ذئاب_الجبل...عودة البدري الحلقه_السابعه تأليف:محمد عبادي
انت في الصفحة 4 من 4 صفحات
مستغرب للموضوع ده....
علوان...
وأستغرب ليه يابيه...
خش في الحديت علطول ياعصام بيه....
الضابط عصام...
ان كانت ورده عايشه...
تطلع مين بقي الچثه اللي لقيناها
علوان يدى الضابط عصام ضهره ويقول...
به چثة مين كيف يعني...
قالولك عني منجم ولا منجم عاد...
الضابط عصام...
لا انا بس بفكر معاك....
تطلع مين اللي اختفت في المده دى غير ورده بنت الشبخ بدار...
ياعصام بيه قالولك عني مباحث ولا ايه عاد ....
مش المفروض انتو الحكومه...
وانتو اللي عتعرفو كل حاجه.....
الضابط عصام....يقف ورا علوان ويقوله...
البنت اللي اختفت في نفس المده اللي اختفت فيها ورده يا علوان مش دى البنت اللي كانت بتشتغل عند نعمه مراتك....
علوان وشه يتغير...
به...مهجه...
الضابط عصام...
ايوااااا مهجه...هي دي....
علوان...
يابيه ليه بتفتح في القديم....
البنيه اكيد طفشت اهنه ولا اهنه...
الضابط عصام...
وليه تطفش...
هي كانت خاېفه من حد علشان تطفش...
مش جايز اللي طفشت منه ده هو اللي قټلها....
علوان....
لاااه لا يابيه....
دبور كان رايد البت...
والبت مكنتشي رايداه
ونعمه مرتي كانت عتجوزهالو....
الضابط عصام....
تفتكر دبور ده يكون لقااها وانتقم منها وقټلها....
علوان...
يابيه...اهو دبور موجود...هاته واسأله....
الضابط عصام...
ماشي يا علوان....
انا همشي دلوقت وبكره تبقي تبعتلي دبور علي النقطه...
وحمدالله علي سلامتك تاني مره..
سلام....
علوان...
سلاااام....سلام يابيه...
علوان يروح مع الضابط عصام ناحية الباب ويطلع الضابط عصام ويقفل وراه ويقف علوان ورا الباب ويمسك طرف شنبه ويقول...
وبعدهالك ياعلوان...
عتسكت لحد ما غراب البين ده ينخرب ويدعبس وتغفلق علي راسك....
لااااه... معيحصلشي..
معيحصلشي واصل....
المشهد٦....في الصباح
صلاح وبثينه راجعين من المصيف وصلاح سايق العربيه وبثينه جمبه وصلاح قافش في الدركسيون شكله متعلم جديد وعمال يرغي....
صلاح....
العربيه دى أصيله...أصيله...أصيله...
فاهماني تمام....
وترد بثينه...
اه اصيله...مهو باين....
دى بترقصلك من كتر ما هي فهماك......
صلاح...
انتي بتتريقي يابثينه...
انتي علطول كده مش عاجبك حاجه خالص....
وبيتكلم وشويه يبص عليها وشويه عالطريق والعربيه ماشيه بالعافيه...
وبثينه قاعده وخاېفه...
وعمال تقول لصلاح...
بص قدامك...ركز في الطريق...
لنلبس في نقل ولا جرار ولا حاجه...
ويعدل صلاح نضارته....
ماشي يا بوس بوس ماشي....
المشهد ٧
دبور قاعد نفس القعده تحت الشجره وبينفخ في الناي بتاعه بلحن حزين....
وشويه يمسك الناي ويحطه جمبه ويسرح ويفكر في مهجه وينام....
وشويه يحس بحد بيضرب عليه طوب ويبص وراه....
مييين... مهجه....
ويقوم دبور ويروح ناحية مهجه...
ومهجه تقوله استنه عنديك...
استنه عنديك يا دبور....
دبور....
ليه يابت الناس...
هتفضلي لمېته توهربي مني...
مهجه...
طول مانت ناسيني يا دبور
طول مانت ناسيني....
دبور...
واااه... انساكي...
انا عمري ما نسيتك يا مهجه... عمري
مهجه...
لاه ناسيني... ناسيني يادبور...
كام مره قولتلك دور علي...
دور علي... وانت معتسمعشي كلامي....
دبور...
ادور عليكي فين يابت الناس وانتي قدامي...
مهجه...
دور عليا يا دبور....
دور عليا يا دبور....
وتجري من قدامه ولسه هيجري وراها ويفوق....
ويبص علي الناي ويمسكو...
ويقول....
مهجه....اااااه يا مهجه
..وبعدهالك يابت الناس....
ايه حكايتك
ويبص دبور ويلاقي البدرى قدامه جاي يطمن علي الارض....
يقف البدرى مع دبور ويساله عن الارض....
البدري....
اذيك يا دبور....كيف حال الارض
دبور...
زي مانت شايف يا واد عمي...
الارض زينه وعال العال....
البدري...
شوف يا دبور...
انا عايزك تاخد بالك من الارض وتراعيها واعتبرها ارضك...
اذرعها وعيش منيها....
دبور...
متوصنيش يا واد عمي....
ارضك هي ارضي....
متاخذنيش يابدري
اني مش راضي عاللي عيعملو علوان ده...
اديك واعي ان هواره كلاتها وراه
ولو اتكلمت محدش هيسمعلي واصل....
والعربي كمان...متزعلش منيه...
انته خابره زين....
البدري...
خابره....خابره يا دبور....
دبور....
انت خلاص يابدري هتهملنا ومعاود ل اسكندريه....
البدري....
ايوه يا دبور...خلاص
انا معاود اسكندريه....
وعلوان مسير الناس توعي لالاعيبه ويبان علي حقيقته قدام الخلق...
نهايته عاد....
مش هوصيك يا دبور تاني علي الارض حطها في حبابي عنيك...
دبور....
ارضك هي ارضي يابدري ولا تشغل بالك واصل اتسافر بالسلامه وتعاود وارضك مستنياك يا واد عمي....
يمسك البدري دبور من كتفه ويودعه.....
مع السلامه يا دبور...
مع السلامه.....
نهاية الحلقه السابعه.....
وشكرا ليكم.....
المؤلفمحمد عبادي
الي لقاء مع الحلقه الثامنه
