رواية أصبحت اسيرته الفصل العاشر والحادي عشر بقلم الكاتبه سمسم حصريه وجديده

قلبى فى ايه
تالين.....قولتلك مفيش حاجة
چواد......والدموع اللى فى عينك دى سببها ايه
تالين.....ولا حاجة بس انا طبيعتى كده دموعى بتنزل بسرعة
چواد.....بس انا مبحبش اشوف دموعك دى
تالين.....متخافش دلوقتى هسكت اصل اكتشفت ان ما فيش حاجة فى الدنيا دى تستاهل ان دموعى تنزل علشانها خلاص مبقاش فى حاجة فارقة معايا كل شىء اتساوى معايا 
چواد.....بتتكلمى ليه كده يا تالين
تالين.....ابدا متاخدش فى بالك اصل كنت عبيطة وبصدق اى حاجة دلوقتى كبرت وفهمت وعقلت
چواد......بس انا مش عايزك تكبرى عايزك تفضلى على طول تالين اللى بحس انها بنتى وحتة منى
تالين......تالين دى خلاص ماټت مبقاش ليها وجود
چواد.....بعد الشړ عليكى ايه كلامك الغريب ده
تالين....عادى يا چواد 

چواد.....الحمد لله حصل شوية مشاكل بس ربنا ستر
تالين.....الحمد لله ربنا يقويك عن اذنك بقى عايزة انام شوية
استغرب چواد من لهجة تالين فقد اصبحت تتحدث ببرود تام معه وهو لا يعرف السبب
أصبحت تالين لا تسيطر على ۏجع قلبها او دموعها عندما تنظر الى زوجها
طلبت تالين من زوجها ان تذهب الى بيت والدها 
تالين.....انا عايزة اروح اقعد عند ماما شوية
چواد....ليه يا عمرى فى ايه
تالين......مفيش بس الحمل فى الاول تاعبنى وعايزة ماما تبقى جمبى
چواد.....عايزة تبعدى عنى ومشوفكيش دا انا كان يجرالى حاجة
تالين.....هما كام يوم بس وهرجع تانى
چواد...كام يوم انا مش بطيق ابعد عنك ثوانى تقوليلى كام يوم
تالين.....عادى ما انت بعدت عنى شهر بحاله
چواد.....دى كانت ظروف شغل
تالين.....اعتبر دى كمان ظروف شغل
چواد.....مالك يا حبيبتى اليومين دول حاسك متغيرة
تالين.....ابدا مفيش حاجة
تالين فى سرها.....اصل المغفلة خلاص صحيت لنفسها
چواد.....مفيش ازاى دا انا حاسس انك بتتهربى منى
تالين.....وهتهرب منك ليه يعنى
چواد.....مش عارف انا تقريبا من ساعة مارجعت واغمى عليكى مبقتيش تخلينى اجى جمبك ولا ألمسك حتى
تالين.....مفيش بس الدكتورة قالتلى ان لازم ابعد عنك شوية علشان الحمل
چواد.....دكتورة مين اللى تقول ان حتى ألمسك لاء
تالين....اللى حصل بقى
چواد بصوت حنون......هو انا موحشتكيش يا عمرى انتى وحشتينى اوى
كان تالين تضعف عند سماعه يتحدث بهذه الطريقة وتشعر ان قلبها كاد ان ېخونها ويستسلم له مرة اخرى ولكن عقلها اعلن