ذئاب_الجبل...عودة البدري الحلقه_السابعه تأليف:محمد عبادي

محدش منهم اتكلم ولا رد وبيبص للعربي اللي علوان اخده في صفه 
وييجي دبور ويمسك البدري من يده ويقوله...تعالي يابدري قعمس اهنه......اقعد...اقعد ياواد عمي.....
يقعد البدرى ويقول....
حديت ايه ده اللي مجمع عليه هواره يا علوان....
علوان....
بص يابدري....
اللي طلب القعده دى واد عمك عربي...
البدري....
وخير....العربي عاوز ايه تاني....
علوان....
شوف يا بدرى....هواره كلها وعيت ليك انت وورده 
وكمان وعيت كيف انك خدعتهم وغسلت عاړك بالكدب....
البدري بقاطع....
متقولشي عار يا علوان....
بيت الشيخ بدار اشرف من الشرف
وهواره كلاتها خابره زين....
زى ما خابرة البدري...
خابره كمان ورده....
علوان....
هواره كلاتها خابره وانت كمان قبل منيهم ان العربي واد عمك كان رايد ورده وطلبها من الشيخ بدار الله يرحمه...
والشبخ بدار عزها عليه وراح اداها لواد من بره هواره....
وانت خابر زين ان ده مخالف لعاداتنا وتقاليدنا....
وخابر زين ان بناتنا معيجوزوش بره هواره...
وكمان خابر اللي يخالف اكده ايه حكمه وايه مصيرة....
البدري...يبص لكباراة هواره
ويقول....
الحكم والمصير اللي عتقول عليه ده يخالف شرع ربنا....
ان بت من بناتنا تتجوز بره هواره ده لا عيخالف شرع ربنا ولا هوحرام ولا هو عار من اصله....
التقاليد والعادات اللي ورثناها من جدودنا هي العدل...والرحمه...
هي الصدق والامانه....
التقاليد والعادات اللي تحرم شرع ربنا وتبدل اياته هي الحړام وهي العاړ....
عادات احنا بدعناها وصدقناها....
وحكمنا علي اللي يخالفها باللي باحكام مترضيش ربنا واصل....
كفاياكم ظلم لنفسيكم ولغيركم يا هواره....كفاياكم....
علوان....
انت الظاهر يابدري من بعد ما غيرت خلقاتك ولبست خواجاتي ومخك بقي عيخربط ويقول كلام ملوش عازه....
البدري...
عتقول علي شرع ربنا ملوش عازة يا علوان....
علوان يرد...
شوف عاد...عيقولني كلام اني مقولتهوش....
شرع ربنا عالعين وعالراس..
وكماني...عاداتنا وتقاليدنا عالعين وعلي الراس....
مش هتيحي انت يابدرى علي اخر الزمن تغير عاداتنا وتقاليدنا....
العربي يتدخل ويقول...
خلصونا عاد...
خلصونا من الحديت اللي معاوزشي يخلص ده....
البدري....
الظاهر مفيش فايده منيكم....ياهواره...ومسيركم في يوم من الايام تعرفو ان حديتي ده صوح وعتفتكروه زين....
ها يا علوان...طلباتك....
علوان...
أني مليش طلبات...
انت محقوك لواد عمك عربي....
يبص البدرى للعربي...
وطلبات عربي ايه....
يبص البدرى في الارض ومالي وشه الڠضب وميردش....
علوان...
اني اقولك يابدري...
انت قدامك حلين مفيش غيرهم...
وانت اللي عتختار....
البدري....
وايه هما الحلين دول يا علوان...
علوان...
شوف يابدرى...
اول هام انك تطلق ورده
من الواد الخواجاتي ده
وتجوزها لواد عمها عربي
واكده يبقي يا صافي يالبن.... وتاني هام
وفي الوقت ده البدري بيبص لعلوان وعنيه هتطلع من نفوخه من الكلام اللي بيسمعو ويرد البدري علي علوان ويقوله....
ها وتاني هام ايه يا علوان....
علوان....
تاني هام انك تاخد روحك وتاخد ورده وتعاود موطرح ما جيت ومتعاودشي هواره تاني واصل....
البدري...وعنيه هتبظ من وشه...
عتقووول ايه ياعلوان....
انت واعي للحديت....
ويبص لكباراة هوارة...
واعيين يا هواره...واعين لحديته...
ومحدش منهم يرد وكان الجميع متفق مع الكلام والحكم اللي قاله علوان اللي قاعد وحاطط رجل علي رجل ويده في سيالته ومبسوط عالاخر.....
البدري يبص لعلوان في تحدى ويقوله....
طيب...طيب ياعلوان....
اني عهمل هواره دلوقيت....
بس معاود تاني يا علوان....
معاود ياعلوان وهتشوف....
علوان...
دقيقه قبل ما تمشي...
عجبلك الورقات ابتوعك....
ويطلع علوان من الاوضه ويجيب الورق من الدولاب بتاعه وينزل للبدري ويسلمو الورق ويقول....
علوان....
اهم ورقاتك اهم...اتاكد منيهم ورقه ورقه...ليكون الفار وكل منيهم حاجه....
البدري ياخد الورق ويبص فيه وڠضبان من علوان اللي قدر يتغلب عليه بمكر التعالب....
علوان يكمل....
ولو عاوز تبيع الدوار والارض اني شاري...واني برضو اولي من غيري....
البدري....
لاه يا علوان...معبعهمش ليك واصل...
ولو كت اخر واحد في الدنيا...
سلام علوان....
ويبص لكباراة هواره اللي كلهم باصين في الارض....
سلام....سلامو عليكو يا هواره....
المشهد ٢....الجبل...المطاريد
كلهم متجمعين حوالين دبيحه بيشووها وبيضحكو....
ابو دبيكي....
عفارم عليكم يا رجاله....
زمانه دلوقيت ركبه عتخبط في بعضيها وعيتلفت حواليه....
ويضحك الجميع في نفس واحد...
واحد من المطاريد يتكلم...
ويقول....
وعتعمل ايه يابو دبيكي...
كيف عتاخد روح الظابط اللي اسمه عصام ده....
ابو دبيكي...
يبص للي بيتكلم ويقوله...
ابو دبيكي معيقولشي