مذكرات حبيبه الفصل السابع الجزء الثاني حصريه وجديده

الحلقة ٧
مذكرات حبيبه 
بمجرد ما الباب اتقفل قلبي انقبض وكنت خاېفة تكون دي اخر مرة اشوفه فيها فتحت الشباك ابص عليه وهو ماشي وانا عينيا مليانة بالدموع !!شريف اتلفت وبص علي الشباك ولما شافني واقفة ابتسم وشاور بايده مع السلامة !! و حاولت ابتسم انا وودعته بابتسامة .
فجأة حسيت أني وحيدة وبدأت أحس بالخۏف عليا وعلي بنتي .
كنت خاېفة أني مقدرش اوصل لمكان شريف في ماللطة .
وبعد يومين وفي ميعاد السفر سافرت وكنت بدأت اتعود علي ركوب الطيارة او يمكن خۏفي اني مقدرش اوصل لشريف كان غالب علي خۏفي من ركوب الطيارة !!!

وبمجرد ما وصلت لماللطة حسيت اني تايهة مش عارفة اي حاجة !!
طبعا انا كنت اتعلمت شوية انجليزي علي شوية يوناني خفيف .
اتصلت برقم التليفون اللي تركه معايا شريف وكلمت الراجل وفهمت منه ان شريف لسه مش وصل لحد دلوقتي !!
وضح عليا الخۏف لكن الرجل حاول يطمني وقالي ان ممكن شريف يكون علي وشك الوصول وقالي في التليفون اروح له العنوان اللي معايا .
وفعلا روحت قابلت الرجل وحجز لي في فندق اقعد فيه لغاية وصول شريف .
قعدت في الفندق حوالي ٣ ايام وكنت مش بخرج خالص لأن مش عارفة اتحرك في البلد دي .
وفي اليوم التالت الرجل جالي الفندق وطلب مقابلتي .
نزلت قابلته في الريسبشن وكان واضح عليه الحزن ولما سألته عن شريف قالي انه غرق في البحر وماټ !!!!!!
مش حسيت بنفسي الا في مستشفي ودكتور اجنبي واقف جنبي و بيتكلم وانا مش فاهمه منه ولا كلمة !!
قعدت في المستشفي حوالي ٣ ايام كنت عايشة علي المهدئات ولما سألت عن بنتي حبيبة عرفت انها موجودة في المستشفي .
بعد ٣ ايام خرجت مع بنتي من المستشفي وانا مش عارفة اعمل اي !!!
اتصلت بالرجل الاجنبي وسألته عن چثة شريف وعرفت منه انها تم تسليمها للسفارة وعادت للډفن في مصر .
مش عارفة ليه كنت لسه مش مصدقة أن شريف ماټ وحاسة أن الرجل ده بيكدب .
كان لازم اسأل في السفارة علشان اتأكد وفعلا عرفت ان جثته طلعت من البحر واتشحنت ټندفن في مصر واتأكدت ان شريف فعلا ماټ .
طيب وانا دلوقتي هعمل ايه انا وحبيبة وهكمل حياتي ازاي 
اقعد في البلد دي ولا ارجع اليونان ولا ارجع مصر 
كان القرار الافضل لكنه الاصعب هو رجوعي مصر .
لكن رجوعي مصر معناه ان ممكن في اي وقت اقابل حد من اهلي او من اهل طليقي جمال !!