رواية إبن أبويا وأمي البارت الحادي عشر حتى البارت السادس عشر والأخير بقلم عادل عبدالله حصريه وجديده

ابن أمي وأبويا
الحلقة الحادية عشرو
جري اسامة وخرج من البيت وكانت سندس واقفة وسامعة الكلام كله وبمجرد ما خرج دخلت تلبس ولمت هدومها علشان تمشي .
حاولت اهديها وافهمها ان كل الكلام ده كدب لكن هي سألتني انت كنت بتحب عبير ولا لأ 
قولتلها الكلام ده كان زمان قبل ما تتجوز اخويا .
يبقي الكلام اللي سمعته صح .

اه انت قولتلي كده علشان كنت مش عاوزني الاحظ حبك ليها .
بقولك بعتبرها زي اختي خلاص مفيش حب ولا الكلام ده خالص .
تنكر انك اتصلت بيها مش هتقدر تنكر طبعا علشان اتصالك متسجل علي تليفونها !!
انا لسه قايل لأسامة دلوقتي اللي حصل وانتي كنتي واقفة وسامعة .
مهما تحاول تنكر مفيش فايدة انا رايحة عند ابويا وتبعتلي ورقة طلاقي .....
طيب استني نتفاهم ... صدقيني مش بحب غيرك ........ استني يا سندس ........... استني ......
مشيت سندس واخدت زين معها وراحت بيت ابوها .
للاسف هي صدقت واسامة صدق وبقيت متهم بالخسة والندالة قدامهم رغم اني مظلوم !! 
قعدت لوحدي في البيت واحساس الظلم هيقتنلني وياريت الموضوع وقف لحد هنا !! لكن يوم ورا يوم اكتشفت ان اهل القرية كلهم عرفوا اني عاكست مرات اخويا !!!!
بدأ الكثيرين في الابتعاد عني ولكن كان القليلين مازالوا يثقون فيا وفي اخلاقي وكذبوا هذه الرواية بكل ثقة .
وبصعوبة شديدة قدرت احصل علي سجل الاتصالات الصادرة والواردة علي تليفوني من شركة المحمول وكان فيها دليل ان عبير هي اللي اتصلت بيا قبل اتصالي بها واني اتصلت بعدها مباشرة لما المكالمة انقطعت فجأة . ودي كانت اول مرة اتصل علي تليفونها .
أخدت سجل المكالمات وروحت لسندس علشان تشوف دليل براءتي بعنيها ورغم انها كانت رافضة تقابلني الا انها لما شافت دليل براءتي بكيت بشدة وقالت مش دليل بردو عارف يا احمد انا اللي مزعلني بجد انك خبيت عليا الموضوع ده وكنت اول مرة اسمعه .
وكنت هقولك ايه معقول كنت اقولك اني كنت بحب عبير واخويا اتجوزها رغم انه كان عارف بحبي لها !!! صعب كنت اقولك حاجة زي كده لأنها هتعيب في اخويا .
اخوك . اخوك .اخوك ده انسان اناني ومستغل وانتهازي ولا يعرف معني الاخوة اللي انت بتتكلم عنه ده .
لو هو ميعرفش انما انا اعرف وكل واحد بيعمل بأخلاقه . المهم دلوقتي يا ام زين يلا بقي نروح بيتنا .
هروح البيت ازاي بعد ما ثقتي فيك اتهزت !! ده غير كلام الناس هيقولوا اكيد مراته مش ملية عينه علشان كده بيبص لمرات اخوه .
لأ . مش عاوز ثقتك فيا تتهز والدليل علي حبي ليكي واني مش اقدر ابعد عنك اني جريت علشان اجيب دليل علي كدبها علشان انتي تصدقيني .
توعدني انك متخبيش عليا حاجة تاني 
اوعدك عمري ما هخبي عنك حاجة ابدا .
طيب ونظرة الناس ليا وليك بعد الموضوع ده 
انا هخلي اسامة وكل الناس تشوف سجل المكالمات ده علشان يصدقوا ان عبير كدابة ورجوعك معايا وثقتك فيا هتكون اكبر دليل علي صدقي وكدبها .
روحنا البيت وحاولت اكلم اسامه علشان يشوف سجل المكالمات من الشركة ويعرف كدب مراته لكن كان مش بيرد عليا ابدا حاولت افهم أمي واخواتي البنات امي كمان صدقت عبير وكدبتني انا انما اخواتي البنات صدقوني لكن قالولي ان اسامة معذور سيبه دلوقتي وبعد فترة لما الموضوع يهدا هنبقي نفهمه الحقيقة .
كمان اهل القرية اغلبهم صدقوني خصوصا لما شافوا سجل المكالمات ولما