ذئاب_الجيل..(عودة البدري) الحلقه_الثامنه تأليف:محمد عبادي

ذئاب_الجيل..عودة البدري
الحلقه_الثامنه
تأليف محمد عبادي
 أهداء مني الي الرائع 
مستشار محمد_صفاء_عامر
مؤلف الجزء الاول
والمخرج العظيم
مجدي_ابوعميره
 تذكير بنهاية الحلقه السابقه
 دبور....
انت خلاص يابدري هتهملنا ومعاود ل اسكندريه....
البدري....
ايوه يا دبور...خلاص
انا معاود اسكندريه....

وعلوان مسير الناس توعي لالاعيبه ويبان علي حقيقته قدام الخلق...
نهايته عاد....
مش هوصيك يا دبور تاني علي الارض حطها في حبابي عنيك...
دبور....
ارضك هي ارضي يابدري ولا تشغل بالك واصل اتسافر بالسلامه وتعاود وارضك مستنياك يا واد عمي....
يمسك البدري دبور من كتفه ويودعه.....
مع السلامه يا دبور...
مع السلامه ياواد عمي...
 المشهد 1
بيت الشيخ بدار...
لبيبه بټعيط وبتكلم ورده وهي بتلبس البدرى الصغير....
خلاص يابنيتي...هتهملونا تاني
دا احنا ما صدقنا عاودتو...
وردة...
لاه يا خاله لبيبه مش هنهملك
وتحضنها...
مش هنهملك واصل ياخاله...
لبيبه...
تبص لوردة...وتقول
صوح....صوح ياوردة....
مش هتهمليني وهتقعدى....
ورده تبتسم....
لا يا خاله مش هنقعد اهنه...
انتي هتاحي معايا اسكندريه...
لبيبه باندهاش...
واه....
اسكندريه...دنا عمري ما طلعت بره هواره يابتي...ومقدرش اهملها...
ورده....
لاه يا خاله...احب علي يدك...
تعالي معانا...
احب علي يدك ياخاله لبيبه 
وتمسك ورده يد الخاله لبيبه وتحاول تبوسها والخاله لبيبه
في محاوله منها تسحب يدها...
وتبص لوردة...
طيب يابتي....طيب...
وتبص حواليها...
طب والدار...
والدار يابتي
مين هاخد باله من الدار...
ورده...
دبور يا خاله...
البدرى وصى دبور علي الدار والارض...
متعوليش هم يا خاله لبيبه...
لبيبه....
دبووور...زين ماخترتو يابنيتي...
دبور مسكين وقلبه حنين....
وردة...
صوح يا خاله لبيبه
هو مفيش اخبار عن مهجه...
دبور معترش فيها....
لبيبه....
مهجه...ااااااه يابتي....
من يوم ما طفشت ولا حس ولاخبر.
ودبور يا ولداه دموعه معتفارقشي نضره علي فراقها..
ودور عليها في البلاد وكنها فص ملح وداب يابنيتي...
ورده....
طب ياخاله مش يمكن حد لعب بعقلها وساعدها علي اللي عملتو ده....
لبيبه باستغراب...
حد حد مين يابنيتي...
ورده....
تسرح وتفتكر كلام مهجه عن علوان وحبها ليه وتلميحها في اخر مقابله ليها وانها هتعمل حاجه ومش عاوزة حد يزعل منها....
ورده افتكرت كل الكلام ده وبدأت تشك ان علوان هو اللي هربها....
الخاله لبيبه بتكلم ورده وهي سرحانه...
وردة....وردة يابتي....
ورده تنتبه....هاااه ايوة يا خاله...
لبيبه....
مالك يابتي....سرحتي في ايه....
ورده....
مفيش...مفيش ياخاله....
مشهد 2.....نقطة هواره
الضابط عصام لابس الزى بتاعه ودخل المكتبه ونفادى بيقابله ويسلم عليه....
يقعد الضابط عصام علي المكتب...
الضابط عصام...
ها يا نفادى...مفيش جديد...
نفادي...
جديد!! جديد ايه يا فندم...
عصام...
ياجدع انت مفيش جديد عن المطاريد دول واللي عملوه مع الغفير والسلاح اللي اتسرق منه ده....
نفادي....
لاه....لا يابيه مفيش....
عصام....
وبعدين...هنقعد كده....
هنحط ايدينا علي خدنا لحد ما يتجرأو وابص الاقيهم داخلين عليا المكتب هنا...
نفادي...
طب وهنعمل ايه يا فندم...
هو في يدنا حاجه ومعملنهاش...
عصام....
يابني ادم انت عاوزين اخبار...
اخبار عنهم...بيظهرو امته وبيختفو امته....تحركاتهم....مهو اكيد مش قاعدين في الجبل علطول يعني...
نفادي....
يابيه...ياعصام بيه....
كلنا اهنه غلابه وعلي كد حالنا...
وورانا كوم لحم...
وحتي لو حد وعالهم مهيقدرشي ينطق يابيه....
عصام....
اهو انتو بالخۏف والجبن ده عمركو ما هتتغيرو....
انا هتصرف....
بقولك ايه يا نفادي....
عاوزك تقب وتغطس دلوقتي وتجبلي دبور....
نفادي...
دبور....ماله دبور يابيه ومال المطاريد....من ساعة ما ابو دبيكي الكبير ماټ ورجالته ودبور معيطلعشي الجبل واصل وربنا هداه....
عصام...
يابني ادم انت انا مش عاوزة علشان الموضوع ده...
انا عاوزة علشان موضوع تاني خالص...
نفادي...
موضوع تاني...
طيب...طيب يا بيه.....
ويطلع نفادي من مكتب الضابط عصام علشان يجيب دبور...