نوفيلا سر عائلي الفصل الاول بقلم مني محمود حصريه وجديده

اقولك حمدالله على السلامه نورت مصر يا دكتور
معتز ضحك 
_ ولا يهمك يا دكتور ... الله يسلمك
شريف 
_ ماشي يا معتز اشوفك بكرة أن شاء الله مع السلامة
معتز 
_ مع السلامة
غاليه برفعه حاجب 
_ فهمني بقا كدة معني اللي سمعته ايه لأن لو انا شاكة فيه صح هزعل منك اوي يا معتز
معتز بجديه 
_ تزعلي ليه بس يا لولي ... دا شغلي وانتي عارفه شغلي مهم عندي اد ايه
غاليه بزعل 
_ يعني علي كدة بقا اللي رجعك بعد الغيبه دي شغلك مش أننا وحشناك وراجع علشانا مش كدة 
عز حاول يلطف الجو 
_ ايه يا لولي مش هنتغدي ولا ايه .. اكلينا الاول وبعدين نبقي نشوف دكتور معتز راجع عشان وحشناه ولا عشان الشغل
معتز 
_ ياريت بجد لاني واقع من الجوع
غاليه وهي بتقوم 
_ اوعي تكون فاكر ان خلاص كدة انا هسكت بس لحد ما نتغدي وبعد كدة لينا كلام تاني مع بعض
عز 
_ ايه يا دكتور مش عارف ترد ع تلفون بعيد عن لولي ما انت عارف انها مش بتعدي حرف بيتقال
معتز 
_ مخدتش بالي والله يا عز
عز 
_ طب علي ما لولي تحضر السفرة تعالي نطلع نغير هدومنا وننزل تاني
معتز 
_ اوك يلا بينا
معتز طلع علي اوضته اول ما دخل الذكريات بدأت تهاجمه بشدة من تاني
فلاش باك....
معتز 
_ مساء الخير يا روني
رنا 
_ مساء النور يا حبيبي ... اتاخرت كدة ليه انهاردة وتلفونك كان غير متاح قلقت عليك
معتز 
_ معلش يا قلبي كان في حالات كتير ف العيادة والوقت سرقني محستش بيه والفون ف شنطة مطلعتوش خالص ف غالبا كدة تلاقيه فصل شحن
رنا بزعل محبب 
_ اه الوقت يسرقك في العيادة ومتحسش بيه عادي خالص لكن معايا انا مليون منبه بيتظبط مش كدة
معتز ابتسم 
_ لا طبعا مش كدة ... وبعدين هو الجميل زعلان ولا ايه 
رنا بدلع 
_ اه زعلانة وجدا جدا جدا كمان بس هه
معتز 
_ هههههههههههههههه تلاته جدا دا الموضوع كبير اوي بقا
رنا كشرت 
_ انت بتتريق يا معتز طب انا هنزل اسهر مع عز و لولي وهسيبك هنا لوحدك اوعي كدة
جت تمشي من جنبه شدها من وسطها ل حضنه
معتز بحب 
_ حبيبي انا مقدرش اتريق ابدا ... رنا انا عارف ان شغلي كتير بياخدني منك وعارف انك مستحمله ومقدر دا يا قلبي وربنا يعلم انا بحبك قد ايه وبعشقك وبموت فيكي كمان ف عشان خاطري متزعليش مني واستحمليني بس الفترة الرخمة اللي كلها ضغط وسفر دي وانا اوعدك ان بعدها هعوضك وهاخدك ونسافر في اي مكان تشاوري عليه
رنا مسكت وشه بايديها الاتنين 
_ حبيبي عارف اني بدلع عليه واني مش زعلانة ولا اقدر اصلا ازعل منك ايه لازمة الكلام دا كله 
معتز 
_ حتي لو مش زعلانة لازم تعرفي اني عارف اني مقصر واني مقدر وقفتك جمبي يا روحي
رنا 
_ ممممم ماشي يا دكتور ... بس وعد بعد ما كل دا يخلص هنسافر في اي مكان انا وانت وبس 
معتز وهو بيقرب منها 
_ انا وانتي وبس
باك ............
معتز فاق من ذكرياته علي صوت تلفونه برقم غريب بيرن عليه كل فترة اتنهد وهو واثق من اللي بيكلمة وفتح الخط واتكلم زي كل مرة
معتز 
_ الو
........
معتز 
_ انا مش فاهم آخرة دا ايه 
.........
معتز 
_ تمام عموما زي كل مرة سمعتي صوتي يلا مع السلامة
قفل السكة