رواية بسمتي الفصل الثاني عشر بقلم حليمه عدادي حصريه وجديده

ومعاه جزمه وحجاب شافت معاه ورقة ووردة فتحت الورقة
اتمنى إن هديتي تعجبك ياقلبي هما حلوين ولما أميرتي تلبسهم هيبقوا أحلى بحبك علي
ابتسمت رغم حزنها وراحت علشان تجهز نفسها
في الخارج كان الكل مستعد مستنيين الستات تنزل
مراد ليه أبوها أصر إن الفرح يكون في بيته ..
كريم حابب إن أهل الحارة كلهم يحضروا الفرح ..
علي مافيش مشكله هيكون حلو أوي ..
بيجاد ماما البنات إتأخروا ليه لسه ماكملش كلامه شافوهم نازلين كان شكلهم زي الأميرات
علي كان باصص لبسمة كم هي جميلة واصبحت أجمل 
علي بإعجاب إيه الجمال دا يا قلبي طالعه قمر ..
مسك إيدها باسها إنتي جميلة أوي النهاردة كنت عارف إنه هيضيف جمال لجمالك ..
بيجاد دا مش وقت الحب يلابينا إتأخرنا ..
كل واحد ركب عربيته واتحركوا
جوري كانت لابسه فستان الفرح وفرحانه والبنات حواليها المكان مليان بهجه وسعادة 
دخلت أم جوري وبدأت الزغاريد في كل مكان
نادية بسعادة ماشاءالله طالعه زي القمر اتمنيت اليوم اللي أشوفك فيه عروسة ها خلصتي ..
جوري أيوه ياماما كان نفسي إن بسمة تكون معايا في يوم زي دا ..
نادية شوية وهتكون هنا ..
لسه ماكملتش كلامها سمعوا صوت الموسيقى بيعلى والتصفيق دليل على وصولهم 
نادية العريس وصل مع عيلته ..
جوري بتوتر ماما أنا خاېفة ومتوترة ..
نادية خاېفه من إيه إنتي خلاص وافقتي عليه كريم شاب محترم وبيحبك وكمان هتكوني جنب صاحبتك والتوتر دا طبيعي ياحبيبتي ..
دخلت بسمة بإبتسامة فرحانه لصاحبة عمرها 
بسمة عروستنا جاهزة إيه دا قمر وقمرين وعسل ..
جوري بفرحة بسمة أخيرا جيتي مش عارفه أعمل حاجة من غيرك ..
حضنوا بعض بسمة بالنسبة لجوري أختها كانت معاها دائما في أصعب أوقاتها
بسمة ما شاءالله إنتي جميلة أوي بقيتي زي الأميرة ..
جوري بجد إيه رأيك في الفستان حلو كريم هو اللي اختاره ..
بسمة حلو أوي وبقى أحلى عليكي ..
هناء دخلت الأوضة والبنات معاها البنات باركوا لجوري كانوا كلهم مبسوطين
بسمة حست بدوخه مقدرتش تقاوم أكثر من كدا وقعت على الأرض كلهم جريوا ناحيتها 
هناء بسمة فيكي إيه ياحبيبتي افتحي عينيكي رؤيا هاتي البرفان 
دي ما أكلتش حاجة النهاردة
رشت من البرفان على إيدها وقربته من مناخيرها بسمة فتحت عينيها 
جوري پخوف بسمة إنتي حاسه ..
نور قلنالك لازم تأكلي إنتي كدا بټأذي نفسك ..
بسمة بتعب ماتخافوش أنا كويسه دلوقتي أكل أي حاجة..
هناء خلي بال من نفسك يابنتي 
ساعدتها إنها تقعد على أقرب كرسي وطلبتلها كوباية عصير
محمود دخل علشان ياخذ جوري 
محمود في إيه مالك يابنتي ..
هناء مافيش حاجة تعبت شوية ..
محمود يلا يابنتي عريسك مستنيكي وقف قدامها باس رأسها 
مسك إيدها وخرجوا والبنات خرجوا وراهم كريم كان مستنيهم برا
محمود النهاردة أنا بسلمك أغلى حاجة عندي بتمنى إنك تحافظ عليها وتكون السند ليها ..
كريم ماتقلقش عليها ياعمي هنكون سند لبعضنا ..
قعدوا تم كتاب كتابهم