نوفيلا سر عائلي الفصل الثالث بقلم مني محمود حصريه وجديده

حالته مكنتش تختلف عنها ابدا كانت وحشاه فوق ما هو كان متخيل متغيرتش خالص عن أخر مرة شافاها فيها 
خديجة من ورا رنا 
_ مين يا رنا اللي جه ومالك وافقه كدة ليه 
شافت معتز  
_ اهلا اهلا يا حبيبي اتفضل تعالي اتفضل
فاقو الاتنين من العالم اللي كانو غراقنين فيه وحاول معتز أنه يتكلم بثبات
معتز 
_ احم ازيك يا ديجا عامله ايه وحشاني والله
خديجة ابتسمت بحب 
_ الحمد لله انت عامل ايه وأخبار شغلك ايه 
معتز 
_ الحمد لله كله تمام
خديجة 
_ ايه يا رنا هتفضلي واقفه كدة ... شوفي معتز يشرب ايه يلا
قاطعها معتز 
_ لا لا ملوش لزوم انا مش عايز اشرب حاجة انا بس كنت محتاج اتكلم مع رنا شويه يا ديجا ممكن 
خديجة 
_ اكيد يا حبيبي ... عن ازنكم هقعد انا في الصاله لحد ما تخلصو كلام
خرجت خديجة وكل دا رنا ساكتة والتوتر بدء يظهر عليها
معتز بهدوء 
_ ممكن تقعدي علشان نعرف نتكلم اكيد مش هعرف اقول اللي عايز أقوله وانتي واقفه كدة يعني
اتحركت رنا وقعدت علي الكنبه اللي قصاده وهي بتفرك في ايديها جامد
معتز بحب 
_ وحشتيني اوي يا رنا ... هنت عليكي السنين دي كلها تكوني بعيدة عني 
رنا دموعها نزلت ونزلت راسها لتحت
معتز 
_ رنا انا عرفت كل حاجة خلاص السر اللي مخبياه عليا مبقاش سر ماما قالتلي علي كل حاجة امبارح بالليل
رنا رفعت راسها وبصتله پصدمة كبيرة
_ ع عرفت ايه ا انا .. معتز والله هو اصل
معتز 
_ ممكن تهدي عشان نعرف نتكلم ونوصل ل حل سوا عرفت كل حاجة من ماما امبارح بقولك بس كان الوقت متاخر معرفتش لا اكلمك ولا اجيلك
رنا بدموع 
_ وصدقت غاليه هانم ولا جاي عشان تعرف مني قبل ما تاخد قرارك النهائي 
معتز 
_ لو صدقتها مكنتش اكون موجود قدامك دلوقتي ولا ايه 
رنا 
_ معتز هي قالتلك ايه 
معتز بتهرب 
_ رنا ملكيش دعوة باللي ماما قالته انا اهو قدامك وجاي اسمع منك انتي وبعدها انا هحكم بنفسي اصدق مين فيكم تمام
رنا پبكاء 
_ والله يا معتز انا معملتش حاجة ... انا اتفاجات بيه سکړان وبيتهجم عليا و و
معتز اټصدم من كلامها والدم غلي ف عروقه بس لو سألها هو مين هتعرف أنه بيضحك عليها وأنه ميعرفش حاجة حاول يهدي نفسه وفضل ساكت
رنا پبكاء 
_ انا اليوم دا كنت واخدة دوا الأعصاب بتاعي وانت عارف انه بيهديني خالص ويخليني انام علي طول بس اتفاجات ب بعز راجع سکړان وحركاته غريبه لما زعقت فيه وقلتله يطلع من اوضتنا اتفاجات بيه بېتهجم عليا يا معتز ... و وحاول يغتصبني بس انا قاومتة والله قاومتة علي قد ما قدرت وخلاص علي آخر لحظة بعد معافره مني ضعيفه بسبب الدوا دخلت غاليه هانم وهو اول ما شافها بعد عني بسرعه و
فلاش باك ......
عز بتوتر 
_ ماما ... ماما هي اللي ندهت عليا عشان ادخلها انا انا بحسب معتز هنا ماما هي اللي خلتني اقرب منها كدة صدقيني
غاليه بصرامة 
_ البس هدومك وروح علي اوضتك يا عز حالا يلااااااا
عز من غير ولا كلمة لبس هدومة بسرعه جدا وطلع جري علي اوضته كل دا ورنا نايمة علي السرير مش قادرة حتي تقوم كل اللي قدرت تعمله أنها تستر نفسها بالملايه وبس كانت في حاله اڼهيار
غاليه پغضب 
_ من غير شوشره