رواية زواج إنقاذ الفصل التامن والتاسع والعاشر بقلم جمانه السعيدي حصريه وجديده

تعشى اني ما اشتهي 
...اني هم انسدت نفسي بعد ما اريد
ياس عوفي العشى ممكن تفتحين الباب اريد احجي وياج
فتحت الباب وجها صاير مثل الطماطه الحمره من البجي 
...ممكن اعرف ليش تبجين اني زعلتج
هنا بدت تحجي بسرعه وعصبيه 
اني غبيه اني ثوله عايفه الناس تضحك عليه ضاله لعبه الهذا وذاك اعز صديقه طعنتني 
كل هذا الوقت واني مخدوعه عايشه بغير عالم مو صوجها صوجي اني معتبرته اختي ومتمسكه بيها 
ونوب احجيلها كل اسراري 
ورايحه مسولفه للناس كلها مامخليه واحد ما كايلتله 
حيل بيه حتى اختار صح مره ثانيه
ياس كل هذا اني صافن عليه وعلى حركاتها ونفعالاتها ودموعها تنزل منا ومنا بدون توقف
جمانه السعيدي
الناس الي جنت واثقه بيهم ضحكو عليه 
وتركوني باول ازمه 
وهو قبل بيا ويعرف اني تشوهت مدري اطيب مدري لا 
وتحمل مسوليتي
ياربي تعبت اريد امي هي الوحيده ادليني على الطريق الصحيح 
اني تايها ما اندل
ياس ماتحملت الغلط الي سويته واكلني الندم 
قررت اعتذر منها قبل لا انام 
رحت دكيت باب غرفته
شمس شمس ادري تسمعيني اني اسف ما اعرف شلون سويت هيج بس ولله ماكدرت اتحكم بمشاعري
شمس اني احبج
من اول مره شفتج حبيتج وتعلقت بيج
واني مراح افرض نفسي عليج بس يرجع عمي اطلكج 
وبعد ماتشوفين وجهي ابد
وللمره الثانيه اكلج سامحيني الصار مو قصدي 
ما كان قصدي ابد 
بس ما كدرت اتحكم بمشاعري
سامحيني
للحكايه بقيه احبكمممممم 
تفاعل حلو مثلكم
البارت التاسع 
زواج انقاذ 
جمانه السعيدي
جان الفاصل بيني وبينه بليلته حايط واحد وكومة مشاعر مضاربه بيه صح وبيه خطء
اني كاعد اللوم نفسي على الي صار مع اني ماسويت شي غلط 
هي زوجتي وحلالي بس كان لازم انطيها وكت اكثر 
اريدها تحبني مثل ما اني احبها 
بعدين اذا ماقبلت تروح وياي شلون 
اخابر الوالد واعتذر منه باجر ثنيين انتضرها اليوم الاربعاء اذا غيرت رائيها 
وماتقبل تروح وياي للناصريه اني هم ما اروح اخابر الوالد 
وشوفلي عذر 
خاف تكرهني بعد الي صار 
شسوي المشاعري وقلبي الي يفز مثل الطفل من يشوفها 
يارب لاتحرمني منها
اما الجهه الثانيه من الحايط كانت شمس كاعده 
ومامصدكه الي صار 
بس ماضايجه من ياس 
حست رب العالمين دزه الها بلوقت المناسب حتى تميز الصح من الغلط 
بس اكو حزن داخله والم فضيع خېانة صديقته وحبيبه 
كلشي متوقعه بس ماهر يخطب سماهر 
ابد ماجانت ابالي 
حاسه بلخذلان وخيبة الامل
جمانه السعيدي
ياس الصبح كعدت قبلها غسلت وبدلت وطلعت عدي كم شغله خلصتهم ومريت على جماعتي 
واحد من اصدقائي عزمني على سمج 
صحيح افتر واسولف واضحك واكل 
بس بالي يمها 
افكر هسه كعدت اتريكت البارحه بقت بلا عشى 
ايجوز مريضه اني ليش عفته 
خاف ارجع وماتحجي وياي
بقيت برا البيت الاذان المغرب ورجعت 
عندي مفتاح فتحت الباب ودخلت
دخلت للاستقبال طلعت اتراكي وبدلت بعدين توضيت بلمغسله البرا 
وكعدت اصلي ودعيت ربي 
يارب هاي المخلوقه اني حبيته من كل كلبي 
يارب اجعلها من نصيبي 
فتحت اللاب توب وبديت اصفح 
سمعت صوت حركته بلمطبخ 
ولله مشتاق الها من البارحه ماشايفه 
فتحت باب الاستقبال على كيف 
ردت بس اشوفه
طلعت من غرفتها ودخلت للمطبخ
فاتت للثلاجه وفتحته شكلها تعبان طلعت مي شربت 
وطلعت تفاحه ورجعت سدت الثلاجه 
وكعدت على ميز الطعام تكطع بلتفاحه بملل وتخلي شويه شويه بحلكها على كيف 
اتحسرت عليه وضجت 
بعدين طلعت من المطبخ و رجعت الغرفته
ياس فتحت التلفزيون شويه 
وخابرت اهلي بعدين خابرت ام شمس اطمنت على عمي 
اخذت ملابسي ورحت سبحت 
رجعت تمددت اريد انام مع انو بعد وكت 
بس من الملل 
بليلتها بصعوبه نمت من التفكيرررر
الصبح كعدت وبقيت منتضرها تكعد لازم احجي وياها 
بعد ما اتحمل هذا السكوت 
سمعت باب غرفته انفتح كمت اريد احجي وياها 
مالكيته داخله للحمام تسبح 
رجعت للاستقبال منتضره تخلص واحجي وياها
جمانه السعيدي
سمعته طلعت