روية نور وايوب بقلم روان خالد كامله جميع الفصول وحصريه وجديده

يا زين
زادت ابتسامته ومسكها من قفاها جرها لمكان جدها وايوب اللي بصوله بأستفهام وبتفحص ليها سابها فجأة.
القردة صحيت.
زين.
كان صوت أيوب بينبه يبطل رخامة ف بصله بقرف وسابه ومشي يشبعوا شوية بيها وبعدين يرخم عليها براحته..
قربت نور منهم بتوتر وابتسملها الجد بيحاول يهدي من قلقها شاورلها تيجي في حضنه ف قربت منه وحضنته وعيون ايوب بتتابع الموقف بترقب.
أنا اسفة ياجدو على اللي حصل امبارح.
كانت بتتكلم بأسف صادق مبتعرفش تزييف مشاعرها وده اللي ايوب حافظه عنها عفويتها وتلقائيتها بتخرج من غير قصد 
واضحه.
لا اللف والدوران من شيمها زي بعض البنات ولا الغدر والكرهه من ډمها...
كانت في نظره نقية!
ده أنا اللي آسف يانور عين جدو على إني ضايقتك بكلامي امبارح حقك عليا يا نور انت حبيبة قلبي يعني زعلك من زعلي مكنش قصدي..
كان هيكمل كلامه ولكن دفنت نفسها اكتر في عبايته الصعيدية التقيلة تحميها من برد الايام وقسوته جدها كان ولازال الشخص الاهم ليها في الحياة..
كانت عيونه متبعاها من اول وقوفها مع زين ل حد سكوتها مع جدها
خفيفة في كلامها ووجودها بتدي شعور بالراحة كأنها ماسكة زمام أمور هدوئه بتتأسف على حاجة مش بإيدها وبتلين قلب جدها ب كلامها ونظراتها ما ليه حق عبدالسلام يحبها
كان في حالة سكر لدرجة انه منتبهش إنها قامت تحضر الفطار لما والدته ندهتها ولا لما خلصت كلامها مع جدها..
نظراتك بتفضحك يابن إيهاب.
قطع لحظته جده وهو بيبتسم على حفيده اللي بينكر نظراته اتجاهها.
أنت شكلك كبرت ياعوبد.
ضحك جده بصوت عالي الټفت على اثره الموجودين حواليهم استغرب ايوب من جده اللي قاله.
دي نفس كلمة أيوب لما قفشته بردو!
لاحت ابتسامة خفيفة مراحتش اثرها من على وشه ل تذكير جده إنه شبه خاله يعرف قصته هو وعائشة وبيسمع ليها من الكل حتى خاله نفسه قبل ما ېموت كانت عائشة في حضنه وهما في المستشفى ومكنش مكسوف يحكي القصة من جديد..
ياترى القصة منها عاملة إزاي
هتبقى بتحكي بسعادة زيهم ولا الغلب هيغلف نبرتها!
هقولك نفس اللي قولته لأبني لانكم واحد ولما انت متنيل على عينك بتحبها بتعاملها زفت ليه
ربع ايده واتنهد بثقل الكل بيلومه على طريقة تعامله معاها من اول جده لحد رغد بتلقيحها وايهاب بمؤامراته ده حتى هي بسؤالها من ساعة ما كانوا في القاهرة..
علشان أنا خاېف ياجدي.
رفع الجد حاجبه بأستفهام ف كمل.
خاېف افسدها بدلالي ليها سايبكم كلكم تعملوا اللي عايزينه بس ده ميجيش نقطة في بحر دلالي اللي ممكن يتفتح ليها ووقتها مش هقدر ألومها لو فسدتها ف ده اللي هحبه.
كان غريب ب كلامه قصاد جده بس معناه مفهوم بالنسبة لواحد عاش سبعة وسبعين سنة منساش في يوم مراته اللي سابته في نص الطريق مع عياله..
بس نسيت الأهم يا أيوب...
اخد نفسه وكمل تحت استماع حفيده.
نسيت إنك خاېف تحطها في حياتك.
دوامة ډخلها ل عقله بكلامه عنها 
دوامة عاشها بسببها..
خاېف فعلا مش هكدب عليك يا جدي
خاېف تدخل حياتي واسيبها في نص الطريق
ابقى سببت ليها ازمة جديدة بدل ما احلها أنا منفعش اكون معاها ويمكن هي متتقبلنيش وقتها.
جده الوحيد اللي كان فاهم مرارة اللي بيعيش فيه حفيده لانه الوحيد اللي عارف سره وبسبب السر ده هو مش عارف يكون معاها ومن الاول وهو متجاهل كل حاجة تخصها قصادها علشان ميدييش نفسه أمل زائف في إنها تتقبله..
بس دي نور!
متحكمش عليها عرفها وشوف قرارها.
مش هكسر نفسي قصادها ياجدي ومش هجبرها تكون معايا بسبب شفقة.
طبطب على كتفه ودعاله ب راحة البال وتيسير اموره معاها 
هو فاهم حفيده كويس كان زي ابنه بالظبط بس الفرق إن أيوب ابنه مستحملش يضيع عائشة وأيوب حفيده مستعد يضيعها علشان هي متضيعش من نفسها..
اتجمعوا على سفرة الفطار وكانت نظرات نسرين ل نور بقرف وغادة ل ايوب ب لوم بينما رغد قاعده ساكتة علشان ميزيدش الموقف سوء حمحمت غادة ب حزن.
أنا اسفة يا خالتو مكنش قصدي اضايقكك الصبح حقك عليا بس انت عارفة بردو أنا خۏفت على نور من نظرات اللي بيشتغلوا هنا ف..
غادة.
حذرها جدها بعد ما لاحظ نظرات نور بأستغراب اتكلمت اسماء بهدوء.
حصل خير يا غادة.
بصت نور ل رغد بدهشه غمضت عيونها لثواني تأكدلها انها هتحكيلها ضربها زين من تحت التربيزة بصتله بغيظ ابتسم هو على أثره..
كان الكل في حالة صمت محدش سأل نور عن أي حاجة حصلت امبارح وهي شكرتهم من جواها لانها مكانتش قادرة تتكلم وفي الحقيقة دي كانت اوامر جدهم ليهم..
خلصوا الفطار ونور طلعت مع رغد فوق اوضتها.
في إيه بقى
كانت رغد هتبدء تحكي بس دخلت اسماء الاوضة فجأة وخضتهم حطت رغد ايديها على قلبها.
حرام عليك يا سوسو انا قولت عبدالسلام طالع يقتلنا.
قعدت اسماء جنبها ونور حضنتها طبطبت على ضهرها بحنية مش قادرة تلاقيها في الوقت ده من مامتها واسماء بتحاول تديهولها مازالت بټندم إنها معبرتش عن حبها لأهلها بالشكل الصح وعيشتهم جوا قلبها زي ما