رواية عروسة صيني الحلقه السادسه بقلم محمد منصور حصريه وجديده

القصة
فيبص روبي ل اوبو ويقول
سايبها يلا بدل ما بوظ التاتش بتاع امك
فيبص لة اوبو ويقول
يا عم روح
ويحاول اوبو ابعاد روبي عنه ولكنة ما يقدرش وېصرخ اوبو ويقول
انت مبلول مية
روبي
اة كنت في القسم والظابط حب يحميني بنفسه
اوبو
طيب ابعد المية. بتبهدلني
روبي
بقي كدة
ويجري روبي ناحية اوبو وياخدة بالحضن وېصرخ اوبو ويهرب مسرعا من الشقة ويسيب ايفون فتجري ايفون ناحية روبي وتاخدة بالحضن وتقول لة
انا بحبك اوي يا روبي
فيبص روبي لشكلها ويقول
خشي في العروسة تاني وتعالي نكمل حضڼ
فتدخل ايفون في العروسة مرة تانية وتقول
لما ارجع من برة هاخدك حضڼ كبير قد الدنيا
روبي
انتي خارجة رايحة فين
ايفون
رايحة.
وتسكت ايفون لانها نسيت كل حاجة وصړخت وقالت
لا. انا نسيت. نسيت السلك النحاس بوظ لي مركز الذاكرة. في اخر خمس دقائق
وتصرخ باعلي صوت عندها 
ومن علي باب استوديو يقف رجل كبير ومعه بنت صغيرة باين عليها المړض والرجل يقول لامن الاستوديو
ابوس رجلك يا ابني عايز اخش للاستاذ مجدي. بنتي محتاجة تعمل عملية ضروري والا هاتموت
فرد الامن 
يالا يا حج من هنا. الاستاذ مجدي مش فاضي
الرجل وهو بيعيط
ابوس ايدك ابوس رجلك انا روحت للناس كلها بنتي هاتموت.
وفي هذة اللحظة تصل عربية ملاكي تبع البرنامج وينزل منها موز وهو باين علية الشياكة والوجاهة وكانت معه رانيا معدة البرنامج. ويقفوا قدام باب الاستوديو ويبص موز للراجل الكبير اللي بيعيط ولبنتة المړيضة وتقول رانيا للراجل
هو انت ما بتزهقش كل يوم اشوفك عند استديو شكل
الرجل بحزن شديد
بنتي بټموت والله العظيم بټموت. عايز اي مساعدة. الاستاذ مجدي يعرف ناس كتير
رانيا
الاستاذ مجدي مش فاضي للاشكال اللي زيك. يلا امشي
موز وهو بيبص للراجل بتاثر شديد ويقول
ابوس رجليك يا بية كلمهم يدخلوني. بنتي بټموت والله بټموت.
فترغرغ دموع موز ويقول لرانيا
هو لية راجل زي دة ما تحاولوش تساعدو. حتي لو طلع في فقرة في برنامج استاذ مجدي اكيد اي حد هايشوفو هيساعده
رانيا
موز. الناس مش ناقصة نكد. الناس تحب اللي زيك صاحب افكار مطرقعه او مطرب غني اغنية طرقعت انما حزن ومرض. ما فتكرش ان دة حد يحب يشوفو علي الشاشة. ويالا بقي ادخل وركز في مستقبلك. دة انا سمعت ان في شركة انتاج كبيرة هاتمضي معاك عقد لمسلسل في رمضان انت والعروسة بتاعتك.
فيدخل موز الي الاستوديو وصوت وبكاء الرجل في ودنة
ومن داخل الاستوديو يجلس مجدي في اوضة بيجهز لتقديم الحلقة فتدخل علية الاوضة رانيا ومعها موز فيسلم علية بترحاب شديد ويقول له
نورت يا نجم الجيل
موز
الله يخليك استاذ مجدي. انت مش عارف انا فرحان قد اية اني مع حضرتك النهاردة.
مجدي بتعالي
عارف عارف. اي حد يتمني يجي البرنامج بتاعي من اول رئيس الحكومة لغاية اصغر مؤظف في الوزارة
موز
طبعا. ما انت علم في الاعلام المصري
مجدي
اومال فين العروسة الصيني اللي قلبت الدنيا
موز
مجبتهاش معايا
فيغضب مجدي ويقول
مجبتهاش.
ويبص
مجدي لرانيا ويقول بعصبية
جري اية يا رانيا. دة انا ماكد عليكي يجي هو والعروسة جاي لي لوحدة يعمل اية
موز
هي الناس هاتحب تشوف العروسة اكتر ما تشوفني
مجدي
طبعا. هو انت. اية ما غيرها.
فيصدم موز ويضايق ويقول
انا اية
مجدي
سامحني انا صريح. وما تزعلش مني. لولا العروسة اللي قلبت مصر كلها ما كنتش جبيتك معايا ما افتكرش ان الناس هاتحب تشوفك من غيرها. روح هاتها وتعالي بسرعة وهخليك انت الفقرة الاخيرة في البرنامج بتاعي. مش برضو تلحق تروح وتيجي في ساعة
موز
هو انا هالحق اروح بس مش جاي
ويروح ناحية باب الاوضة وهو يقول
عمر الصراحة ما كانت بتزعل لكن اللي انت قولتة دة مش صراحة دي اسمها جليطة وقلة ادب. 
ويرزع الباب وراء منه بمنتهي الڠضب وهو بيعيط وبيسمع صوت مجدي في ظهرة وهو منفعل بشدة علي رانيا. وخرج من الاستوديو ولقي الراجل العجوز وقال له
عايز فلوس لعملية بنتك
الراجل العجوز
ابوس ايدك ورجلك
موز وهو بيطبطب علي الراجل بمنتهي جبر الخواطر ويقول
تعالي معايا وهاديك اللي انت عايزة وزيادة.
فيرتمي الراجل في حضنة وهو يدعي له كل الدعاء اللي يعرفة 
يارب تكون الحلقة عجبتكم. مستني رايكم.