ذئاب_الجيل..(عودة البدري) الحلقه_الثامنه تأليف:محمد عبادي

المؤلف محمد عبادي 
مشهد 3 بيت الشيخ بدار
البدرى واقف قدام صورة الشيخ بدار وبيتكلم معاه....
شوفت يابووووي...
شوفت علوان واللي عيعملو فينا يابوي....
بس لاه...ورحمتك يا شيخ بدار...
علوان مش ههمله واصل....
ومسيرة يقع في شړ اعماله...
ومسيري اوقفو عند حده يابوي...
مبقاش البدري ابن الشيخ بدار ان ما ده حوصل....
وتيجي نورا من ورا البدري وتنده عليه...
بدري....يابدري....
كلنا مستنيينك بره...
والبدري يرد علي نورا من غير ما يلتفت وراه....
ايوه يانورا...جاي اهه...جاي....
ويكمل البدري...
مع السلامه يابوي....مع السلامه....
ويطلع البدرى ويلبس النضاره بتاعته ويركب العربيه مع نورا وورده الصغيره....
والعربيه التانيه فيها حاتم وورده والخاله لبيبه وعلي حجرها البدري الصغير....
ويطلع البدري بالعربيه ووراه حاتم.
مشهد 4...ارض البدرى...
دبور جايب انفار علشان يراعي ارض البدري زى ما وصاه....
واقف دبور علي راس الانفار وماسك العصا بتاعته....
وبيكلم الانفار....
هم انت وهو منك ليه....
مش لادد عليا واصل شغلكم اكده
عتشتغلو دقيقه وعتريحو ساحه...
ده مال ناس انت وهو 
ولسه بيكمل كلامه ويبص من بعيد ويلاقي علوان جاي ناحيته.....
دبور....
يبص علي علوان.....به وعاوز ايه دا كمان.....
علوان....
عتعمل ايه يا دبور في ارض واد عمك....
دبور....
البدري قبل ما يمشي وصاني علي ارضه يا علوان...
واني عراعيها واخد بتلي منيها كنها ارضي تمام.....
علوان....
به يعني يهملني اني كبير هواره وسلمهالك انت....
دبور يقرب من علوان....
ويبصله ويقوله....
ومالي اني يا علوان...ماله دبور....
علوان....
ملوش....ملوش يادبور....
دبور
فكرك ياك كان عيهملهالك انت بعد اللي عملته معاه ياعلوان...
ده دلوقيت عيطيق العمي ومعيطيقشي انت بالذات...
علوان....
خلاص يادبور...خلاص عاد....
انت ما صدقت ولا ايه.....
دبور....
مهو برضك يا علوان ملكش حق تعمل اكده في واد عمك....
انت دلقيت كبير هوارة 
والبدري مهما كان ليه مقامه وكان هيبقي كبير في يوم من الايام....
علوان....
ما بزياداك يا دبووور
بزياداك عااااد...
انت عتقطمني ولا عتقطمني...
كفايك حديت....
البدري خلاص راح لحال سبيله
الله يسهله عاااد...
دبور...
ماشي ياعلوان...ماشي...
وهم واقفين غفير جاي قصادهم ويدخل عليهم....
الغفير....
سلامو عليكو....
ويردو السلام....
الغفير....
فوت امعاي يادبور عالنقطه...
الضابط عصام عايزك...
دبور....
به النقطه ليه عاد
والظابط عصام عايزني ف ايه
الغفير...مخابرش...يلا يادبور الله لا يسيئك ده وكد عليا اني مرجعش من غيرك...
علوان....يهمس لدبور...
فوت معاه يادبور فوت امعاه هو كان قالي عشيه واني نسيت اقولك....
دبور...
واه ياعلوان...هي الحكاية واعره اكده....
علوان....
ولا واعره ولا حاجه يا دبور...
هو قالي عيسألك كم سؤال اكده وعيهملك لحالك....
فوت يادبور وانا جاي امعاك...
فوت قدامنا يا غفير...
مشهد 5......الاسكندريه
منزل الحاج حسين....
الحاج حسين قاعد بيشرب القهوه والحاجه جمبه....
الحج حسين....
انا كلمت حسني ياحجه يبعت تعيلب ابن عمه ويعرفلنا اخبار الولاد ايه علشان تطمني ودلوقتي مستني منه تليفون.....
ولسه مخلصشي كلامه التليفون يرن.....
يقوم الحج حسين للتليفون ويمسك السماعه....
الوووو...
ايوه يا حسني....ايه الاخبار...
اه....اه....وبعدين...
والله....طيب يا حسني
طيب....متشكرين يابو دبيكي....
والحجه واقفه جمبه وبتفرك في ايديها من القلق...
الحجه...
خير يا حج...هم كويسين....
الحج حسين....
الولاد راجعين يا حجه....
الحجه باندهاش...
بتقول ايه....راجعين....
ايه اللي حصل...
دول كانو بيقولو هيقعدولهم اسبوع علي الاقل....
الحج....
علمي علمك والله يا حجه
الصبر....اهم راجعين وهنعرف منهم كل حاجه.... 
مشهد 6.... نقطة هواره...
الضابط عصام قاعد وعلوان ودبور قدامه.
الضابط عصام....
يعني من ساعة ما مهجه اختفت وانت بتدور عليها....
دبور.....
ايوة
 يابيه لفيت عليها البلاد ودورت عليها في كل بيت ولا عترت فيها....
عصام....
يعني ملقتهاش مثلا وبسبب انها هربت بسببك قولت تتخلص منها...
دبور....
به....اتخلص منيها.....
انت معتعرفش دبور يابيه......
وكل الحديت اللي عتقوله دلوقيت ملوش عازه....
مهجه خلاص راحت.....
عصام.....
يعني ده اخر كلام عندك....
وتقول ايه في القټيله اللي لقيناها وشكينا انها ورده.....
مش جايز تكون هي....
دبور.....
هي كيف بس يابيه....
وهي عملت ايه المسكينه علشان تنقتل.....
لاه يابيه لاه....
دى طول عمرها عايشه في دوار علوان...
لا شرقت ولا غربت ولا تعرف حد من ذاته.....
علوان متابع التحقيق ودماغه بتودى وتجيب....
ودبور يبص لعلوان....
ما تتكلم يا علوان....
ما تقول حاجه....
علوان....
به....عقول ايه يعني....
منا قولتلك قبل سابق يا عصام بيه 
هي طفشت....
وبعدين خلاص الحكايه دى من خمس سنين....
لزمته ايه عاد نفتشو في القديم....
اكيد هي عايشه دلقيت اهنه ولا اهنه....
عصام.....
طيب يا علوان....
ماشي يا دبور....
اما نشوف الحكايه دي هترسي علي ايه.......
وتنتهي الحلقه الثامنه....
وشكرا لكل من بيساعدنى ويدعمني...
الكاتب...محمد عبادي 
والي لقاء في الحلقه التاسعه...
اكتب اسم من اسماء الله الحسنى
صل على سيدنا محمد وعلى اله وصحبه اجمعين