رواية عشقني في ماضيه بقلم ميفو السلطان الفصل الحادي عشر حتى الفصل العشرون حصريه وجديده
ولدي.. يا فرحك يا مليحه سندك كبيرك رجع ايهم رجع يا حاج. اخوك رجع يا ادهم ولدي رجع الف حمد وشكر ليك يا رب.. عشت اصلي وادعي وعارفه ومتاكده انك هترجعلي ضنايا انت كريم يا رب.. الغالي رجع يا بلد الكبير رجع.. لتهب روح هات ولدي يا فايز روح هات اخوك يا ادهم همو يا ولاد هاتو الغالي يرجع داره.. ليهب فايز وادهم وتقف مليحه.. حد يجيب الغفرا.. عشان هنعمل دبايح للبلد كلها الغلابه تاكل وتشبع برجوع الغالي.. الغالي رجعته بالدنيا.. لتقوم وتجهز كل شئ والسعاده قد عادت اليها لتدخل السعاده اخيرا عائله ضرغام التي سحبتها وسحبتها بشده من عائله اخري ستصاب بفاجعه لا يعلم حالها الا الله.
ليبهت ايهم.. بتجول ايه انت.. تلات سنين ايه بجولك انبارح كت بحددت المحروج اللي واجف فاتح بقه ده..
ليهتف ادهم.. يا حبيبي انت غايب عننا بجالك تلات سنين مانعرفلكش مكان وبدا بقص كل ما حدث عليه.
جلس ايهم لا يستوعب شيئا ليمد يده في جيوبه كالمچنون لم يجد شيئا الا غلافا حريريا ليخرجه ليفتح الغلاف ليجد سلسال دهب رقيقه صغير فراشه صغير لامعه يتوسطها اسم فريده احس برجفه في جسده..
ليهمس ايهم فريده.. مين فريده.. اني كت فين ومع مين طيب تلات سنين غايب ظل جالسا مهموما ليهتف فايز طب يلا يا حبيبي نجوم امك ھتموت عليك عاد طول السنين بتجول ايهم هيعاود مستنياك تعاود ولا يوم الا اما فكرت الكل واديك ااهه بخير وصحه.. يلا حبيبي ليقوم معهم وهو في حاله صډمه ليركبا الطائره وكلما اغمض عينيه ياتيه من تضحك له وتهتف بحبك يا صعيدي ليحس انه مس وبداخله سكنته جنيه فهو لا يتذكر شيئا وكان الثلاث سنوات سراب الا من وجه تلك الفاتنه التي تضحك له.. ليعود ايهم الي حياته وقد نفض عنه ثلاث سنوات انغرزت في اخري ستفجع برحيله.
لتقوم.. لا انا مش قادره هقوم اشوفه وادور لتاخذ احد العمال وتذهب للبحث عن زوجها وتظل ساعات وساعات تبحث في المستشفيات عن ادم زوجها والاقسام ولكن ليس هناك اثر لتبلغ الشرطه عن العربه لتمر الساعات الاخري وهيا قد اڼهارت. تماما لتعود مڼهاره الي البيت فلم تجد زوجها لياتي اليهم ان العربه موجوده بجوار احد الاماكن القريبه من الحاج فتحي ليذهب احد العمال ليحضرها وداليدا تحس بروحها تنسحب.. لتصرخ.. ادم فيه حاجه ادم جراله حاجه جوزي جراله حاجه.. بس ماسيبتش مستشفي ولا قسم وحتي المشرحه طب اجيبه منين انت فين يا قلبي ھموت عليك.. يا رب نجهولي دا نن عيني.. حبيبي انت فين يا رب تكون كويس سيبتني ورحت فين.. لتنتحب لتصمت فتره لتهب.. يا نهارك اسود يا داليدا يكونش ادم افتكر ورجع لدنيته.. لتصرخ.. لا لا قلبي هيقف..ادم ممكن ينسانا ادم ممكن ينسي حبيبه ينسي بنته. لا ادم لا ايه ممكن.. قلبي هيقف انت فين يا قلبي طيب رحت فين.. لا انت هتفتكرني اه انت هتفتكرني انا ماتنسيش يا عمري قلبي بيتمزع طب بنتك هتنساها كمان لتصرخ بشده لتقترب منها دنيا لتهتف.. اهدي يا حبيبتي هيرجع..
لتصرخ.. اهدي ازاي جوزي راح جوزي سابني وساب دنيته.. ماهو لوجراله حاجه وساعتها هعرف بس مفيش له اسم في البلد يا رجعتله الذاكره وسابني.. بس هيسيبني ازاي وهو هيبص لبطاقته هيرجعلنا اكيد اه حبيبي هيرجعلنا ما العنوان في البطاقه.. لتقترب من ابنتها. بابا هيرجع يا فري قلبي هيرجع مش هيسيبنا ابدا بابا هيرجع ولا هيبعد ثانيه دا ادم قلبه متعلق بينا يبعد ازاي لتبتسم ايوه هيرجع تلاقيه نايم او تعبان بس وهيرجع يا رب رجعهولي ولا تبعدوش..
كان ايهم يبتعد بالطائره ويشعر بالضيق في صدره وكان ساهما يتلمس تلك السلسله ليغمض عينيه يتلمس بعض الهدوء لتاتي صوره داليدا ليظل مغمضا عينيه يشعر برهبه ويحس ان هناك خلل دخل بداخله فايهم شخص واثق قوي لا مجال عنده للمشاعر او الاحلام.. ليغضب من حاله وتغيره ليحاول ان يعود لشخصه مره اخري الا انه لم يستطع احس ان بداخله يبحث عن شئ.. لينام بعض الوقت لتاتيه انثي جميله تنام في حضنه وتهمس له بكلمات الحب ليهب من نومه وقلبه يرجف ويضع يده علي قلبه.. ايه ده بيدج ليه اكده مين البت دي جلبي هيجف.. ليغمض عينيه ليحس بها بداخله وهمساتها ليحس بانسيابيه غير عاديه.. ليضع يده علي قلبه وصداها يتردد بحبك يا صعيدي.. ليبتسم رغما عنه ويهمس انت مين حاسس بجلبي بيرجف انت مين يا بت الناس كان لا يفتح عينيه لياتي لمحات وهو يحتضنها ويقبلها لم تكن صورتها واضحه ولكن احساسه بها كان قوي كان يحس انه يلمسها فيرتعش جسده وهيا تضحك وواخر لمحه خلعت قلبه وهو يري نفسه يقبل فتاه ويحتضنها بشده وهيا تضحك لينتفض ويهتف ايه ده مين دي اللي نازل تحضين وبوس فيها ايه ده اتهبلت اياك.. ليحاول ان يسيطر علي نفسه ويعود لطبيعته..
ليصلا الي البلد ليدخل عليهم
