رواية مهاب وليليان الفصل السابع والثامن والتاسع بقلم بسمه امل حصريه وجديده

متجوز واحده بيحبها و بتحبه ويستقر فأكيد عمل كده علشان يسعدها
و الله كويس انه فيه ميزه واحده عدله انه بيحب مامته
ده بيعشقها وعايز اقولك هتكون احسن حليف ليكى لانها الوحيده فى الدنيا ديه اللى مهاب مش بيقدر يرفضلها طلب ومستعد يعمل اى حاجه بس تكون مبسوطه وراضيه عنه
ههههههه حلو اوى يبقى هقرب منها و الواضح من كلامك انها معترضه على طريقه حياته
فعلا معترضه بس لانها مش عايزه تغصبه على حاجه سيباه كده وهى طيبه جدا وهتحبيها اوى
انت هتيجى معاه بكره
طبعا هو انا اقدر ماجيش واشوف مهاب وهو عامل نفسه مؤدب وهادى
ضحك الاثنين بقوه وبعد ان اغلقت ليليان تنهد على وقال
سامحنى يا صاحبى بس انت محتاج تفوق من اللى انت فيه وليليان هى اللى هتقدر ترجع مهاب القديم تانى
كان مهاب غاضب لانها لم ترد على رسالته لكنه كان يقنع نفسه انه لا يهتم المهم ان تصبح ملكه رن تليفونه فاخذه بسرعه للرد فوجد انه على
عايز ايه يا على
الناس تقول الو السلام عليكم مسا الخير مش عايز ايه يا على
مسا الخير انت مش هتبطل اسلوب الهمج بتاعك ده
وابطله ليه ما انا زى الفل بيه اهو
اخلص يا على علشان انا عايز انام بتتصل ليه
كنت بقولك ماتيجى نروح بكره الغردقه يومين نغير جو
بكره انا رايح اتقدم لليليان
اخص عليك من غير ما تقولى يا ولد مش لازم اجى معاك علشان اطلب ايد البنت ليك
معلش يا ولدى اصلى مش طايق ابص فى وشك
فجأه فتح باب غرفته ودخل على وهو يضع يده على صدره ويتظاهر بأنه مجروح
اخص عليك يا مهاب ديه اخره تربيتى ليك
لم يدرى سوى بالمخده ترتطم بوجهه
انت ايه اللى جابك هنا
انا اجى وقت ما احب وبعدين انا جاى اقعد مع ليزا حبيبتى عزمانى على العشاء
طيب بره اوضتى وخالى ماما تنفعك علشان عايز انام ساعه قبل العشاء انا بقالى اسبوع نومى قليل
ليه يا قطه بتحب جديد
قام مهاب له فجرى على للخارج و هو ېصرخ
اوعى تقرب منى بدل ما ابوظ الجوازه
جرى مهاب وراءه حتى وصل على لغرفه الجلوس ووقف خلف إليزابيث التى كانت تضحك على منظرهم
بتستخبى وراء ماما اطلع وخليك راجل
لا المكان هنا عجبنى والدكتور قالى اقف فى حته طراوة
لن تتغيروا ابدا تتصرفون كالاطفال ومن يراكم لا يقول ان كل واحدا منكم يدير شركات من اكبر الشركات بالوطن العربى
الله يا ليزا وعايزانا نكبر ليه بس وبعدين يرضيكى ابنك عايز يروح يخطب من غيرى
من قال هذا طبعا سوف تأتى معنا
اخرج على لسانه لمهاب الذى ضړب جبهته بيده واقترب منه وقال كأنه يخاطب طفل
يا على يا حبيبى انت عندك ٣٥ سنه أعقل شويه وبلاش تصرفات العيال ديه
سبتلك انت العقل ثم همس بجانب اذنه يابتاع فريده اقول لامك انك كنت سهران عندها امبارح
علللللللى
زوزو حبيبتى عامله ايه وحشتينى
قالها على وهو يجرى ليقف خلف زينب التى تضحك بشده
عامله ايه وله بتستخبى منه ورايا
واستخبى ليه ان شاء الله انا راجل اوى واعجبك
ما هو واضح واتفضل اقعد بدل ما انت بتتنطط زى الشامبنزى كده
شايفه ابنك يا ليزا بيعاملنى ازاى
لا تدخلنى وسطكم فلتحلوا مشاكلكم بمعرفتكم انا سأذهب لارتاح بغرفتى
و العشاء يا ماما
لقد تناولت حساء خفيف لاخذ الدواء