رواية ألم البداية بقلم فريده أحمد الفصل الحادي والاربعون حتى الفصل الخمسون حصريه وجديده
متفقة معاك اني مش هسيب شغلي وانت وافقت . متجيش بقا دلوقتي وترفض
حازم .. اهدي طيب . انا قولت ايه . انا بسأل عادي . وبعدين انا كنت هقترح عليكي اقتراح بس واللي يريحك
ريم .. اقتراح ايه ده
حازم سحب علبة السجاير من علي الكمودينو وطلع سېجاره ولعها خد منها نفس ونفخه بهدوء
وبعدين قالها .. قربي اقعدي
قربت وقعدت
حازم طفي السېجارة في الطفايه وقال .. ادي السېجارة اللي مزعلاكي
ريم .. في ايه بقا عاوز تقولي ايه
حازم .. ايه رأيك تشتغلي مع ابويا في الشركه
بيشتغل في المعمار حاجة انتي بتفهمي فيها . مش انتي خريجه هندسة بردو
حازم .. طيب اي رأيك . سيبك من شغلك ده وروحي الشركة وهتبقا شركتك اعملي اللي انتي عايزاه براحتك
ريم .. بس انا بحب شغلي ومش عاوزة اسيبه . مش عاوزة اسيبه ياحازم علشان خاطري خليني براحتي
حازم باسها علي راسها وقام وقف .. خلاص اللي ترتاحي فيه
بعدين قال .. اهم حاجة مفيش تأخير بره علشان منزعلش من بعض . الساعة عشرة تبقي موجودة في البيت
...........................
بعد وقت كانت ريم في مركز التجميل بتاعها
دخلت داليا المكتب عندها وهي بتقول .. اهلا بالهانم اللي بتيجي بمزاجها وسايبه الشغل كلو علي دماغي
ريم .. معلش ياداليا عارفة اني متقلة عليكي في الشغل ومش ببقي موجودة كتير بس انتي عارفه الظروف اللي كنت فيها
ريم .. مين قالك اساسا انو موافق
داليا .. يعني ايه هو مش موافق . امال انتي هنا الزاي
ريم .. اقصد يعني حازم من جواه مش موافق اني اشتغل
بس هو ساكت علشان مش عاوز يزعلني . انا حاسه بكده لكن لو عليه عاوزني اقعد في البيت
ريم .. هي ايه
داليا .. انو عاوز يرضيكي حتي لو علي حساب نفسه ومش حابب يزعلك
ابتسمت ريم وقالت .. تعرفي انا مكنتش متخيلة اني هحبو كده بس انا فعلا حبيتو اوي . برغم قسوته معايا في الاول
بس بقيت بحبو واتعلقت بيه . خصوصا لما شوفت حنيته عليا . حنيته اللي من وقت ما عرفته مشفتوش بيتعامل بيها مع حد غيري
ريم .. يارب . المهم قوليلي بقا . عامله ايه مع ياسر . بتتكلمو
داليا بغباء مصطنع .. انتي بتتكلمي عن ايه وياسر مين
ريم بخبث .. انتي عارفه انا بتكلم علي ايه كويس يادودو . احكي انا سمعاكي . يلا
داليا ضحكت وهي بتقول .. انتي فايقه ياريم والله
ريم .. اخلصي بقا عاوزه اطمن عليكي . علي فكرة ياسر كويس جدا . جنتل مان كده وتحسيه اخلاقه عاليه . لأ ولذيذ كمان دمه خفيف مش قفل
داليا .. امم وايه كمان
ريم قامت من مكانها وقعدت علي الكرسي قصادها وهي بتقول .. وايه كماان . ايه كمان دي انتي هتقوليها دلوقتي . يلا احكي بقا
داليا ضحكت
ريم .. اخلصي
داليا خدت نفس وقالت .. خرجنا مرتين مع بعض وساعات بنتكلم
سقفت ريم علي ايديها بحماس وقالت .. ايوا بقا .. وايه تاني
داليا .. ايه تاني ايه . م. مفيش حاجه تاني
ريم .. دالياا
داليا.. اييه
ريم .. تعالي دغري . حبيته بقا . صح مش كده
داليا .. اكيد مش لدرجة حب يعني . هو احنا لحقنا.. مكملناش شهر اصلا نعرف بعض
ريم .. بس معجبة بيه . متنكريش
داليا .. هو كويس
ريم .. ايوا يعني يبقي في اعجاب . دا لو مكنش حب . انا متأكدة اصلا انكم حبيتو بعض
داليا ضحكت ڠصب عنها
ريم .. ايوا كدا . بتخبي عليا يادودو . ماشي
.....................................
عند أميرة
أميرة قاعدة في اوضتها وبتكلم صاحبتها المقربة
أميرة .. يعني الدكتورة دي كويسه انتي متأكدة
... اه طبعا كويسة جدا وبتعمل العملية وبترجع كل حاجه زي الاول وأحسن كمان
أميرة .. خلاص احجزيلي عندها علي بكرة عاوزه اخلص من الموضوع ده بقا.
وكملت بتحذير .. بس اوعي حد يعرف بالموضوع ده واوعي تقولي اسمي الحقيقي
... لأ متقلقيش . بس هو ممكن أسألك سؤال
أميرة .. اسألي
.... انتي ليه مصارحتيش خطيبك
أميرة .. اصارحه ب ايه
.... يعني أن كان في حد في حياتك قبل كدة وحصل بينكم علاقة
أميرة .. انتي مجنونه . عاوزاني اروح افضح نفسي قدامه
ليه اټجننت . ولما اقوله كده تفتكري هيعمل ايه . دا أقل حاجه هيسيني لو مفضحنيش
..... بس بردو مينفعش تغشيه
أميرة .. انا مضطرة لكده لأني متأكدة لو صارحته بحاجة زي دي استحالة هيتقبلها . وانا بصراحة معنديش استعداد اخسره .انا مش هضيعه من ايدي لأي سبب
.... عاوزة تقوليلي انك حبيته بجد
أميرة .. اه حبيته . واحد بزنس مان مشهور وغني جدا محبوش ليه . وعلشان كده لازم ميعرفش حاجة عن الماضي بتاعي . دا انا لو ضيعته من ايدي هبقي هبله فعلا. انا مش هخسر وائل لأي سبب
..... طيب وفارس لحقتي تنسيه بسهولة كدة
أميرة اتنهدت .. فارس ده كان أكبر غلطة في حياتي
.... يااه بعد كل اللي عملتيه علشانه لحقتي تنسيه بالسرعة دي وټندمي انك عرفتيه . دا انتي كنتي هتودي صاحبتك في داهيه علشان تبقي معاه
أميرة .. متفكرنيش بقا بالسيرة دي
.... ليه هو انتي مش ناوية تعتذري لريم علي اللي عملتيه معاها . المفروض تعتذريلها وتطلبي منها تسامحك دي اقل حاجه المفروض تعمليها
أميرة ... دا علي اساس ايه اني ندمانه يعني . بعدين ماهي خرجت هي كانت اتحبست .
كملت پحقد .. طول عمرها حظها حلو . يعني ألبسها في مصېبه . يجيي الظابط يحبها وبعدين يخرجها ويتجوزها ويعيشها احسن عيشة . طول عمرها هي اللي بتكسب
.................................................
مساءا
في الفيلا
شهيره قاعدة وكاميليا قاعدة معاها
دخلت ريم بعد مارجعت من شغلها
ريم .. مساء الخير
شهيرة .. مساء الخير يا حبيبتي
ريم قربت من شهيرة وباستها .. عاملة ايه يا خالتو
شهيره .. كويسة ياحبيبتي .. اخليهم يحضرولك العشا
ريم .. لأ انا هطلع اريح شوية .
كاميليا بسخرية قالت.. للدرجادي ياريم مش شيفاني
ريم ببرود .. تصدقي مخدتش بالي فعلا . انتي عامله ايه ياكاميليا
كاميليا بصتلها بضيق
ريم بصت لشهيرة .. طيب ياخالتو هطلع انا بقا اريح شوية
شهيره .. اقعدي معانا شويه
ريم .. معلش تعبانه ومحتاجة انام شوية
شهيرة .. مش هتاكلي بردو
ريم .. لما حازم يرجع بقا ونتعشا مع بعض
شهيره .. ماشي ياروحي
ريم لسه هتتحرك
شهيرة سمعت كلاكس عربية حازم قالت .. اهو حازم جه اهو . مش ده صوت عربيته
ريم .. اه هو
ابتسمت كاميليا من جواها بفرحة علشان هتشوف حازم قبل ماتمشي
دخل حازم بهدوء .. مساء الخير
كلهم .. مساء الخير
قرب حازم من مامته وباس أيدها .. عامله ايه ياماما
شهيره .. الحمد لله ياحبيبي
وبعدين حاوط كتف ريم
