مذكرات حبيبه الفصل الرابع الجزء الثاني حصريه وجديده
انت في الصفحة 3 من 3 صفحات
اعرف اي حاجة !!
ولما الطيارة طلعت بدأ التوتر يزول عن شريف ورجع يبتسم .
_ ممكن بقي تقولي احنا مسافرين فجأة كده ليه !
ضحك وقالي _ مش نفسك تشوفي الدنيا ولا اي
_ ما انت عارف يا شريف انا معاك اروح اي مكان بس انا عايزة افهم ليه سافرنا فجأة كدة ده انت كنت نازل الصبح تشتغل في المحل زي كل يوم فجأة كده نسافر !! واوروبا كمان !!
_ شريف !! انا من اول ما عرفت وانا بصدق كلامك بس المرة دي مش مصدقاك ومتأكدة أنك مش بتقول الحقيقة .
_ عايزة اي يا حبيبة
_ عايزة الحقيقة كلمني بصراحة فيه اي
_ انا لو كنت قعدت في مصر ساعة واحدة بس كان زماني في السچن .
_ سجن !!! سجن ليه يا شريف
_ ده موضوع طويل اوي امحتاج وقت طويل علشان احكيه .
_ مالك يا حبيبتي انتي عصبية ليه
_ انا لازم افهم واعرف يا شريف كل حاجة صحيح انا بحبك اكتر من اي حاجة تانية في الدنيا لكن مش عايزة احس منك انك بتستهين بيا للدرجادي .
_ طيب خلاص انا هحكي واقولك كل حاجة يا حبيبتي بس اهدي كده واوعديني ان اللي هقوله مش هيغير نظرتك ليا وهيفضل سر بينا
_ اللي انتي مش تعرفيه عني لحد دلوقتي اني أغني كمان من اللي انتي عرفتيه بكتير واللي انتي شوفتيه ده جزء بس من فلوسي واملاكي .
_ ماشي ربنا يوسع عليك كمان وكمان كل ده خير وحلو فين المشكلة بقي
_ مش سألتي نفسك الفلوس الكتير دي منين واصلها اي
_ سألتك قبل كده وانت قولتلي هتعرفي بعدين .
_ يا حبيبة انا اتولدت لقيت نفسي ابن واحد من اكبر تجار المخډرات في مصر .
_ ايوه ده شغل ابويا وجدودي واعمامي توارثناه ابنا عن جد .
_ وانت كمان بتاجر في المخډرات يا شريف
_ ايوه وفيها اي ده شغلي اللي اتولدت واتربيت فيه وعايش منه لحد دلوقتي !!
_ لكن انت متعلم ومثقف وعارف ان المخډرات دي بتدمر حياة ناس كتير و بتنهي حياة ناس اكتر .
_ انا مش بفرض علي حد انه يشتري مني المخډرات دي !! وبعدين انا مش بتعامل مع مدمنين ابدا انا بتعامل من بعيد لبعيد مع تجار وهما اللي بيبيعوا للمدمنين .
_ مالك يا حبيبة مستغربة كده ليه
_ علشان عمري ما تخيلت ان شريف الانسان المتعلم المثقف
والحبيب الحنين والرومانسي وكل المشاعر والاحاسيس الجميلة اللي عندك دي وتكون تاجر مخډرات
