رواية لتسكن قلبي الفصل الثالث بقلم دعاء أحمد حصريه وجديده
انا كلمت ابوك من شويه و هو قالي انه راجع اسكندرية بكرا____ عمتك مكنتش عايزاه تسيبه علشان اتأخر المرة دي و مرحلهاش و لا زار اخواته في الصعيد بقاله مدة طويله و زعلانه منك بتقول لازم يجي يقعد معانا شوية___
ابراهيم _انت عارفة شغلي يا أمي___ معنديش وقت و لا حتى فاضي____ بإذن الله اول ما الدنيا تتظبط هاخد و نروح كم يوم عمتي طيبة و بتحبنا_
و ما شاء الله عندك وكالة للقماش و شقتك جاهزة من كل حاجة___ و شاب كل اسكندرية بتحلف بشهامته و أخلاقه
مش عايز تتجوز ليه بقا و لا بتتعب قلبي معاك و خلاص_
ابراهيم بجدية _لا يا ست الكل بس انتى عارفة انا مش عايز اتجوز و خلاص___ مش واحدة هاخدها من بيت أهلها و السلام __ انا عايز اتجوز واحدة تفهم دماغي تبقى بنت بلد و جدعه يوم ما ضهري يميل القيها واقفه جانبي و تسندني___ تكون طيبة و عايزاه تفرح و انا افرح معها___ واحدة قرارها من دماغها مفيش حد بيسوقها
انا عايز لما اتجوز واحدة اتجوز اللي تبقى واقفه في ضهري و متخلنيش احس بالندم اني اختارتها____ مش علشان انتي عايزاه تفرحي بيا و خلاص
شمس بحدة_حلو الكلام بس هو انت بتدور على ست الحسن دي___ و لا فاضي اصلا
ابراهيم _ساعة النصيب هلاقيها ادامي يا ام إبراهيم____
شمس طب اي رايك في مريم بنت الحج عبد الرحيم___ البنت ما شاء الله عليها جميلة و محترمة و عارفينها و ابوها راجل محترم_
ابراهيم بضيق _انا نازلة الوكاله يا أمي ما هو انت طالما فتحتي موضوع الجواز مش هنلخص___ صحيح هو الحج عبد الرحيم عنده بنت كمان غير مريم
ابراهيم بهمس _غريبة طب ليه مخبيها___
شمس_مخبي مين!
إبراهيم _لا أبدا و لا حاجة_
شمس _على فكرة هو عزمنا على العشاء النهاردة و مريم أكدت عليا كذا مرة___ متتاخرش و ابقى هات طبق حلويات و فاكهة و انت جاي___
ابراهيم _من عنيا___ ياله سلام عليكم_
شمس_و عليكم السلام ورحمة الله وبركاته ربنا يهديك يا إبراهيم و تبطل السجاير اللي بتدخنها دي و تريح قلبي بقا_
