مذكرات حبيبه الفصل الرابع الجزء الثاني حصريه وجديده

انتي معاكي جواز سفر 
اتعجبت اوي من سؤاله _ ليه 
_ قوليلي بسرعة معاكي جواز سفر ولا لأ 
_ ايوه معايا كان جوزي قصدي طليقي قبل ما يسافر عملهولي وقالي علشان لو هيبعتلي اسافر له .
_ المهم انه معاكي دلوقتي 
_ ايوه .
_ طيب يلا لمي كل حاجاتك المهمة ودهبك وجهزي شنطتك بسرعة .
_ ليه رايحين فين 
_ هنسافر دلوقتي .
_ دلوقتي !!! هنسافر فين وليه 
_ هقولك بس يلا دلوقتي مفيش وقت .
دخلت جهزت شنطة هدومي واخدت كل دهبي وحاجاتي المهمة في شنطتي وروحت اجهز حاجات شريف لقيته لمها كلها وجهز كل حاجة وقالي _ يلا لازم نمشي حالا !!
_ طيب قولي فيه اي 
_ هقولك بس يلا دلوقتي نمشي .
اخدنا الشنط ونزلت و شريف وقف تاكسي وقاله _ المطار يا اسطي .
ركبنا التاكسي وسألته _ فين العربية 
_ ركنتها في الجراج يعني معقول هناخد عربيتنا معانا في السفر !!
_ احنا مسافرين فين 
_ اليونان .
_ اي !!!!! دي فين اليونان دي 
_ في اوروبا .
_ وهنسافر هناك ليه 
_ اسكتي دلوقتي ولما نركب الطيارة هقولك كل حاجة !!
وصلنا المطار وانا مش فاهمة اي حاجة ولا حتي عارفة البلد اللي هنسافرها دي فين !!
دخلنا المطار واتفاجئت ان شريف كان حاجز تذكرتين سفر !!!
قعدنا في المطار اكتر من ساعتين وطول الوقت شريف كان بيتلفت يمين وشمال وكأنه خاېف من حد !!
وكل ما اكلمه يقولي _ اسكتي دلوقتي بعد اذنك مش هعرف ارد عليكي دلوقتي !! لما نركب الطيارة ونمشي وارتاح نبقي نتكلم .
انا كنت مندهشة اوي من طريقة وكلام شريف وتوتره الزيادة !!
كنت اول مرة اشوفه في الحالة دي لكن مش عارفة افسرها !!
وروحنا نركب الطيارة اتفاجئت ان الطيارة كبيرة جدا اكتر مما كنت متوقعة !! وخۏفت اوي وكان كل تفكيري ازاي الطيارة الكبيرة دي كلها هتطير في السما وكنت حاسة اني لو ركبتها هتوقع بينا !!
قولت لشريف پخوف _ انا خاېفة يا شريف !! انا مش هركب الطيارة دي .
_ انتي عبيطة يا حبيبة !! خاېفة من اي 
_ خاېفة الطيارة دي توقع بينا وڼموت .
ابتسم شريف _ انتي خلتيني اضحك رغم المصېبة اللي فيها .
_ مصېبة اي بعد الشړ !!
_ قولتلك لما نركب الطيارة واهدا هقولك كل حاجة .
_ يعني لو ركبنا الطيارة دي وطارت بينا مش هتقع 
_ لا مټخافيش مش هتقع يلا بقي تعالي نطلع الطيارة .
طلعنا الطيارة وكان لسه شريف بيتلفت يمينه وشماله !!!
قعدنا في الطيارة حوالي نص ساعة قبل ما تتقفل ابوابها وتطير .
كل ده وشريف ساكت وانا مش فاهمة احنا مسافرين ليه ولا هنعمل اي هناك في اليونان دي وهنرجع امتي !! ولا