رواية ذات 17 عاماً ولكن الفصل الحادي عشر حتى الفصل الخامس عشر بقلم آيه طه حصريه وجديده

يعرف الموضوع دا غيري.
جاسر اممم فريد اخويا فضحنى من تصرفاتى معاها بس انا انكرت ادامه وكدا.
زياد وكمان تصرفات مفضوحه والبت متهزتش وجاى دلوقتى تعمل ايه.
جاسر ولا هو انا كنت بحكيلك علشان كل شويه تقطمنى فى الكلام كدا.
زياد مش قصدى ياعم حقك عليا بس.
البارت
بس انت اتاخرت اوى علشان تغير بصتها ليك ومكانتك عندها كدا هتتعب ياصحبي.
جاسر مش مهم هى تستاهل بس يجى بفايده بس فى الاخر.
زياد تمام يبقى عليك وعلى فريد وكمان قريب منها فى السن وهيعرف يتواصل معاها كويس.
جاسر لا طبعا يبقى انا بعد ما انكرت اروح اقوله كنت بكدب عليك وبعدين الواد دا رخم وغتت وهيفضل يلقح عليا فى الرايحه والجايه وبتاع.
زياد خلاص سبهولى انا هتكلم معاه وبعدين انت خاېف تروح تقوله انا كدبت تلاقيه هو اصلا مصدقاش اللى انت قولته بتقولى تصرفاتك ڤضحاك.
جاسر مهو الحقيقه هو مصدقنيش فعلا بس انا فضلت على موقفى حتى ساعتها قالى حاجه كدا ولما عملتها فرقت معاها ومعايا شويه.
زياد طب حلو اهو يعنى فريد عارف ايه مفاتيحها وعارفها كويس وعايز تضيعه من ايديك وتقلى مش عارف ايه دا لؤطه دا اللى هيساعدنا كتير اوى ومن غير هرمونات البيستى وغيره الصحاب اللى مايوريك على الاقل هيفضل فى ضهر اخوه دا انت فى نعمه غيرك بيتمنى ربعها ياجاحد.
جاسر انا مش فاهم تلت تربع الكلام بس حاسس ان فريد هيكون كويس فى الموضوع.
زياد لا تمام انت كويس مفيش اى حاجه اسيبك انا بقى فى الملف اللى ادامك دا وانا هروح اكلم فريد واظبط معاه معاد واقعد وافهم وابقى ارجع اقولك تعمل ايه.
جاسر ماشي ربنا يستر اول مره فى حياتى همشي ورا حد ويوم ممشي امشي وركم انتو ربنا يستر والبت متطفاش منى بسببكم.
زياد هههههه احنا اللى هنطفشاه بردو.
خرج بسرعه قبل ما طفايه السجاير تيجى فيه اللى حدفها جاسر عليه.
عند رهف خلصت يومها الدراسي وواقفه قدام المدرسه مستنيه السواق علشان يروحهاوفجاه تشعر بيد تشدها من ايديها وتلفها لوجهه.
رهف انت انت بتعمل ايه هنا وعرفت ازاى ان انا هنا.
وائل بعمل ايه جيلك ياعسل عرفت ازاى هو في حد بردو ميعرفش مكان خطبته فين ميصحاش عايزاهم يقولو عليا ايه.
رهف اوعى كدا وسيب ايدى وخطيبت مين دا اللى هو ازاى يعنى بس ياوائل انت شاكلك شارب حاجه على الصبح وانا مش فضيالك ولا عايزة افضالك وسبنى فى حالى يابن الناس ماشي.
لفت بدهرها وتدور على السواق وخرجت فونها حتى تتصل بالسواق ولكن سرعان ما وائل جذبها اليه مره اخرى.
وائل انا عارف ياحبيبتى الصدمه تعمل اكتر من كدا بس انا طلبت ايدك من مامتك النهارده وهى وفقت وعطتنى عنوان المدرسه علشان اجى وافرحك.
رهف قولتلك مليون مره متلمسنيش واوعى بقى وبعدين ايه اللى انت بتقوله دا وحبيبتى مين اللى بتقولها دى انا بكرهك ياوائل عارف يعنى بكرهك ومش بطيقك وبعدين انا ابويا وجدى الحمد لله لسه عايشين علشان تروح تطلبنى من امى امى اصلا مش من حقها تقرر حاجه زى دى سامع ومن فضلك امشى بقى احنا قدام المدرسه مينفعش اللى بتعمله دا يقولو عليا ايه دا لا وقته ولا مكانه.
وائل تمام يعنى امشي واقابلك فى حته تانيه وتاخديلى معاد مع باباكى وجدك واجى اتقدملك منهم لو دا اللى هيريحك.
رهف استغفر الله العظيم هو انت بتاخد من كلامى اللى انت عايزة وتسيب الباقى انا مش عايزة اشوفك اصلا ولا اتكلم معاك ولا اى حاجه منك فهمت ولا ايه.
وائل لا ياحلوة انت اللى لازم تفهمى انتى كدا كدا بتاعتى بالزوق بالعافيه بتاعتى واذاكنت جاى فى سكه انى اتقدملك وكدا فعلشان عارف انتى مش هتجيى غير كدا بس دا مش معناه انك تشوفى نفسك حتى لو ابوكى رفض والدنيا كلها رفضت بردو هتبقى بتاعتى انا وائل المنشاوى ومفيش حد يقولى لا سامعه.
رهف اااه سيب ايدى ياحيوان بتوجعنى اوعى.
وائل انتى اللى غاويه ۏجع وتعب ماجتلك فى الحنيه معجبش ومن هنا ورايح انتى اللى هتختارى معاملتك ازاى ياحلوة وخلى بالك من لسانك دا مايطولش عليا بدل مقصهولك سامعه.
رهف اوعى بقى سبنى بقولك بدل ما اصوت والم عليك