رواية عروسة صيني الحلقه الثالثه بقلم محمد منصور حصريه وجديده

ينفعش احس باللي حسيتي النهاردة
روبي
هو انت حسيت باية يا موز
موز
روبي باحراج
اكيد مش انا
ويبص روبي للفلوس وهو بيعدها فتقول ايفون
هافك الربط اللي بيني وبينك بس هتساعدني
موز
طبعا. انا مش ناكر للجميل علشان تديني الفلوس دي كلها واغدر بيكي
ايفون
يبقي اتفقنا. ودلوقتي احنا ننام ونصحي بكرة الصبح ونبدأ ندور علي البت
موز
ندور. هو انتي ما تعرفيش عنوانها. 
ايفون
لا.
موز
ولا اسمها
ايفون
لا.
موز
لا. اومال انتي عارفة اية
ايفون
كل اللي اعرفة عن البت دي انها ساكنة في البيت دة
وبدأ يترسم علي ذراع موز رسمة تشبة الوشم لبيت قديم وعلي سطوح البيت برج حمام وواقف علي البرج راجل كبير في السن بيطير حمام ووسط الحمام حمامة لونها احمر ڼاري وكانها حمامة مولعة وبتطير وهي مولعة فاستغرب موز اوي وروبي بيبص لذراع موز اللي بيترسم علية الوشم ويقول روبي
حاجة غريبة
موز
فعلا حمامة بتطير وهي مولعة
روبي
لا. مش كدة. اللي بيرسم علي ذراعك دة. بيرسم بقلم رصاص بس من الغالي
فيبص له موز بغل شديد ويقول له
امشي من قدامي
فيمشي روبي وموز يبص لايفون اللي انتهت من الرسم وقالت
دة كله اللي اعرفة عنها
موز
انتي بتصعبيها علية. لكن خلينا نبدأ وندور عليها واول حاجة لازم نعملها نروح للمدلدل بابا وهو الوحيد اللي هايقدر يساعدنا
ايفون
المدلدل دة اسم
موز
لا. بقول لك اية هو مدلدل صحيح. بس خبرة ودماغة صاحية 
ومن علي كوكب احمد يجلس ملك الكوكب ويدعي شاومي وكان قاعد بيلعب بابجي وبيقول
عايز شنطة ليفل ثري بسرعة هاموت هاموت
وفعلا ماټ فدخل علية وزيره. اوبو. ويقول له
مولاي شاومي
فيبص له شاومي ويقول
والله بحس بدخلتك علية. عمرك ما دخلت علية الا بمۏتي في البابجي
اوبو
عارف انك ما بتحبش حد يدخل عليك وانت بتلعب لكن الموضوع خطېر
شاومي باهتمام 
في اية يا اوبو
اوبو
ايفون سابت الكوكب وهربت لكوكب الارض علشان تغير مستقبلها
شاومي بانفعال
بتقول اية. 
اوبو
دة اللي حصل وعرفت بي وجيت علشان اقول لك.
شاومي
ابعت ورها اللي يرجعوها لينا هنا حية او مېتة
اوبو
ما ينفعش ټموت يا مولايا والا المستقبل كلة هايتغير
شاومي 
ايفون عنيدة ومش هاتيجي الا بالقوة.
اوبو
مش كل حاجة القوة. ممكن بالعقل كمان نقدر عليها بس نوصل للبنت اللي مستقبلها مربوط بمستقبل ايفون
شاومي
ودي بس نوصل لها ازاي وايفون ما تعرفش عنها حاجة واحنا كمان ما نعرفش عنها اي معلومة
اوبو
خلي بقي نوصل لها ازاي دي عليه انا ويا ويلها مني هي واي انسي من كوكب الارض فكر يساعدها 
يارب تكون الحلقة عجبتكم. مستني رايكم.