رواية الشادر الفصل الخامس بقلم ملك إبراهيم حصريه وجديده
يتمم لهم بخير وعقبالك
تنسيم كانت بتبص ل ثريا بغيظ كانت زعلانه من اللي اتسبب فيه اخوها لما سوء سمعة جميلة بعد ما كان بيعلن للمنطقه كلها انها تخصه وفجأة راح يتجوز غيرها كانت عايزة تضايق ثريا وتثبت لها ان جميلة يتمناها الف واحد احسن من اخواها.
شافهم بدر وهما واقفين قدام مكتبة والده قرب منهم عشان يطمن على ثريا.
عقبالك انتي كمان يا ثريا اهو اخوكي هيتجوز وجميلة اختي كمان جالها عريس وهتتجوز قريب ان شاءالله
سمع بدر كلام تسنيم لما قرب منهم استغرب جدا وسأل نفسه مين ده اللي امه داعيه عليه وهيفكر يتجوز حبيبت البرنس.
استغربت ثريا من كلام تسنيم وبصت ل جميلة بفضول.
جميلة كانت فاهمه اختها ليه قالت كده وكانت عارفه انها متغاظه وزعلانه بعد اللي حصل.
واقفين ليه كده!
اتوترت ثريا لما شافته تجاهلته واتكلمت مع جميلة
انا هروح انا يا جميلة ونبقى نتكلم بكره في الجامعه ان شاء الله
هزت جميلة راسها بالايجاب مشت ثريا عشان تلحق بوالدتها وعروسة اخوها في محل الدهب تابعها بدر باهتمام دخلت تسنيم المكتبة عشان تاخد باقي الحاجات اللي محتاجاها وقف بدر قدام جميلة وسألها
بصتله جميلة ورسمت ابتسامة هادية وحاولت تظهر البرود على ملامحها وقالت
مفيش حاجه حصلت يا بدر كل الحكاية ان احنا فجأة كبرنا وبقينا نقدر نفرق بين الصح والغلط وآن الاوان ان كل واحد فينا يشوف الصالح له ويعمله
خلاص يا جميلة انا جبت كل الحاجات اللي هحتاجها
هزت جميلة راسها بالايجاب واتحركت من قدام بدر ومشت مع اختها وقف بدر يبصلها بستغراب مفهمش منها حاجه! وبرضه لما سأل حمزة مفهمش منه حاجه بص للمكتبة ودخل عند والده وقعد قدامه وخد نفس عميق بحيرة.
بص له والده من اسفل نضارته النظر وسأله
اتكلم بدر بحزن
زعلان على حال جميلة وحمزة انا مش عارف ليه يحصل كل ده بعد الحب اللي كان بينهم
ابتسم والده بهدوء وقاله
يمكن مفيش نصيب بينهم
بص بدر لوالده باهتمام وقاله
بس دول كانوا بيحبوا بعض اوي
ضحك والده ضحكة رجل عجوز. السنين علمت على قلبه قبل ما تعلم على ملامحه اتنهد بعمق وقاله
ياااه يا بدر.. ياما يابني كتير حبوا بعض اكتر من حب حمزة وجميلة والقسمة والنصيب فرقوهم
بهتت ملامح بدر پخوف خاف على حبه ل ثريا الوحيدة اللي بيتمناها من الدنيا لاحظ والده قلقه وقاله
سيبها لله يا بدر اتقي الله يا بني وتوكل على الله واللي
