رواية اتجوزني عشان اربيله ابنه بقلم رحاب القاضي الفصل الحادي والعشرون حتى الفصل الثلاثون والاخير حصريه وجديده

علي فكره..
وطلع حازم هو كمان وقال
وانا اللي قولتلها تقول لاياد يقولك كده فاهمه حاجه صباح الفل..
طلع معتز هو كمان وقال
وانا اللي قولتلهم يقولولك كده ايه رئيك بقي في الحركه كريتيف مش كده..
مريم 
تعبتو نفسكم والله علي الفاضي بقولكم ايه خدو بعضكم وامشو عشان ما افرجش عليكم الشارع..
حازم پحده 
جرا ايه يا بت انتي ما تتلمي بقيى هو انتي ما حدش عارف يلمك ولا ايه..
نزلت مريم اياد وقالت 
استني هنا كده يا اياد لحد اما افك الكوتشي ونشوف مين دي اللي عايزه تتلم..
حازم پخوف 
وربنا ما عليكي ده انا اقصد البت اللي ماشيه تتقصع دي ما تتعدلي يا بت انتي..
نيره بسخريه 
وكان عليك ايه من الاول جيبت التهزئ لنفسك اسكت عايزه اروح بيك سليم قدها انت المفتريه دي..
مريم بغيظ 
وحياة امك يا نيره ما هسيبك...
_جريت نيره وحازم وهما بيضحكو وقرب منها معتز وقال..
معتز 
بعيد عن جوز الهبل اللي جيبتهم معايا دول وحشتيني وهترجيلي يا مريم عارفه ليه..
مريم بضيق
امم ليه ان شاء الله..
معتز 
عشان وحشتك يا قلبي وعشان انا اسف ومش قادر اعيش من غيرك وانا اللي محتاجلك جنبي ومعايا مش اياد..
مريم بدموع 
مش قادره اصفالك يا معتز بجد...
معتز بهدوء
انا ما اتربتش وحيوان وكفايه بقي كرامة اهلي اتبعترت علي الارض..
ابتسمت ڠصب عنها وقالت 
لا لا ما اتكيفتش لسه في حته كده شايله منك..
قرب منها وباسها وقال
كده صافي يا لبن بقي..
مريم وشها احمر وقالت 
ايه اللي انت عملته ده عيب..
معتز 
خلاص بقي تعبتي امي معاكي تعالي بقي عشان هنطلع شرم بس لوحدنا اياد هيقعد مع تيته يونسها صح يا اياد..
مريم بقلق
ايه ده فين اياد هو راح فين..
معتز پخوف 
يخربيت سنينك نستيني الواد..
مريم 
تاني برضو بتغلط فيا عشان ابنك طلقني يا معتز..
اياد وهو بيبص عليهم من شباك العربيه 
زهقتوني کرهتو الناس اللي بتقرا الروايه فيا اديني مرزوع مستني فقره المحڼ بتاعتكم تخلص..
مريم 
شايف ابنك..
معتز 
تربيتك يا روح امك يلا بينا بس..
مريم 
عايزه فستان فرح وعايزاك تعملي فرحي في ياخت لوحدينا انا وانت بس يبقي جو رومانسي و..
معتز 
اتلمي يا وليه ده انتي لو كنتي لسه حامل كان زمانك شايله ابنك علي ايدك...
مريم بغيظ 
معاك حق انا غلطانه هحقق احلامي مع مين مع بوز الاخص اللي متجوزاه اتنيل استناني هاخد اذن وجايه..
معتز 
بحبك يا احلي مريم.
ابتسمت مريم وقالت 
وانا كمان بحبك ياللي مشحططني معاك..
_وبعد خمسه وعشرين سنه وقف اياد بعربيته قدام نفس القسم اللي كان شغال فيه معتز زمان ونزل منها وكان شبه معتز جدا بس علي احلي وقال وهو بيتكلم في الفون..
اياد 
والله العظيم يا ميمي هفطر معلش بس هقفل عشان وصلت الشغل..
مريم 
هتفطر ايه عارف تاكل حاجه مش صحيه هزعلك وازعل ابوك..
ضحك اياد وقال
لا هجيب اكل صحي المهم روحي اتكلمي مع انس اخويا عشان بابا شد عليه جامد النهارده..
مريم
حاضر يا حبيبي المهم خلي بالك من نفسك..
اياد 
حاضر يا احلي ماما في الدنيا..
_دخل اياد القسم وقابله العسكري وقال..
العكسري
بعد اذنك يا اياد باشاا في بنت قاعده هنا من الصبح مستنيه حضرتك..
اياد بص للبنت اللي قاعده بتقلب في موبيلها وقاال. وهو طالع مكتبه..
اياد 
طيب خليها تجيلي المكتب فوق..
_وبعد شويه في مكتب اياد دخلت بنت بشرتها سمرا وعيونها خضرا بس لابسه نضارة نظر وشعرها كيرلي وطويل جدا ولابسه سوليبت جينز وكوتشي ابيض وقالت..
البنت
لو سمحت ممكن ادخل..
اياد بصلها وقال
انتي ډخلتي اصلا فين العسكري اللي بره..
البنت 
راح تقرببا يجيب موز باللبن..
اياد 
الله يفضحه انا قولتله ما يقولش لحد انتي مين المهم عايزه ايه..
البنت وهي بتعدل نضارتها
انا ناني..
اياد 
ايوه يا ناني الظابط بتاع الاداب الناحيه التانيه بس اول مره اشوف رقاصه لابسه نضارة نظر..
ناني بغيظ 
انت قليل الادب ومش متربي علي فكره..
وقف اياد وضړب ايديه علي المكتب وقال
نعم يا رووووح اممممك...
ناني پخوف
انا اسفه والله ما اقصد انا بس بنت ناس والله بس بابا سماني كده اعمل ايه المهم انا اسمي ناني صاحبة اكبر برنامج علي السوشيال ميديا.
اياد 
اهلا وسهلا نعمم..
ناني
طبعا حضرتك بعد المهمه الاخيره وانك قبضت علي الخليه الارهابيه واسمك بقي بيلمع علي السوشيال ميديا وانا عاوزه انفرد بيك..
اياد غمزلها وقال
ايه الصراحه دي تنفردي بيا مره واحده..
برقت ناني وقالت 
قصدي علي البرنامج انت بتفهم منين..
اياد 
بس انا مش بطلع في برامج..
ناني 
طيب عشان خاطري..
اياد 
اطلعي بره.
ناني
علي فكره انا من اسكندريه وجايه القاهره مخصوص عشانك والتيم بتاعي كله في انتظارك...
اياد 
طيب هيكون نظامه ازاي البرنامج ده..
ناني
انت هتقعد والكاميرا هتكون عليك لوحدك ونسالك شوية اسالها وانت ترد..
اياد 
وايه نوع الاسئله بقي...
ناني
اسئله عاديه زي اسمك ايه كده و..
اياد پحده 
انتي هتستهبلي يعني جايبني ومش عارفين اسمي..
ناني بغيظ 
ما تصبر افهمك ايه الغلب ده يا باشا الاسئله بتكون في الايطار ده حاجات خفيفه كده نخطف بيها التريند..
اياد 
والله ما حد خرب البلد غيركم يا تافهين..
ناني بغيظ 
اللهم طولك يا روح حضرتك موافق ولا لا..
اياد 
هاتي رقمك ولما افضي هبقي اكلمك واجي..
ناني
هديلك رقم المسؤلين هما هيتفقو معاك وو..
اياد بخبث
رفمك انتي يا مش هاجي محسسني انكم بتقدمو برنامج مني الشاذلي..
طلعت موبيلها وقالت
اتنيل اديني رقمك وهكلمك..
اياد 
اتنيل..
ناني
قصدي اتفضل حضرتك ..
_واخدت الرقم وجات تمشي بس هو وقف بسرعه وقرب منها وقال..
اياد 
اسمك ايه بقي ثلاثي عشان انا من الناس اللي بتحب تسجل الرقم بالاسم الثلاثي..
ناني ابتسمت 
اسمي ناني بهاء فخر الدين باي..
ابتسم اياد وقال
بااي يا شوكلاته سايحه جوه كيك..
فضل اياد سرحان ودخل العسكري وقال
الموز باللبن يا افندم..
اياد بغيظ 
اعمل فيك ايه فضحتني.. بقي في ظابط شرطه يشرب موز باللبن..
العسكري
ما حضرتك اللي طالبه يا افندم..
اياد 
تقوم تسيحلي هات واطلع اقف بره..
_وبكدا تكون خلصت قصتنا وهنبدأ الحكايه الجديده اللي بأسم خطيبتي_واخواتها_التوأم
 
_واخيرا بقي حابه اشكر كل اللي تابعوني في القصه دي واتمني تتابعو الجديده وتعجبكم زي دي واي حد كان بيعلقلي وبيتناقش معايا في الروايه بقوله شكرا جدا لاني بسببكم انتو انا كملتها وبعمل غيرها.. 
تمت
_بقلم االكاتبه_رحاب_القاضي
تابعوا صفحتي للرويات الكامله والحصريه