نوفيلا سر عائلي الفصل الاول بقلم مني محمود حصريه وجديده

بغيظ وعصبيه منها ومن السر اللي هي مخبياه واتحرك للحمام عشان ياخد شور وينزل يتغدي مع عيلته ويستعد للتحقيق اللي هيتعمله من غاليه هانم
سالم خرج من المستشفى وهو حاسس بالعجز .... بقاله ست شهور بيحاول مع ابنه عشان يرجع طبيعي تاني لكنة مش عارف .... بدء يفقد الأمل أن مراد هيرجع طبيعي تاني 
وصل الفيلا واول ما دخل جريت عليه بنته بلهفه
منه 
_ بابي حضرتك اتاخرت كدة ليه ومراد عامل ايه مفيش اي جديد حصل 
سالم قعد علي اقرب كرسي بتعب وإرهاق 
_ براحة عليا يا منه ... انا تعبان ومصدع جدا من سته الصبح وانا برة لما هلكت
منه بشفقه علي حاله 
_ حبيبي معلش مقصدش اتعبك ... انا بس قلقت لما حضرتك اتاخرت
سالم 
_ مراد زي ما هو يا منه مفيش تغيير بس الزفت اللي اسمه شريف دا بيقولي في دكتور جاي من امريكا هيبدء طريقه علاج جديدة معاه وانا عرفته أن دي اخر فرصه ليهم وبعد كدة محدش يلومني علي اللي هعمله
منه 
_ أن شاء الله خير يا بابي معلش يا حبيبي هون علي نفسك وكل حاجة هتبقي كويسه ... بقولك ايه مفيش طلوع اوضتك الا بعد ما تتغدي الاول اصلا تلاقيك مفطرتش وشغال من الصبح قهوة وشاي
سالم 
_ فعلا دا اللي حصل ... بس صدقيني مش قادر اكل اي حاجة انا بس محتاج انااااام
منه هزت راسها بنفي
_ لا طبعا مفيش الكلام دا هتتغدي معايا وبعدين تطلع تنام براحتك والا والله هنام من غير غدا وزعلانة اوي منك كمان
سالم ابتسم 
_ هو انا اقدر علي زعل منون مني ماشي يا حبيبتي بس بسرعه لاني فعلا هلكان ومحتاج انام
منه ببتسامة 
_ حاضر ثواني بس والاكل يكون جاهز
منه اتحركت للمطبخ وسالم سرح في حال ابنه اللي اتبدل من ست شهور
سالم ل نفسه 
_ يا تري هترجع تاني مراد سالم علوان زي زمان ولا الوقعه دي هي النهايه يا مراد يارب يا حبيبي اشوفك كويس تاني قبل ما اموت يارب
في شقه راقيه في حي الزمالك كانت رنا قاعدة في اوضتها بعد ما معتز قفل السكة وفاتحة الموبايل علي صورته ودموعها نازله بدون توقف وسرحانة في حالها واللي وصلتله لدرجة أنها محستش ب والدتها لما دخلت عليها
خديجة بحزن 
_ وبعدين يا رنا هتفضلي علي الحال دا لحد امتي حرام عليكي نفسك يا بنتي
رنا بدموع 
_ ڠصب عني يا ماما والله ڠصب عني مش قادرة اطلع حبه من قلبي مش قادرة مسمعش صوتة مش قادرة والله انا كل يوم بحس اني الۏجع بيعصر قلبي اكتر واكتر
خديجة 
_ طب ما تقوليلو يا رنا ريحي قلبك دا وقلبه اللي تعبان هو كمان وقوليلو علي السبب اللي خلاكي تتطلقي ارجعي ل حبيبك طالما مقدرتيش تطلعي حبه من قلبك ولا هو قدر ينساكي
رنا پقهر 
_ مقدرش اتكلم ... مقدرش اعمل كدة فيه ... مش هيستحمل صدقيني انا عارفه معتز كويس اوي مش هيستحمل
خديجة 
_ واخرتها !
رنا 
_ معرفش معرفش ماما ارجوكي انا تعبانة بلاش انتي كمان تضغطي عليا كدة عشان خاطري
خديجة قربت منها وخدتها في حضنها من غير كلام ... مش عارفه تساعدها مش عارفه ايه فعلا الصح في حاله زي دي بس كل اللي تعرفه أنها مش هتقدر تشوف بنتها في الحاله دي اكتر من كدة بقالها تلت سنين پتتعذب تلت سنين بتدبل كل يوم عن اليوم