالجامعة 
سماء مين خلود 
مطيعة الصبية يلي شفتيها تحت اخته للؤي 
سماء هي يلي بقيت نص ساعة تتأملني وبعدها طلعت بدون ماتحكي شي
مطيعة خلود مافيها تحكي للاسف فقدت قدرتها ع النطق من سنين
اطلعت فيها پصدمة وبعدا سألتا 
سماء كيف فقدتها
تلبكت كتير وبعدا قالتلي
مطيعة حبيبتي هلأ نامي ولا تشغلي بالك بشي ارتاحي لحتى يجهز الغدا وبصحلك تتغدي 
غمضت عيوني وحاولت مافكر بشي ومن كتر التعب غفيت
مطيعة يا خانم اصحي الغدا جاهز
سماء بدي ناام 
مطيعة يا حبيبتي لسا ما اكلتي شي قومي كلي بعدها نامي
قررت قوم بعدها اسمعت صوت
لؤي خالة مطيعة الجوعان بقوم لحاله اتركيها ما منجبر حدا ياكل 
طلعت مطيعة وسكرت الباب وراها يخربيته شو لئيم لعما بقلبه اذا عنده احساس 
رجعت غفيت مرة تانية وصحيت بنص الليل كان البيت هادئ كتير ويظهر الكل نايم كنت جوعانة كتير وبطني عم يزقزق نزلت شوي شوي عالدرج ومشيت ع روس اصابيعي ضليت دور عالمطبخ للقيته ماشغلت الضو خفت حدا ينتبه فتحت البراد وصرت طلع