روية نور وايوب بقلم روان خالد كامله جميع الفصول وحصريه وجديده

محدش يقدر يقرب جنبها
اتكلم بتهكم واضح من افعال بنته.
طول عمرك پتكرهي عائشة علشان هي كانت أحسن منك ب ادبها واخلاقها وقدرت تفوز ب قلبنا كلنا ورغم إنها حاولت معاك إلا إنك فضلتي غرورك على إنك تصاحبيها حتى لما اتجوزت اخوكي وكان نفسي يعيشوا معايا هنا إلا إن غرورك خلاهم يبعدو عني لما عايرتيها ب مستواها وهي علشان عندها عزة نفس وكرامة مستحملتش تقعد في البيت وابني اخدها على مصر ب حقدك وغلك خسړت اتنين روحي فيهم ودلوقتي مش هسمحلك تخسريني الباقي منهم.
كانت بتسمع لكلام ابوها بلامبالاة ف هو عاد القصة دي عليها اكتر من خمسين مرة ومن كتر زهقها وافقت بأول عريس يتقدملها علشان تخلص من لوم ابوها بس مقدرتش تخلص من حقدها اللي مبيخلصش..
يا جدو بقولك شوفت ايوب خارج من اوضة نور من غير تيشرت والساعة تمانية الصبح إيه مبرر إنه يعمل كد وازاي اصلا ده يحصل في وجودك
حبت غادة تلعب على أوتار جدها بس نسيت إنها بتتعامل مع كبير قرية الصعيد مش مجرد واحد لا يفقه شيء عن التعامل مع الناس..
وانت يابنت امبارح هتفهميني إيه اللي يحصل واللي ميحصلش
زعق فيها وهي انتفضت من مكانها بتوتر.
مش قصدي يا جدو بس..
علشان فضولك يرتاح شوية يا رغد أيوب كان عند نور ب موافقتي.
رمى كلامه دفعة واحدة وهو بيراقب تغير ملامحها من التوتر للصدمة ف معنى كلامه إن الجد موافق على اللي بيحصل حتى لو مكنش مفهوم إيه اللي بيحصل معنى كده جدها حابب ايوب يقرب أكتر من نور والنقطة دي مش في صالحها..
هتفت بأندفاع خلى الجد يرفع حاجبه على طريقتها الفظة.
يعني إيه الكلام ده ياجدو ما انت عارف إني بحب أيوب!!
كانت بتتكلم وكأنه حق مكتسب وميحقش لحد يتدخل فيه ضړب الجد بعصايته الارض بحدة.
وهو مبيحبكيش مش هنفرض عليه حاجة بالعافية.
سخرت نسرين من كلام ابوها المتناقض.
بس تفرض عليه نور عادي
ايوب اللي اختار يكون جنب نور مش أنا علشان كده الزموا حدكم طول ما انتو قاعدين هنا ومحدش يضايق نور مش عاجبكم الاحترام تقدري تسبقي جوزك على امريكا من تاني وانت يا غادة تطلعي تتأسفي ل خالتك وتبوسي راسها إحنا معندناش حد يقل من كبيره هنا مفهوم
بصت غادة لأمها بأستنجاد بس نظرات الاخرى كانت بتدل على تفكير تاني علشان كده مثلت الانصياع وخرجوا من اوضة المكتب هتفت نسرين پحقد.
والله لوريكم واحد واحد.
اتكلمت غادة بتأفأف.
أنا مش هعتذر لحد!!
لكزتها نسرين.
ياغبية لو عايزة ايوب ارضي أمه الأول.
فكرت غادة في كلام مامتها قبل ما تسيبها وبصت بسرحان للأعلى حيث اوضة ايوب وهي بتتنهد بضيق من فكرة إنه مش بيبادلها نفس مشاعرها بس غادة قررت تاخد ايوب بالعافية ومش هتسيبه.
الشخص المتملك أناني طالما الطرف التاني مبادلهوش يبقى اناني هيفرض نفسه على غيره ويحاول يكسبه بكل الطرق الرخيصة علشان يبقى مالكه فقط لا غير..
وغادة مثال حي للتملك الأناني.
قعد ايوب في الجنينة واللابتوب على رجله بيتابع شغله مش هينكر إن الحمل خف من عليه شوية ولكن الشغل مهما كان شغل مينفعش يتراكم..
قعد جنبه جده ف ساب الجهاز مستني مبادرته بالحديث.
مكنش ينفع تمد إيدك على بنت يا أيوب ميصحش انت راجل والرجالة مبتمدش ايديها على الستات انا موجود وهربيهم بطريقتي وكويس إن محصلش أكتر من كده.
كان هادي بيسمع جده وهو عارف إن كلامه صح بس مش هينكر تزايد افكاره ف أنه يعلقهم على باب القصر افيدلهم حمحم بهدوء قبل ما يتكلم.
كلامك صح يا جدي بس توصل إن عيلة صغيرة تمد ايديها على امي ده اللي مش هسمح بيه وانها تخوض في شرف نور ده اللي مش هسكتله في الآخر غادة بردو مش هتجيبها ل بر!
صمت الجد بعد نهاية كلام حفيده اكدله إنه بيتكلم صح ف لا غادة هتسكت ولا نسرين هتبطل افعالها وفي الآخر دول عياله ميقدرش يطردهم واللي بيتعمل في نور مش قليل وهي حتة من روحه!
والعمل يا ايوب
سأله ب حيرة على اثرها اخد ايوب نفسه..
مقدور عليهم يا جدي متشغلش بالك ونور محدش هيقربلها.
طبطب على كتفه.
أنا قولت عليك بردو سيد الرجالة.
فاجأهم صوت زين الساخر
توقعت هاجي الاقيكم ماسكين في بعض.
ابتسم ايوب لصحة كلامه ولكزه الجد بعصايته ف مثل التألم رفع ايوب حاجبه.
هي رغد عدتك ولا إيه
حط ايده على قلبه ولوهله تناسى قعدته معاهم بص الجد لأيوب بمكر وغمزله شخط الجد في زين بصرامة مزيفة.
اتلم يولد مش ماليين عينك ولا إيه!
اتأفأف زين من حركات جده الصبيانية بس قرر يشاكسه.
انتو ماليين عيني وهي مالية قلبي.
ضحك أيوب على طريقته وهروبه من قدام جده اللي شاورله على رقبته بال قطع رفع زين صوته علشان يسمعه.
والله لتجوزها ومش هتقدر تعمل الحركة دي تاني.
كان جد في كلامه بأستثناء إن المرح غلف صوته خبط في شخص وهو ماشي يغيظ جده الټفت وكانت نور..
رمش ببلاهه وهي وقفت متوترة.
في إيه