رواية إبن أبويا وأمي البارت السادس والسابع والثامن والتاسع والعاشر بقلم عادل عبدالله حصريه وجديده

اني تعبان ومش قادر اكمل اليوم عملت اذن خروج مبكر. من الشغل ومشيت روحت علي البيت .
ورجعت البيت لقيت عبير في البيت عندنا لوحدها وسندس مش موجودة !!!
تحبو نكمل النهارد ولا نكمل بكره
ابن أمي وأبويا
الحلقة الثامنة
ورجعت البيت لقيت عبير في البيت عندنا وسندس مش موجودة !!!
سألت عبير سندس فين  
قالتلي راحت الوحدة الصحية علشان زين ياخد التطعيم .
من امتي  
من حوالي ربع ساعة .
كنت عاوز اسألها ازاي تسيبها هنا لوحدها وتمشي لكن خۏفت اسبب لها حرج .
لكن الغريبة انها عرفت لوحدها عاوز اقول ايه لقيتها بتقولي هي سابتني هنا وخرجت علشان كانت بتعمل الاكل و سايبة البوتاجاز شغال خاڤت تمشي وتسيبه شغال ومفيش حد موجود .
طيب هسيبك براحتك وهخرج اقعد في الارض بره علي ما يرجعوا .
ضحكت وقالت انت مكسوف مني يا بشمهندس 
لا ابدا وهتكسف من ايه !! 
ضحكت تاني وقالت طول عمرك عينيك بتفضحك يا بشمهندس .
استغربت كلمتها اوي وقولتلها طول عمري !!
ايوه من زمان وانت عينيك بتقول اللي لسانك بيخبيه .
تقصدي ايه  
انت فاكرني مكنتش واخدة بالي منك من زمان .
سألتها بأندهاش تقصدي ايه 
قصدي اني كنت عارفة انك بتحبني .
من صدمة كلامها سكت ومقدرتش اتكلم .
كملت كلامها وقالت انا كتت واخدة بالي منك اوي بس انت اللي مكنتش بتتكلم !!
واتجوزتي اسامة ليه 
و انت كنت عاوزني اقعد استني !! انت عمرك ما اتكلمت وكمان دخلت الجامعة وكان لسه قدامك تعليم كتير حتي لو كنت اتكلمت !! كان لازم اتجوز زي اي بنت .
ولما انتي عارفة احساسي ناحيتك تروحي تتجوزي اخويا !! 
هو اللي اتقدملي وقتها واهلي كانوا موافقين .
كنتي ممكن تتجوزي اي حد تاني .
هو اللي اتقدملي في الوقت ده واهلي موافقين مفيش سبب كان ينفع ارفضه بسببه .
عموما كل واحد بياخد نصيبه .
اكيد طبعا . بس يا تري انت راضي بنصيبك 
طبعا اكيد سندس انسانة طيبة وجميلة طبعا لازم اكون سعيد معها و احبها كمان .
ضحكت اوي وقالت بس انت لحد دلوقتي عينيك بتفضحك يا بشمهندس .
مكنتش عارف ارد لكن قولتلها بعد ما اتلخبطت تقصدي ايه 
وفجأة كان الباب بينفتح ودخلت سندس واحنا واقفين نتكلم .
سندس سألتني بتعجب ايه ده انت رجعت دلوقتي ليه يا احمد !!!
تعبت وانا في الشغل عندي صداع جامد جدا فأستأذنت ومشيت .
عبير قالت لسندس الطبيخ اللي علي البوتاجاز استوي وطفيت عليه . انا همشي بقي علشان يمكن ابو زين تعبان واكيد عاوز يستريح 
استأذنت عبير و مشيت وكان باين عليا الصدمة من كلامها لكن حاولت أداري و سألت سندس پغضب انتي ازاي تمشي وتسيبيها هنا لوحدها 
محصلش حاجة يا احمد انا كنت سايبة البوتاجاز وكنت مش هتأخر .
قولتلك قبل كده حرصي منها ومن اي حد من أهلي .
يا حبيبي عبير طيبة اوي وبتحبني وعمرها ما هتفكر تأذيني .
يا بنتي بطلي الطيبة اللي انتي فيها دي علشان الطيبة لما بتزيد عن حدها تقلب معاكي بهبل .
اذا كنت انا طيبة انت اطيب مني يا حبيبي .
قصدك ايه قصدك ان انا اهبل 
لا والله ابدا مش قصدي .
وفضلنا نضحك احنا الاتنين وبعدين قالتلي انت اطيب واحن رجل في الدنيا .
طيب يا سندس بس يا ريت تسمعي كلامي بعد كده وبلاش