رواية زواج إنقاذ الفصل التامن والتاسع والعاشر بقلم جمانه السعيدي حصريه وجديده
من الحمام ودخلت غرفته وشغلت الشسوار تجفف شعرها
اني كاعد احضر بلكلام الي راح اكوله
ومېت فكره اجت ابالي
هسه تكول طلكني
لا هسه تتعارك وياي وترزلني
يمكن راح تكول لاتجي بلنهار ممنوع تعال بس بليل بات هنا ومن الصبح اطلع ما اريد اشوف وجهك
ياربي شني هذا الامتحان ضجت اتوترت
شويه ومآ احسها اله دخلت عليه وعطرها ترس المكان
...صباح النور
...ممكن تساعدني
...اكيد
....الفرجه واني اشسور الټفت على شعري ومااكدر اخلص شعري منها ممكن تساعدني
...هزيت راسي اي اي اي
اول سحبه جانت قويه صاحت اخ يمعود على كيف
...اسف اول مره اسوي هيج شغله اعذريني
. شمس ..اني دائما اشسور بس ما اعرف هلمره ليش صار هيج
. ياس ..شمس
..نعم
...انتي زعلانه مني
....اكيد لا ليش الزعل
...لو تدرين شكد احبج
حاولت تغير الموضوع
يمته نطلع للناصريه
...باجر انشاء الله الصبح بلتسعه نطلع لان عكبه المهر
...انشاء الله
كملت شعرها بقت خصله وحدا سحبته على كيف
هي وكفت واني
طلعت الطوك الي اشتريته الها وخليته بشعرها
...هاي شنووو
...هذا طوك جبتله اللج
...خل اروح اشوفه على المرايه كامت راحت للمرايه الي بلمطبخ واني واكف وراها
التفتت الله يخبل عاش ذوقك
جمانه السعيدي
...بعد اريد احجي وياج بموضوع
. شمس ..اذا شغلت اول البارحه ما اريد احجي بيها
اهلى مايعرفون بموضوع زواجنه بس الوالد يدري
وما اريدج تحجين بهذا الموضوع كدامهم
....اكيد
...وشغله ثانيه لاتكولين احنا عايشين سوا كولي جيرانه مره جبيره تبات يمي وياس يجي كل يومين اتلاثه
يطمن عليه ويسوكلي ويروح
شمس اوكي موافقه خل احضر الريوك حتى نتريك سويه
رجعت لكيته محضره الغدا
تكة دجاج ومقبلا ت
بس هلمره حيل طيبه تغدينا وكملنا
بدت تغسل مواعين واني اجيته من ورا وبست جتفه
وكتله عاشت ايدج كلوش طيب
التفتت وبتسمت وكالت الف عافيه
العصر اني رحت للحلاق وهي راحت للصالون
خلصت وتصلت عليه كالت منتضرتك
وصلت وهي طلعت من الصالون
بس طالعه فد شي مغيره لون شعرها ومنضفه بشرته ومعدله حواجبها
...هاااا شلوني
....يبووووي على ياس وايامه انتي تردين تموتيني
...اسم الله ليش
...باجر يمكن ارتكب چريمه بلناصريه
ولج كلها اضل اتباوع عليج
...لاتبالغ مو الهدرجه
....اكثر ابد ماشايف شمسين يطلعن بلنهار
ابتسمت وبعدين كامت تحشش
. شمس ..اي مطربنا المخضرم ياس خضر اذكرلنا اعز اغنيه على كلبك
واني كمت اغني
اعزاز عدنا اعزاز اعزاز ولله وعزاز
...يمعود اسكت لمېت العالم علينه
...لا اشو اله اغني واطلع كل مواهبي الدفينه
...بلبيت غني على كيفك بس انسد كل الابواب والشبابيك
...شنو قصدج صوتي مو حلووووو
...لايمعود يخبل صوتك شوف حتى العصافير شردت منه
...زين اسمعي اغنيه ثانيه يجوز تغيرين رائيج
...لاشكرا السمعته كافي
...تايبين وللمحبه ماترجعنا السنيين
بقينا نضحك منا لمن وصلنا للبيت
شمس ما اعرف ليش احس
براحه نفسيه مو طبيعيه من اكون ويا ياس
بليل حضرنا ملابسنا
وكلساع يوصيني ما اريد ملابس ضيكه
ولا تراكات والحجاب ماينزل من راسج
...ياس يمكن راح ابطل بس كلامك يخنكني
...بس الله يستر ولله اخاڤ عليج من عيونهم
...لاتخاف مايصير عليه شي
....كملي وتعاي اشوفج صورهم حتى تتعرفين عليهم بسرعه
اجت كعدت قريبه عليه واني ادنى عليه
وعطرها اخذني الغير عالم
ااشررلها على الصور وهي مندمجه واني ودي ألبوم الصور ما يخلص
لان هي حيل كاعده قريبه علي
احبها ومآ تكدر استغني عنها ابد
للحكايه بقيه احبكمممممم
تفاعل حلو مثلكم
قصص
البارت العاشر
زواج انقاذ
جمانه السعيدي
تريكنا وبدلنا وطلعنا هي لبست نفتوف جوزي وستره كابوي قصيره وشال سمائي مشجر بس الشال عليها يخبل
بلسياره خابرت الوالد كتله احنا جايين بلطريق
بنص
