رواية موضوع عائلي الفصل الاول حتى الفصل العاشر بقلم رحاب القاضي حصريه وجديده
الجامعه كانت ولاء قاعده في المكان اللي قابلت فيه مازن قبل كده وبتقلب في موبيلها وجه هو قعد جنبيها ومدلها كوباية قهوه وقال..
مازن
صباح الفل..
ابتسمت ولاء واخدت منه القهوه وقالت
صباح النور كنت هزعل لو ما كنتش جيت..
مازن بصلها وابتسم وقال
للحق ما كنتش جاي بس وانتي زعلانه بتبقي غبيه وممكن تعملي مصېبه قولت ارحم الكوكب من الكارثه دي واجي..
ههههه لا هحاول اضبط نفسي بعد كده..
مازن
طيب مش هتروحي محاضرتك بقي..
ولاء بضيق
لو. انت عايز تروح روح..
مازن
ثواني بقي دي مش كليتك اصلا وانتي مش عايزه تروحي المحاضره ممكن اعرف ايه السبب ..
ولاء بضيق
مش عايزه اشوف صحابي هيدايقوني لو ما كنتش انا وداخله هيكون وانا طالعه..
مازن وقال
تعالي. معايا وما تخافيش...
مازن
هتخلص المحاضره وتيجي بسرعه علي المكان بتاعنا اوكيشن..
ابتسمت ولاء وهزت راسها بسرعه وقالت
حاضر شكرا يا مازن..
_ ابتسملها بهدوء وطلع وكانت هناء في عيون مراقباهم بكل حقد وهما صحابها القدام..
سالي
علي بغيظ
كله بسببكم انا فضلت اقولكم اقرب منها خوفوتوني لحد ما جه غيري وخدها اهو..
مي بسخريه
هو انت عاجبك فيها ايه اصلا دي عبيطه وعيله في نفسها كده...
عمر
خلاص بقي انت وهي الدكتور دخل...
بقلم_الكاتبه_رحاب_القاضي
_وفي بيت نور كانت لابسه وخارجه بس وقفتها فايزه لما سألتها..
انتي رايحه فين...
ردت عليها نور بعصبيه
هكون رايحه فين يعني الجامعه ي ماما..
الام
طيب كلمي يونس وقوليلو الاول مش ناقصين مشاكل وفضايح..
ردت عليها نور وهي بتزعق
لا مش هكلمه وملوش دعوه اصلا..
مسكتها فايزه من دراعها جامد وقالت _
انتي لو مقولتيلوش ي نور انا اللي مش هطلعك من البيت..
_سابتها فايزه ودخلت المطبخ وهي ڠصب عنها مسكت موبيلها وكلمته وهي مدايقه جدا..
عايزه اي..
قالتله وهي مټعصبه
رايحه الجامعه..
رد عليها ببرود
لا..
نور
هو اي اللي لا انا عندي محاضرات مهمه..
زعق ورد عليها
وانا قولت لا وكلمتي هتمشي عليكي ولو خرجتي من البيت ي نور هكسرلك رجلك..
قفل فوشها فرمت هي الموبيل ع السرير وفضلت ټعيط... وبعدين موبيلها رن ولما شافت اللي بيرن عليها قامت بسرعه وقفلت الباب وردت وقالت..
ايوه يا احمد..
احمد
انتي مش جايه الجامعه ولا ايه النهارده..
نور
لا يا حبيبي مش جايه النهارده خالص..
احمد
ليه يعني في حاجه معاكي ولا ايه..
نور مسحت دموعها وقالت
ما فيش بس بابا تعبان شويه ولازم افضل جنبيه..
احمد
طيب خليكي عندك وانا هجيلك حالا ابعتيلي بس اللوكيشن..
نور بقلق
لا لا مالوش لزوم هو بقي كويس خلاص..
احمد
يا ستي الحمد لله انا بس بتلكك عشان اجي اتعرف علي اهلك ممكن بقي تبعتي اللوكيشن..
نور پخوف
لا بحد. مش هينفع دلوقتي خالص يا احمد لو سمحت..
احمد پحده
انا مش فاهم انتي ليه بتتهربي من الموضوع ده كل ما افتحه معاكي علي العموم براحتك انا لازم اقفل...
قفل معاها وهي قالت
منك لله يا يونس انت السبب في كل اللي بيحصل ده بس انا عمري ما هتجوزك انت خلاص ما بقتش مناسب ليا حتي لو ھموت مش هكون ليك..
بقلم_الكاتبه_رحاب_القاضي
_ في الجامعه كانت ولاء ماشيه جنب مازن وقالتله..
ولاء
بس واول ما هلصت المحاضره طلعت بسرعه قبل ما انا بجد مش عايزاهم تخيل انت لو كنت واحد مش كويس شوفت كنت هوقع نفسي في ايه بسببهم...
مازن
كل واحد يتحمل نتيجة قراراته وزي ما قولتلك هما مش كويسين وقربك منهم هيرجع حالتك للصفر..
بصتله وابتسمت وقالت
شكرا اووي يا مازن بجد انت عارف انا ما كنتش ببقي مبسوطه في الجامعه خالص وكنت عايزه اعمل صحاب وذكريات عشان كده قربت من ناس مش كويسه وكنت فاكره انهم صحابس بس انت احسن منهم...
بصلها مازن وقال
انتي ازاي كده بجد ازاي انتي بالبراءه دي يا بنتي..
ولاء پحده
انت بتترق ولا ايه قصدك اني عبيطه طيب اهو انت..
ضحك مازن وقال
ايوه انا عبيط عشان خليتك تفهمي قصدي غلط انا اللي اقصده اني ما قابلتش بنت في حياتي غير وكانت متصنعه بتتعامل بطريقه مش قادر اقبلها معادا انتي حاسس ان ولاء من جوه زي من بره بالظبط وده مريحني في التعامل معاكي يا صديقتي..
ولاء ابتسمت وقالت
هو واضح انك بتقول كلام حلو فشكرا..
مازن بصلها بضيق وقال
بس كدا شكرا العفو يا ستي تيجي تشرب حاجه قبل ما تمشي..
ولاء
لا انا لازم امشي لان هاجر اختي وجوزها جايين عندنا النهارده وعايزه اروح اساعد ماما في تجهيز العشا وكده..
مازن بقلق سألها وقال
ثواني بس معلش هو انتي لما شوفتك اول مره في العماره كنتي رايحه فين..
ولاء بهدوء
كنت رايحه لاختي هي متجوزه هناك واحد اسمه محمد حامد او الشيخ محمد انت اكيد تعرفه مش انت ساكن هناك..
مازن بتوتر
اا لا مش ساكن هناك ده انا كنت وقتها عند واحد صحبي...
ولاء
تمام همشي انا بقي..
مازن
اا طيب ممكن رقمك يعني عشان اكلمك اعرف انتي جايه ولا لا...
ولاء بحماس
بجد انت عايز تعرف انا باجي ولا لا..
مازن
ايوه فيها ايه..
ولاء
بصراحه كده انا ما فيش حد. بيهتم بيا خارج بيتنا
