نوفيلا ظلام القلوب الفصل الثالث بقلم موروو مصطفى حصريه وجديده

ثم ارتدتهم وقامت بثني البنطلون فقد كان طويل عليها وكذلك التي شيرت وعندما نظرت في المرأة اخذت تضحك على نفسها ولكنها لم تهتم وصففت شعرها ثم رشت قليلا من برفانه عليها
اما بالخارج فكان أدم ينظر لها بعد دخولها الغرفة ويتذكر كلماتها وكلمات اخته فأخذ نفس عميق وتحدث مع نفسه
احسن حاجة الصراحة يا أدم ماينفعش كده انا لازم أتكلم معاها شكل كلام شاهندة صح طيب وكلام ماما وانها بتحب حد تاني طيب ماهو لو كده قبلت تتجوزني ليه اوووووووووف انا ح ادوخ نفسي ليه احنا نقعد ونتكلم احسن
وانتبه على خروجها وهي غارقة في ملابسه فأخذ يضحك بقوة حتى دمعت عيونه ووجدها تقف أمامه وهي تضع يدها حول خصرها وتنظر له وهي تتصنع الڠضب على وجهها
أيه شكلي يضحك قوي كده ياسي أدم ليحاول أدم التماسك ونظر لها وانتبه انها كعادتها ارتدت ملابسه التي كان يرتديها فأبتسم وامسك يدها منزلا اياها أمامه وأمسكها من التي شيرت 
طيب ماشي قلت تلبسي من عندي ليه بقي لبستي حاجتي اللي كنت لابسها ايه الدريسنج مافيش فيه غيرهم ولا ايه لتحاول لمار التهرب منه وردت بلجلجه
اللي لقيته ادامي بقى انا مش بحب ادور في حاجة حد ليقرب وجهها ويهمس 
انا مش حد يا موري انا جوزك لتشعر لمار انها ستفقد اتزانها ل أستندت على ساقه وشعر هو بأرتباكها ف ترك أدم التي شيرت لتقف هي وتنظر له 
أدم يالا علشان تغيير انت كمان ليبتسم لها 
ح تساعديني انتي ولا ابعت ل عبدالله السواق يجي هو 
لا طبعا انا اللي ح اساعدك خلاص من هنا ورايح انا اللي ح اعملك كل حاجة يالا اتفضل ادامي يابيه
ليحرك أدم الكرسي ويتجه لغرفته ورغم ان أدم يساعد نفسه دائما لقوة بنيانه لذلك يستطيع أن يحمل على يده وينهض من على الكرسي يرتدي ملابسه بنفسه الا انه تعمد ان يدعها تساعده فقامت بأختيار بنطلون وتي شيرت له وأخذت غيار من ملابسه وأدخلت كل شئ للحمام وتحركت لتخرج لتجده خلفها ينظر لها
رايحه فين مش قلتي ح تعملي لي كل حاجة لتبتلع لمار ريقها بصعوبة وترتبك لما وضعت نفسها به ولكنها همست لنفسها 
مش انتي اتشمللتي وقلتي كده اتفضلي بقى نفذي يافالحة ح تعملي ايه دلوقتي كان أدم يرى تغيير ملامحها أمامه وهو سعيد وضحك بداخله عندما شعر بأرتباكها ولكنه أظهر لها حزنه وأمسك يدها لتنتبه 
ماتقلقيش يا موري انا ح اساعدك على قد ما اقدر لتنظر له لمار بحب ظاهر في عيونها وتضع يدها على كتفه بحنان
ماتقلقش انت يا ديمو انا ح اتصرف اه ح اتكسف اكيد بس انت جوزي دلوقتي اشغل المياه تملي البانيو علشان ماتبردش ليربت أدم على يدها 
لا يا موري انا بس ح اخد دش على السريع اطلعي انتي وانا ح اتصرف لتنظر له بحنان
تؤ انا اللي ح اتصرف
قامت لمار بتظبيط المياه
بس كده كفاية كده دلوقتي ياموري ساعديني بس اقعد على طرف البانيو
وبالفعل ساعدته واجلسته على طرف البانيو ورفعت قدمه ووضعتها بداخله وبعدها ساعدته ليجلس على كرسيه ثم اخذت تجفف شعره وتصففه له ووضعت له بضع رشات من برفانه الذي تعشقه وانتهت ونظرت له وأخذت تصفق لنفسها
شفت عملت كل حاجة اهو انا شاطرة برافو عليا
ربنا مايحرمني منك ياموري بس شفتي اهو التي شيرت بتاعك بقى مبلول اتفضلي روحي غيريه
علشان ماتبرديش لتنظر له بحزن فهي كانت ترغب ان ترتدي ما ارتداه هو ليشعر بها أدم فينزع تي شيرته الذي يرتديه وينظر لها اقفي ورايا واقلعي تي شيرتك والبسي ده وبعدين اخرجي هاتي لي واحد تاني انتي جسمك ممكن يبرد بسرعه انا لسه دفيان من المياه وكمان الحمام سخن يالا ياموري لتنظر له بحب وتنزع تي شيرتها سريعا وترتدي الخاص به وتجري للخارج لتحضر له آخر