نوفيلا اعتبرني اختك الفصل الأول والثاني والثالث والأخير حصريه وجديده
بصراحة .. بس هما عيلين مش تمام يا باشا
وكيل النيابة .. هل لديك اقوال اخري
سيد .. لا يا باشا خير الكلام ما قل ودل
وكيل النيابة .. امضي يا سيد والف سلامة
سيد .. الله يسلمك يا باشا
وبعد ان ينصرف وكيل النيابة تدخل ام سيد ومعها صابرين
سيد .. البت دي اللي جابها هنا !! انا مش عايز اشوف خلقتها قدامي خالص
احسان .. خلاص يا سيد المسامح كريم .. صابرين جاية تعتذرلك وتطيب خاطرك
احسان .. طب ما انت يا سيد اتحرشت بيها
سيد .. انا مكنتش في وعيي
احسان .. ما هو كله من البرشام الزفت اللي بتطفحه اللي خلاك مدهول علي عينك .. البت متصدقش هي حبت تهوشك بس لكن اللي حصل بقي ويمكن دا درس ليك عشان متجيش ع الولايا البت غلبانه ومعتبرانا اهلها عيب عليك يا سيد دي اختك والمفروض تحافظ عليها وتحميها بدال ما عاوز تنهش في لحمها
صابرين .. انا اسفة يا سيد مكنش قصدي
سيد .. اسفك مش مقبول وزي ما قلتلك انا ما بسبش طاري
احسان .. خلاص يا واد انت هتسوق فيها ولا ايه !! انت اللي غلطت معاها الاول وع العموم ربك سترها .. خلصنا بقي !!
وتمر الايام ويخف سيد ويستعيد صحته وقوته ولكن هل فهم الدرس !! لا لم يفهم الدرس ولم يتعظ بعد ان حصلت صابرين علي شهادة الثانوية العامة بتقدير عام ممتاز ودخلت كلية الهندسة التي طالما حلمت بها استغل سيد هذه الفرصة لينتقم من صابرين كالصياد الذي ينتهز الفرصة لېقتل فريسته ادعي انه فرحان لحصول صابرين علي الثانوية العامة وانه يريد ان يحتفل بها لانها اخته فأخبرها بأنه يريد ان يعزمها في مطعم فخم وان يجعلها تقضي ليلة بعمرها ولان صابرين طيبة القلب .. حسنة النية والظن صدقته وذهبت معه في سيارة احد اصدقائه ..
سيد .. دي عربية واحد صحبي استلفتها منه عشان نتفسح بيها
صابرين .. صحيح هتفسحني يا سيد !!
سيد .. الاول هعشيكي في احسن مطعم كباب وكفته وبعد كدا هفسحك في مصر كلها
صابرين .. ربنا يخليك ليا يا سيد
سيد .. عيب يا بت دا انتي اختي وانا فرحان لك
وتركب صابرين السيارة مع سيد فتشعر انه يصحبها الي مكان مهجور وبعيد
صابرين .. احنا رايحين فين يا سيد !!
سيد .. ليا فلوس عند واحد صحبي هنعدي ناخدهم بالمرة
ثم يصل بها
