رواية أصبحت لك الجزء الثاني من رواية بلوة حياتي الفصل الخامس عشر حتى الفصل العشرون بقلم آيه رمضان حصريه وجديده

الاطمئنان متقلقيش هي كويسة!
فاطمة طب انا عايزة أدخلها
عمر خدها من أيديها وډخلها
اما سارة كانت واقفة في حالة صدمة... عمر فعلا نسخة عن مالك...وهي مكنتش بتشبه على مالك من كفاية هي كان معاها حق
فاطمة بمجرد ما دخلت بدأت ټعيط بحړقة وكان عمر بيحاول يهديها
سارة قربت من يوسف اللي واقف قدام الباب وقالت عايزة اكلمك ضروري
يوسف دون اهتمام بعدين يا سارة مش دلوقتي...
سارة بس اللي عايزة أقوله مهم!
يوسف پغضب مكتوم اظن إن مفيش أهم من اللي بيحصل دلوقتي... روحي شوفي أسيل اللي بټعيط دي...خديها وروحو اقعدو في الاوضة اللي فيها شهد الاوضة ف رقمهاوهنبقي نتكلم بعدين
سارة اتنهدت وخدت أسيل وقعدت بيها في الاوضة اللي فيها شهد وحاولت تهديها وكانت شهد قاعدة وساكتة
سارة أسيل حاولي تهدي واسمعي انا هقول إيه...هو عمر عنده اخ توأم ولا حاجة...!!
بمجرد ما سارة قالت اخ توأم شهد اتنفضت من مكانها وشالت المحلول اللي في ايديها وجريت على سارة
شهد بلهفة إنتي شوفتي مالك مش كده يعني انا مكنتش بتخيل ومالك عايش بجد...!!
سارة بصتلها بدهشة لأنها كانت شايفة حالة شهد من فترة وتغيرها ده مفجأة
أسيل بتعب من كتر العياط قالت وهي مغيبة عنهم انا عايزة انام ممكن تبعدو عني...!!
شهد مسكت سارة من أيديها وقامت بعيد عن أسيل
سارة هو فعلا إسمه مالك... يعني هو يبقي اخوكم
شهد إنتي شوفتيه مش كده...!!
سارة أيوة شوفته وعارفة مكانه...!
شهد بلهفة بجد هو فين بسرعة... عشان مالك هو اللي خطڤ مالك ابن عمر وفريده...
سارة بمحاولة استيعاب براحة انا مش فاهمة حاجة...!!
شهد خدت نفس عميق وبعدين حكت ل سارة عن كل حاجة سواء الحاډثة اللي فكرو مالك ماټ فيها وكمان خطفه ل مالك الصغير...
سارة پصدمة هو إيه اللي هيدفعه يعمل كده
شهد انا بردو مش فاهمة على حسب ما سمعت كلام يوسف في الفون هو بيقول إن اللي عمل كده في فريده كان قصده عمر مش معقول مالك هيعمل كده في عمر مش معقول..
سارة هو لو هو اللي عمل كده يبقي اكيد عارف الشبه بينه وبين عمر وهو مش غبي عشان يفكر إن دي صدفة...ف هو مش عارف اكيد...!!
شهد برجاء ممكن تاخديني عنده...!!
سارة إحنا لازم نقول ليوسف وعمر...!!
شهد لأ مش دلوقتي وعمر عصبي جدآ ورد فعله مش هيبقي مضمون هو لو عرف دلوقتي إن مالك هو اللي خطڤ مالك إبنه هيتهمه في اللي حصل مع فريده وهيتهمه إن هو اللي حاول ېقتله...عمر من الصدمة دماغه مش هتفكر بلاش دلوقتي انا عايزة أقابل مالك الأول...
سارة هو في الفيوم عايش هناك
شهد قامت بسرعة ولبست لبسها وقالت بعجلة يلا عشان خاطري لازم نروح ليه بسرعة...يلا عشان خاطري يا سارة
سارة قامت طيب يلا...
سارة وشهد خدو مواصلات وكانوا في طريقهم للفيوم يوسف محسش بغيابهم لأنه كان مشغول هو وعمر في تهدية فاطمة
.............................
بعد مرور أكثر من ساعة ونصف تقريبا كانوا شهد وسارة وصلوا الفيوم
سارة رنت على حازم ممكن تطلع يا حازم انا برا قدام البيت عندكم تعالى عايزك ضروري
حازم طيب انا طالع حالا...ولا ما تدخلي إنتي...!!
سارة لو سمحت اطلع بقي انا مش لوحدي يلا أطلع
حازم لأ متقوليش جايبة أسيل معاكي وعامللي مفاجأة
سارة بحدة يا بني آدم أخرج بقي
حازم خرج ليها بخخخ
سارة سخيف!
حازم خير
سارة هو مالك فين إنت تعرف مكانه ولا عايش فين...!!
حازم بص ناحية شهد وبعدين رجع نظره لسارة خير عايزة مالك ليه...تعالوا اتفضلوا نقعد هنا في الجنينة
سارة وشهد قعدوا
حازم بص لشهد ب استفهام وقال هو إنتي تقربي لمالك...!!...انا بسألك بس لأن عنيكي ودرجة بشرتك زيه بالضبط...وحاسس إن ملامحك قريبة من ملامحه
سارة إحنا عايزين مالك عشان كده...دي تبقي شهد اخته!
حازم بدهشة اخته إزاي...!!...هو يتيم
شهد لأ هو مش يتيم...!!
سارة ب استفهام إنت تعرف إيه عن مالك... والأهم تعرفه من ايمتا
حازم اعرف إنه يبقي ابن مازن الأدهم وعمه محمد الله يرحمه كان شغال عندنا...وهو دلوقتي عايش مع مرات عمه محمد بردو هنا في الملحق...وهو معانا من وهو عنده 12 أو 13 سنة كده
شهد بلهفة أيوة الحاډثة حصلت في الوقت ده...!!
حازم بهدوء ممكن طيب تفهموني كل حاجة
شهد.........وحكت ليه نفس اللي حكته لسارة
حازم پصدمة وبمحاولة استيعاب مش قادر استوعب كل ده... إيه ده... خطڤ ومحاولة قتل...بس هو...هو...
شهد هو إيه...!!
حازم بلع ريقه بصعوبة هو قال إنه هيسلم نفسه وكمان قاله إنه اتغير...!!
سارة هو فين دلوقتي طيب عايزين نتكلم معاه ونفهم منه كل حاجة...
حازم انا عارف هو فين... عشان راقبته عشان اعرف مكان ميساء
سارة طيب ودينا ليه بسرعة
حازم قام حاضر هجيب العربية وجاي حالا
حازم ركب العربية وخد شهد وسارة على المكان اللي مالك خد فيه ميساء ونزلوا وطلعوا المكان ده
حازم خبط على الباب مالك افتح انا حازم ...وبدأ يخبط پعنف...
ميساء أول ما سمعت صوت حازم طلعت جري على الباب حازم إنت هنا
حازم أيوة يا ميسو افتحي الباب
ميساء مش هعرف الباب مقفول بالمفتاح ومالك مش هنا
حازم يعني إيه مش هنا
ميساء هو حابسني هنا وخرج ومش رجع...!!
حازم طيب ابعدي انا هكسر الباب...
ميساء بعدت وحازم قعد يحاول فترة طويلة إنه يكسر الباب لحد ما في النهاية الباب اتفتح...
حازم أول ما دخل ميساء حضنته وقالت ارجوك يا حازم انا عايزة اروح مشيني من هنا عشان خاطري
حازم خلاص اهدي انا موجود...!!
شهد سابت حازم وميساء واندفعت على جوا اول ما سمعت صوت مالك الصغير
شهد شالت مالك بحنان وحضنته حبيبي وحشتني إنت كويس...
ميساء بصت عليها بتعجب وشافت لهفة مالك عليها وفرحته وقالت ب استفهام هو إنتي أمه...!!
شهد لأ انا عمته
ميساء قربت منها عمته إزاي ومالك مش عنده اخوات يبقي إنتي عمة الولد إزاي...!!
شهد ثواني بس إنتي مين...!!
سارة ردت على شهد دي ميساء تبقي مرات مالك...!!
شهد طيب انا عايزة أقابل مالك...
ميساء بعد ما دققت في ملامح شهد قالت بدهشة هو إيه اللي بيحصل...هو ليه كل حاجة جاية ورا بعضها... اعرف إن جوزي عنده إبن وكمان إنتي بتقولي عمة الولد ما حد يفهمني حاجة يا جماعة
شهد ثواني بس مين قالك إن الولد ابن مالك...ده يبقي مالك ابن عمر أخويا...اما بالنسبة لمالك جوزك ف هو أخويا التاني توأم عمر عشان كده انا لازم اتكلم معاه حالا
ميساء بمحاولة الاستيعاب يعني إزاي مش ابنه واخ توأم إزاي...!!
حازم هو الموضوع وما فيه....وفهم ميساء كل حاجة...
ميساء هو مش عارف كده ولا يعرف إنكم عيلته على فكرة لأنه ب اختصار ناسي كل حاجة قبل الحاډثة
شهد ازاي مش فاهمة ممكن توضحي أكتر...!!
ميساء هو ببساطة مش عارف اي حاجة عن عيلته هو كان مفكر أنه مالك الأدهم لكن عرف من سنين أن مازن الأدهم مش أبوه وهو خاف من فكرة إنه يدور على عيلته...كان خاېف بعد ما بقي عنده امل إنه مش يتيم بعد ما يدور يكتشف إنه مش ليه حد...فاهمني
شهد فاهمة هو دائما مالك طريقة تفكيره كده...
حازم انا بعتله رسالة وواثق أنه هيجي في أي لحظة...
شهد يارب...
فضلوا مسنين فترة وهما في حالة صمت لحد ما وصل مالك