ذئاب_الجبل...عودة البدري الحلقه_السابعه تأليف:محمد عبادي
انت في الصفحة 1 من 4 صفحات
ذئاب_الجبل...عودة البدري الحلقه_السابعه
تأليف محمد عبادي
تذكير بنهاية الحلقه السابقه...
المشهد....هوارة...بيت الشيخ بدار.
البدرى ونورا وحاتم وورده قاعدين ياكلو وكان الليل دخل عليهم....
الباب يخبط وتطلع بنت شابه جايباها الخاله لبيبه تشتغل في الدار...
تفتح الباب ودبور واقف علي الباب ويسال علي البدري...
البدري...
تعالي يا دبور...تعالي كلك لقمه معانا تعالي....
دبور...
بالهنا والشفا يا واد عمي....
انا بس جاي ابلغك بكلمتين ومعاود...
البدري....
كلمتين....كلمتين ايه دول...
دبور...
علوان......علوان عايزك الليله في دواره وهواره هتكون كلها هناك....
وعايز مني ايه علوان ده عاد....
دبور...
مخابرشي يا واد عمي...
مخابرشي.....
انا جيت اقولك يابدري والعربي كمان هيكون اهناك....
البدري...
العربي....اااااااه ياعربي...
روحت لعلوان يا عربي......
طيب يا علوان...
طييييب....
.............بداية الحلقة 7
المشهد ١
بيت علوان البكري....
علوان قاعد وكبار هواره قاعدين..
حمدالله علي سلامتك يا كبيرنا
حمدالله علي رجوعك لموطرحك يا كبير هواره....
علوان يرد...
الله يسلمكم...الله يسلمكم...
ويدخل العربي....
سلامو عليكم....
ويرد الجميع في صوت واحد.
وعليكم السلام ورحمة الله...
علوان....
تعالي ياعربي...تعالي اقعد اهنه جاري...تعالى...
العربي يقعد جمب علون ووشه عليه الڠضب كالعاده....
هو البيه لسه مشرفش...
علوان...يرد.
بيه....بيه مين...
هو فيه بيه غيره....البدري....
علوان....
البدري...لاه لسه مشرفش انا شيعتلو دبور وزمانه جاي....
دبور يدخل وماسك العصا بتاعته...
سلامو عليكو...
يرد الجميع...
وعليكم السلام ورحمة الله...
علوان....
ايه يادبور...وينه البدري...
يعني راجع بروحك....
دبور....
جاي ورايا...انا خبرته وهو بس كان عيتعشى..
العربي يبص لعلوان...
ها ياعلوان...عتعمل ايه مع البدري...
علوان...
..........
الصبر...الصبر ياعربي...
بس البدر ياجي والحديت عيكون قدام هواره كلاتها....
وتنادى نعمه من ورا الباب...
الشاي ياعلوان...
يرد علوان وينده دبور...
دبور...هات الشاي من بت عمك...
ويروح دبور ويجيب صينية الشاي ويوزعها علي الرجاله....
البدري...يرفع ايده
سلامو عليكو....
يقف الكل وفي نفس واحد
وعليكم السلام ورحمةالله
وهم بيبصو لبعض وبيبصو للبدرى وكل اتنين يتهامسو مع بعض قاصدين البدري بهمسهم ومستغربين علي لبسه البدله ومنهم اللي بيضرب كف بكف....
البدرى ياخد باله من اللي بيحصل وعلوان متابع بابتسامه الديب بتاعته وعاجبه اللي بيحصل....
البدري يقرب من علوان ويكلمه...
البدري....
انا كوت هجيلك ياعلوان من غير ما تشيعلي...
وكويس كمان انك جامع هوارة علشان كلاتهم يكونو ناطرينا وسامعين حديتنا...
علوان...
به به به شوف عاد....
بدل ما تقول لواد عمك حمدالله علي سلامتك داخل بزعابيبك علينا...
خييير...خير يابدري...
البدري....
خييير...هو اللي عيعرفك عيشوف خير واصل ياعلوان....
علوان
...واه...ناطرين....ناطرين قلة حياه ياهواره...
العربي يرد...
خش في الموضوع علطول يابدرى وكفاياك املاوعه خلونا نخلصو من الليله الغبره دي....
البدري يبص للعربي...
واااه ياعربي...حتي انت كمان...
انت اللي مكوتش متطيقش سيرة علوان...دلوقيت...ابقيت معاه....
علوان.....
وماله علوان عاد...غير خلقاته ولا نسي اصله ولا....
قبل ما يكمل البدري يقاطعه...
سد خشمك يا علوان...
مش البدري ابو بدار اللي ينسي اصله ياعلوان....
دبور يتدخل....
دبور...
صلو عالنبي ياولاد العم...
صلو علي النبي امال....
يرد... البدري...والعربي
عليه افضل الصلاة والسلام
ويكتفي علوان بحركه من بوقه معترض عالكلام...
البدري يتابع....
ويبص لكباراة هواره...
ويقول...
يرضيكم ياهواره اللي عامل نفسه كبيركم....كبير هواره....
وفي غيابنا يقطع حرمة بيت الشيخ بدار ويدخل داره...
ومش داره وبس...لاه
وكمان يدخل اوضة الشيخ بدار...
ويدعبس في خلقاته...ويسرق ورقاته وحجج أرضه....
الكل يبص علي علوان ويكلمو بعض بهمس...
وعلوان يتلعثم في الكلام ويحاول ينقذ نفسه....
علوان....يرد وهو رافع راسه...
مش علوان ابو البكري اللي يسرق مال حد واصل....
البدري...
ولما ميعسرقشي....تسمي اللي حوصل ده ايه يا علوان....
علوان.....
انا الحق عليا يعني خفت علي مالكم وقلت اراعي ارضكم في غيابكم وعتكون امانه عندي....
هو ده جزاتي تطلعني حرامي....
البدري....
تراعي ارضي ومتشكرين ياعلوان...
بس تمد يدك علي الورقات ليه ياعلوان وتقطع حرمة بيت الشبخ بدار وفي غيابنا ومن غير اذننا كمان....
ويبص لكباراة هواره...
ما تردو....
ماتردو يا هواره....
ويبص للعربي....
ما ترد انت ياعربي....
علوان....
ان كان علي الورقات اهم عندي موجودين...انا اللي خفت عليهم يتنتورو اكده ولا اكده ولا الفيران تاكلهم....
العربي....
شيع يا علوان هاتلو الورقات....
وخلينا ندخلو في حديتنا اللي متجمعين عشانه.....
البدري يبص لكباراة هوارة اللي
