نوفيلا سر عائلي الفصل الثاني بقلم مني محمود حصريه وجديده
كشرت لما قولتها نقول انك كنت بتستوعب فيهم اللي حصل كفايه اوي كده انت لسه قدامك حاجات كتير اوي عايزه تتعمل
بصله مراد اوي باستغراب وهو ابتسم وكمل
_ ما تستغربش كده انا تخميني للي حصل امبارح قدامي في حاجه انت عرفتها او اكتشفتها صدمتك وكانت بعد الحاډثه مش قبلها معنى كده ان في حاجه انت المفروض تعملها دلوقتي انا مش عارف طبعا ايه هي بس ده كان تخميني مش عارف اذا كان صح ولا لا
_ مراد هروبك ده مش هيغير حاجه خلاص راحوا عند اللي احسن مني ومنك كلنا ھنموت اه الفراق صعب والحياه ممكن تكون صعبه وموجعه من غيرهم بس لازم تستمر خصوصا انك مش لوحدك في الدنيا اختك وباباك محتاجينلك و اللي عرفته من دكتور شريف ان باباك قالب المستشفى حرفيا عشانك ومدينا مهله يا سيدي انك لو ما تحسنتش هيطربق المستشفى على اللي فيها
معتز سكت دقيقه كمان ورجع كمل
_ ايه سر الڠضب اللي على وشك ده انا توقعت ان انا بحفزك عشان تتكلم ليه اتضايقت لما سمعت سيره اختك وباباك في حاجه مضايقك منهم
على قد صډمته على قد ما حس معتز ان هو خد خطوه كبيره جدا في رحله علاج مراد اداله وقت بان هو ينهار ويطلع كل الطاقه السلبيه اللي كانت جواه وفضل بس قاعد جمبه وساكت تماما
_ مراد ... انا مش حابب اديلك اي مهدئات ونرجع تاني الخطوة اللي خدناها لاقدام ... اهدي شويه وحاول تعبر عن اللي جواك بالكلام ... صدقني هترتاح فوق ما تتخيل بس انت حاول حاول يا مراد وانا معاك
مراد بدء يتكلم بصوت ضعيف وهو باصص للفراغ
_ كنت بحبها من واحنا في الجامعه كانت اصغر مني بسنتين اول ما شفتها خطفت قلبي وعقلي حبيتها من اول نظره فضلت سنه كامله بحاول ان انا اتكلم معاها وارتباطنا سنه كمان وبعدها اتجوزنا على طول ما اتخطبناش ده خلاص بحبها جدا وواثق ان هي دي اللي انا عايزه اكمل معاها مش حاسه ان في لازمه للخطوبه خصوصا ان انا حالتي الماديه كويسه واهلها وافق واتجوزنا وعشنا احلى سنين في حياتنا او انا انا عشت احلى سنين في حياتي كنت حاسس ان انا في الجنه شغل كويس اب حنين اخت محتوياني عن حنان امي وزوجه وحبيبه ما فيش احن ولا احلى منها في الدنيا وربنا كرمني ريماس ورامي حسيت ان انا معايا كل حاجه كل حاجه في الدنيا دي معايا المال والبنون والحب والاهل في ثانيه في ثانيه واحده كل ده راح مني
سكت حوالي خمس دقائق ومعتز هادي تماما جمبه وبيسمعه بكل تركيز لحد ما خد نفس طويل
