رواية ذات 17 عاماً ولكن الفصل الحادي عشر حتى الفصل الخامس عشر بقلم آيه طه حصريه وجديده

جاسر فى افكاره.
زياد جاااااااسر انت يابنى.
جاسر فى ايه يازياد انت بتزعق كدا ليه انت اتهبلت.
زياد ياسلام بزعيق ليه يمكن علشان بقالى فتره بنادى عليك وانت مش بترد.
جاسر لا ياشيخ.
زياد تصدق مالك ياصاحبى انت كويس مفيش مشاكل فى البيت ولا حاجه.
جاسر لا المشاكل هنا وهنا مش فى البيت وهو يشاور على قلبه وعقله.
زياد يبقى وقعت يامعلم.
جاسر وقعت استغفر الله على الفاظك يااخى.
زياد سيبك دلوقتى من الفاظى وبتاع قولى بس مين اوعى تكون السكرتيره والله ازعل.
جاسر سكرتيره ايه انت التانى هو انا وش كدا بردو. بقلم ايه طه
زياد طمنتنى احسن كنا هندخل على شغل بعض.
جاسر هو انت وهى اااا.
زياد لا ياعم متخليش تفكيرك يروح لبعيد انا لسه بس فى مرحله الاعجاب وكدا ولسه بجس نبض بس ليه انت شفت منها حاجه.
جاسر مش القصد بس شايف لبساه وطريقه ماشيتها وكدا يعنى.
زياد مشيتها هو فى احسن من مشيتها هى اللى جبتنى على بوزى ياصحبى.
جاسر بنى ادم زباله ربنا يهنى سعيد بسعيده يااخويا وانا مالى بس اهم حاجه متعطلهاش عن الشغل اللى بتطلبه منها والا ساعتها هقلب عليكو وانت عارف قلبتى.
زياد هاو قال ايه اعطلها على شغلك يابنى دى بتعملك حساب اكتر منى ومن ابوها شخصيا فمتقلقش من ناحيه دى ادعيلى بس ارسا على بر انا لسه فى مرحله جس نبض وكدا.
جاسر ايوة انت بتجس نبض ازاى.
وتفكيره لنفسه اجس نبض رهف علشان اعرف انا كمان بدل ماتعلق على فاضي.
زياد ايوة بقى دا انت مش وقعت انت خلاص ڠرقت ياباشا مين هى ها.
جاسر انت ايه علاقتك بمين هى انا سالتك سؤال عايز تجاوب عليه ماشي مش هتجاوب يبقى تروح تشوف شغلك بدل ماخصملك.
زياد انت ليه على طول حامى كدا انا بسالك علشان لكل واحده ډخله غير التانيه على حسب شخصيتها وكدا وبعدين انا صحبك الوحيد اعتبر لو خبيت عليا انا تفضفض مع مين اخص عليك ياجاسر بجد. بقلم ايه طه
جاسر ياعم والله ماقصد بس انا متلغبط ومش عارف اعمل ايه انا شكلى كدا فعلا وقعت زى مابتقول بس خاېف اكون بتعلق على فاضي ومش عارف اعمل ايه.
زياد طب احكيلى طيب انا مش عارف اصلا انا اتعرفت عليها امتى وفين وانت من الشغل للبيت ولا تكون هى هنا من الشركه ولاحد من العملاء.
جاسر لا من البيت ياخفيف.
زياد بطل هزار بقى وقول.
جاسر منا بتكلم جد.
زياد ياعم هو في حد فى البيت غير خدامه وامك ايه وقعت فى حب الخدامه بسخريه.
جاسر لم نفسك احسنلك لا بنت عمى.
زياد يابن الايه انت عندك بنت عم وعايشه معاك فى البيت وانا ولا اعرف ولا شفتها قبل كدا ايه ياعم انت كنت حبساه ولا ايه لا ياجاسر مش لدرجه دى.
جاسر ممكن تفصل شويه علشان اعرف افهمك وعلى فكره هى فعلا ممكن توصل معايا للدرجه دى.
واخذ جاسر يحكى لزياد عن رهف وكل شئ.
زياد والله ياصحبى مضحكش عليك موضوعك معقد.
جاسر نورت المحكمه يااستاذ.
زياد يابنى اهدى عليا بس موضوعك معقد من ناحيه البت سيبك من انها صغيره سنا لكن كمان شخصيتها وعقلها لسه صغيرين منضجش وبعدين بتقولك ياابيه يعنى لو جسيت نبضها بالكلام يعنى زى وحشتينى وكدا هتاخده منك بمعنى تانى غير اللى تقصده انت فاهمنى وساعتها يبقى موصلناش لحاجه.
جاسر طب واللى حل دبرنى ياوزير.
زياد انت اول خطوة تاخدها وضرورى تلغى ابيه دى علشان توقع الحاجز دا وتعرف تشوفك حاجه تانيه غير ابن عمها الكبير اللى زى اخوها تمام. بقلم ايه طه
جاسر ايه الكبير دى ياروح امك انت شايفنى عجزت ولا ايه.
زياد ياعم مش قصدى بس قصدى نغير وجهت نظرها ليك على انك اخوها الكبير علشان متفسرش اى حاجه تصدر منك على اساس دا ولازم حد يساعدك فى الموضوع دا.
جاسر حد حد مين ويساعدنى ازاى.
زياد حد يكون قريب منها يعرفها ويحسسها بالطريقه كدا انك انت مش اخوها الكبير ويخليها تبصلك من حته تانيه.
جاسر وانا اجيب الحد دا منين بقى.
زياد معندهاش اخوات بنات صحاب واى حاجه من دى.
جاسر لا هى وحيده ولسه ناقله مصر دا اول يوم ليها يعنى لسه معملتش صحاب.
زياد امممم طب فى حد تانى