رواية الهجينه الجزء الثاني الفصل السادس والسابع والثامن والتاسع والعاشر بقلم ماهي احمد حصريه وجديده
ضغط علي الاوكره اكتر وبقي بيخبط علي الباب پعنف
شريف ولاء .. ولاء افتحي ..
ولاء ______________
شريف بقولك افتحي
ولاء مش عايزه اشوفك .. مش عايزه اسمع صوتك
شريف افتحي الباب عشان نتفاهم .. عرفيني اللي حصل
ولاء بقت تتكلم بصوت جحودي وبأعلى صوتها
ولاء انت عارف انت عملت ايه كويس اوي
مش محتاجه افكرك
شريف ارجوكي افتحى الباب .. محتاجين نتكلم مع بعض شويه ..
ولاء ___________
خبط اكتر علي الباب
شريف ولاء لازم نتكلم
ولاء _____________
شريف طيب انا هسيبك تهدي دلوقتي بس لازم نتكلم
ادا الباب ضهره ولسه هينزل علي السلالم سمع اوكره الباب بتتفتح .. الباب اتفتح بص وراه ورجع تاني لاوضتها بيبص لقى ولاء وشها كله كدمات بصلها وهو في صډمه ومذهول
بقلمي مآآهي آآحمد
هدير دخلت اوضتها وهي مبسوطه ومستنيه داغر يجيلها في اي وقت وكل شويه تبص علي الباب مستنيه الباب يخبط في اي لحظه
بقت رايحه جايه شمال ويمين في الاوضه وهي بتفرك ايديها في بعض من كتر القلق ومره واحده سمعت خطوات حد بيقرب علي الباب جريت بسرعه وقعدت على السرير وعملت نفسها مشغوله لاقت الباب بيخبط
الباب اتفتح وساره دخلت عليها
هدير بگل يأس هو أنتي
مسحت دموعها اللي نازله من جانب عنيها
ساره اه انا .. كنتي مستنيه حد غيري
هدير لا ابدا هستني مين يعني
ساره ممممم حد زي داغر مثلا
هدير لا لا لا خالص .. داغر مش في دماغي اصلا
ساره قعدت علي السرير وكان باين علي ملامحها الحزن الشديد
ساره لا ابدا ليه بتقولي كده
هدير قعدت قدامها علي السرير بصت في عيونها لاقت ساره حابسه دمعتها في عنيها
هدير نزلي دموعك ماتحبسهاش جواكي
ساره بقت بصلها وهي بتحاول ماتعيطش ..بتحاول ماتضعفش فضلت تقاوم ان دموعها ماتنزلش بس ماقدرتش ريأكشنات وشها كلها پتخونها وماقدرتش تسيطر عليها ومره واحده حضنت هدير وبقت تبكي .. تبكي بصوت مسموع
هدير اشكيلي .. اشكيلي انا .. وحكيلي انا .. احنا مش اصحاب
ساره بقت حاضنه هدير وكل ما تيجي تتكلم كلمه مش قادره الكلام محپوس جواها
رعد كان بيدور علي ميرا في كل مكان حوالين البيت مالقهاش بقي بينده عليها بصوت عالي
بص شمال ويمين حواليه ماشفهاش ..بقي يجرى ناحيه اليمين وبقي بيدور عليها ما بين الشجر ميرا شافته جاي عليها استخبت ورا شجره لحد ما رعد عداها وما اخدش باله منها .. اخدت نفس وقعدت علي الارض وهي بتنزل كان ضهرها بيحتك بجذع الشجره مكانتش حاسه بالألم اللي في ضهرها علي قد الچرح اللي في قلبها
قعدت في الارض وبقت پتبكي .. پتبكي وهي حاطه ايدها علي بوقها عايزه تكتم صوت عياطها عشان رعد مايسمعهاش وبقت تفتكر يزن وهو واقف مع ساره وكان خلاص هيقولها انه بيحبها نظرته لساره وضحت كل اللي جواه وبقت تكلم نفسها
ميرا طيب ليه .. ليه يعمل معايا كده وهو بيحبها .. انا .. انا عملتله ايه ..
بصت للسما وهي پتبكي ودموعها ماليا وشها
ميرا عملتله اي بس ياربي .. للدرجه دي انا ماتحبش .. للدرجه دي انا وحشه
رعد جه من وراها وقعد جنبها وسند علي جزع الشجره
رعد بالعكس انتي مش وحشه ياميرا .. انتي عمرك ما كنتي وحشه
مسحت دموعها بسرعه وبصت لرعد
ميرا رعد
هدير ساره اتكلمي انا سمعاكي
ساره انا .. انا .. مش .. مش عارفه اقولك ايه بس گل .. كل اللي اعرفه اني حاسه بأحساس وحش اوي عايزه الاحساس ده يروح عايزاه يمشي مش عايزه اتألم ياهدير .. مش عايزه اتعب اكتر من كده .. انا تعبانه .. تعبانه وتعبته معايا زمان .. بس .. بس انا اتغيرت .. بس لما جيت انا اتغير .. هو .. هو كمان اتغير .. هو كمان ياهدير ..
هدير يزن تاني
بتاخد نفسها بالعافيه وبصت لهدير وهي بتشهق
ساره يزن اولاني .. ويزن تاني .. حاسه .. حاسه اني مش شايفه حد غيره
شاورت علي قلبها بأيديها
ساره حبه هنا ياهدير جوايا .. ومش مش عارفه اطلعه من هنا مابتمناش حاجه من الدنيا غير انه حبه يطلع من جوايا في اللحظه دي .. مش .. مش عارفه ازاي وهو .. هو
حطت ايدها علي راسها
ساره مابيطلعش من تفكيري .. ازاي .. ازاي نشيل حد من قلبنا
