نوفيلا سر عائلي الفصل الثاني بقلم مني محمود حصريه وجديده

مقصدش والله
غاليه ابتسمت 
_ خلاص يا حبيبي محصلش حاجة يلا كمل اكلك قبل ما يبرد يلاا
معتز في الوقت دا وصل بعربيته قدام الفيلا لكنة منزلش منها فضل يفكر شويه قبل ما يدخل ويرتب افكارة وكلامة
لو غاليه تعرف أو كانت حتي السبب في طلاقه مش هتعترف بسهوله ابدا .... لازم يختار الطريقه المناسبه عشان يعرف اللي مخبياه عنه
فضل في العربيه حوالي تلت ساعة وبعدها نزل و دخل كانو قاعدين في الليفينج بيهزرو سوا
معتز بهدوء 
_ مساء الخير
غاليه وعز 
_ مساء النور
غاليه 
_ ايه يا حبيبي معقول من تاني يوم ليك تنزل من الصبح كدة ع الشغل
معتز 
_ ڠصب عني يا لولي انا كنت فاكر اني كبيري ساعتين تلاته في المستشفى وارجع ع طول بس الحاله كانت صعبه شويه والوقت سرقني
عز 
_ اه يا جامد انت يا بتاع الصعب كله
معتز حاول يبتسم 
_ والله ما فايقلك يا عز ھموت وأنام مش قادر
غاليه 
_ لا طبعا نوم ايه مفيش نوم الا لما تتغدي الاول وبعد كدة نام براحتك زي ما انت عايز
معتز 
_ مش هقدر يا لولي والله وبعدين انا اكلت شندوتشين ف المستشفى متقلقيش انا بس محتاج انام ... يلا اقولكم تصبحو علي خير بقا
غاليه 
_ قبل ما نصبح علي خير ... اعمل حسابك بكرة استاذ علام السمري جاي بالليل عشان يقعد معاك انت وعز ويراجع معاكم الميزانيات قبل ما تتقدم
معتز بلا مبالاة 
_ ربنا يسهل وعموما زي ما عز قد يمشي الدنيا التلت سنين اللي فاتو دول لو حصل اي ظرف ومقدرتش اكون معاكم بكرة هو يسد مكاني
غاليه لسه هتعترض قاطعها معتز 
_ ماما ارجوكي محتاج بس انام اجلي اي نقاش ل بكرة بليز
سكتت بالعافيه لما حست اد ايه هو مرهق وباين عليه التعب ورجعت كملت سهرتها مع عز
أما معتز اول ما دخل لاقي رساله صوتيه من شريف بيبلغه أن سالم ومنه مش هيقدرو يكونو موجودين قبل اربعه العصر وأنة يعمل حسابه أن اليوم كله بكرة هيكون في المستشفى
رمي الموبايل علي السرير ورمي جسمة هو كمان واستسلم للنوم بسرعه
 تاني يوم الصبح اتكرر نفس السيناريو ونزل معتز بدري جدا وفي هدوء من غير ما حد يحس بيه وصل المستشفى ودخل مباشرة علي مراد كان عايز يعمل محاوله أخيرة قبل ما يشوف والدة اخر النهار
معتز 
_ صباح الخير يا مراد عامل ايه دلوقتي 
.......
معتز 
_ انا عارف ان كزا دكتور دخلو وقالو كل اللي انا بقولو دلوقتي ويمكن اكتر كمان بس انا بقا واثق انك هتتكلم معايا أنا بالذات
ابتسم معتز بثقه لما اخيرا قدر يلفت نظر مراد له وخلاه طلع من شرودة وبصله باستفهام
معتز 
_ مستغرب صح .. ممممم عموما أنا هقولك السبب ورا ثقتي دي بص يا سيدي .... اولا انت اخذت وقتك كامل بالاستيعاب اعتقد ست شهور وقت كافي جدا ان انت تستوعب في حقيقه اللي حصلك ثانيا اللي لاحظته في الملف بتاع علاجك ان الكل كان بيحاول يخرجك من الحاله اللي انت فيها ما حدش صدمك بانت هنا ليه وبالتفصيل زي ما انا عملت ده اسلوب يمكن مش كل الدكاتره بتحب تلجأ له بس انا بحبه ... اعتقد بعد كلامي امبارح انت استرجعت كل حاجه حصلت وانا ما حبيتش اضغط عليك وسبتك لوحدك ودلوقتي جيه وقت ان احنا نتكلم كفايه اوي ست شهور هربت فيهم ولو بتضايقك كلمه هربت لانك