رواية مهاب وليليان الفصل العاشر والحادي عشر والثاني عشر بسمه امل حصريه وجديده

للشركه بما انه لا يوجد شهر عسل فاليتابع عمله افضل وبعد فتره طويله استيقظت ليليان لتجد ان الساعه الثانيه عشر
ياه معقوله انا نمت كل ده اومال مهاب ماصحنيش ليه اكيد راح الشركه
امسكت ليليان الانتر كوم واخبرت الخادمه ان تحضر الافطار لها بالغرفه فهى لا تريد الاحتكاك بوفاء و ابنتها قبل ان تتناول قهوتها على الاقل
بعد ان انهت فطارها واخذت حمام طويل ارتدت ملابسها ونزلت لتجلس مع ليزا فوجدت معها وفاء وزينب
ما شاء الله زى القمر يا لولو
ميرسى يا زوزو انتى اللى عنيكى حلوه
جلست بجانبهم وهم يتحدثون وسرحت كيف ترد لمهاب ما فعله معها خرجت من افكارها على صوت زينب التى تقول بشقاوه
اللى واخد عقلك بكلمك مش بتردى يا ترى بتفكرى فى مين
كانت ليليان سترد لولا انها وجدت نورهان تجلس بجانب امها فقالت
بفكر بمهاب حبيبى اصله وحشنى اوى
قبل ان تتم كلامها اتصل بها مهاب فبمجرد ان ردت قال ببرود
تعملى حسابك انك لازم تحضرى معايا عرض الازياء بتاع شركتى فجهزى فستان يليق بحرم مهاب الدالى انا قولت اقولك من دلوقتى علشان يكون عندك وقت تستعدى
سكتت ليليان قليلا ووجهها احمر من الڠضب من طريقه كلامه لكن الجميع فهم انه احمرار خجل فأنتهزت الفرصه ثم قالت بخبث
انت كمان وحشتنى اوى يا حبيبى ماكنتش اعرف انك شاعر واسمع منك كل الكلام الحلو ده
امسك مهاب الهاتف ونظر عليها بذهول ثم قال
ننننعم
طبعا يا حبيبى مشتاقة ليك وبس انت تيجى هتعرف قد ايه
ليليان انتى كويسه
خلاص بقى يا مهاب بلاش تحرجنى الكلام ده خاليه لما نكون فى جناحنا
كلام ايه
يوه بقى يا مهاب بلاش الكلام ده انا بتكسف
لا حول ولا قوه الا بالله
وانا كمان يا قلبى مستنياك على ڼار سلام
نظرت للجميع وتظاهرت بالخجل
معلش يا جماعه انا اسفه اصله مش متحمل بعدى عنه مايقدرش يستغنى عنى شويه معلش ياماما انا هطلع ارتاح شويه اصل مهاب فضل مصحينى جنبه طول الليل
ضحكت ليزا و زينب اما وفاء و نورهان فكانوا على ڼار من حقدهم عليها اما مهاب فكان ينظر للتليفون كأنه كائن غريب
لا اكيد انا فيا حاجه غلط انا لازم اروح لدكتور اذن علشان اكشف لانى تقريبا كده مابقتش اسمع كويس
لا حوله ولا قوه الا بالله انت اټجننت وانت لسه بقالك يوم متجوز اومال بعد سنه يا ضنايا هتعمل ايه
نظر مهاب لعلى وقال
على هو انا فيا حاجه غلط
حاجه ايه يامهاب مالك يا حبيبى
اصل تقريبا كده بقيت بهلوس وبسمع حاجات مش حقيقيه
مهاب انت كويس وله ايه كده هقلق عليك بجد
انا ماشى
خرج مهاب بسرعه ليتوجه للقصر وعلى يضرب يد على اخرى
الله يسامحك يا ليليان هبلتى الواد ومابقاش ينفع من يوم واحد يلا يستاهل علشان يبطل تكبر و غرور وتوجه لمكتبه ليتابع عمله وهو يفكر بحبيته التى لا تتركه فى صحيانه ومنامه
اما مهاب فكان يسوق بسرعه ليصل للقصر ويعلم سبب هذه المعامله هى تخطط لشئ ويجب ان يكتشف ما هو وصل للقصر ودخل بسرعه ووجد الجميع يجلسون
ماما هى ليلو فين
وقبل ان يتحدث احد وجد ليليان ترتمى بحضنه وتقبل خده امام الجميع
وحشتنى يا بيبى برده نفذت اللى فى دماغك وجيت علشان تشوفنى
نظر لها مهاب بذهول وهو يقول لنفسه بيبى فأكملت ليليان
معلش يا ماما انا نزلت اجيب تليفونى قولت لحسن بيبى
يكلمنى وانا ماعرفش احنا بقى هنطلع نرتاح فوق لحد ميعاد العشا مش كده يا بيبى
ايه !! مين ! اه اه كده
جذبته ليليان معها امام الجميع وهى تنظر لنورهان بتحدى ولم يراها غير نورهان و ووفاء وهى تقول لنفسها انا وانتم و الزمن طويل انا هكسر غروركم وتكبركم ده واعرفكم ان الله حق وانت يامهاب باشا هعرفك ازاى تجبرنى على حاجه وصعدت للاعلى و هو هخلفها كالتائه لا يعلم ماذا يحدث حوله