نوفيلا سر عائلي الفصل الاول بقلم مني محمود حصريه وجديده

ماما ... عامله ايه يا حبيبتي
غاليه خرجت من حضنة وكشرت بهزار 
_ ايه ماما دي يا ولد ... انا لولي هانم ولا الغربه نسيتك هه 
معتز ضحك 
_ زي ما انتي يا لولي هانم متغيرتيش ابدا
صوت من وراه 
_ حبيبي حبيبي ... وحشتني يا اهم دكتور في العالم كله
معتز لف بفرحة 
_ عز !!! حبيبي وحشتني اوي
عز بحب 
_ انت اكتر يا أبيه عامل ايه وحشتني اوي
غاليه 
_ يلا طيب ندخل جوة مش هنتكلم علي الباب كدة يلا
في مستشفى الامل للأمراض النفسية والعصبيه غرفه ٣٠٣ تحديدا كان قاعد سالم علوان راجل في الستينات من عمره رغم صلابه وقوة ملامحه إلا أن الحزن والۏجع هو اللي كان مسيطر عليهم وهو شايف ابنه مراد نايم قدامة علي السرير لا حول له ولا قوة ....
مدير المستشفى دخل و اخد نفس طويل وخرجة بهدوء عشان يفضل هادي ... لانه عارف ان كل زيارة ل سالم علوان بخڼاقه وصوت عالي
دكتور شريف 
_ صباح الخير يا سالم بيه بلغوني أن حضرتك موجود وطالب تشوفني خير يا فندم
سالم بهدوء 
_ هيكون ايه يعني غير سؤال كل مرة اللي مبلاقيش اجابه له عندك ... ابني هيفضل كدة لحد امتي بقالة ست شهور علي الوضع دا وكل مرة تقوليلي هانت وخلاص هيبدء يستجيب لا بتهون ولا ابني بيتسجيب لاي حاجة في ايه انا عايزة افهم 
صوته بدء يعلي  
لو مش عارفين تعالجوة عرفوني اشوف له مكان تاني يعرف ... لكن الوضع دا مش هسمح أنه يستمر كدة كتير دا مراد سالم علوان عارف يعني ايه مراد سالم علوان ولا تحب اعرفك انا
دكتور شريف 
_ يا سالم بيه احنا مقدرين حزن حضرتك علي ابنك كويس اوي بس احنا بنعمل كل اللي نقدر عليه ابن حضرتك مريض نفسي درجة استجابته للعلاج دي مش في أيدينا ومع ذلك انا استدعيت دكتور من اكفأ تلامذتي لسه واصل من نيويورك انهاردة ومن بكرة أن شاء الله هيكون هنا عشان يبدء مع مراد بيه طريقه علاج جديدة وان شاء الله تجيب نتيجة المرة دي
سالم بقوة وڠضب 
_ اخر فرصه يا دكتور ... اخر فرصه لابني معاكم هنا ولو فضل زي ما هو محدش يلومني ابدا علي رد فعلي ودلوقتي اتفضل ع شغلك عايز افضل مع ابني شويه قبل ما امشي
شريف كتم غضبه جواه وخرج من الاوضه بسرعه واول ما قفل الباب طلع تلفونه واتصل علي معتز
معتز في الوقت دا كان قاعد مع والدتة وأخوة بيتكلمو سوا علي ما الغدا يجهز تلفون معتز رن
غاليه 
_ انت لحقت عشان تلفونك يرن كمان
معتز 
_ معلش يا لولي هانم بس لازم ارد والله دا تلفون مهم
قبل ما الجرس يفصل رد معتز 
_ الو
شريف بعصبيه 
_ ايه يا معتز مبتردش علي طول ليه 
معتز ابتسم 
_ ما انا رديت اهو يا دكتور مالك بس متعصب ليه كدة 
شريف حاول يهدي 
_ معلش سامحني لو اتعصبت شويه بس والد الحاله اللي كلمتك عنها موترنا كلنا والله انت هتيجي بكرة الصبح صح معتز ارجوك مش عايز مشاكل مع الراجل دا دا حد تقيل اوي ف البلد اوعي تخذلني
معتز 
_ هكون عند حضرتك تسعه الصبح بالدقيقه ... متقلقش يا دكتور انا راجع مخصوص عشان حضرتك
شريف براحة 
_ شكرا يا معتز دا العشم بردو ... معلش الراجل اللي جوة دا كان معصبني نسيت