روية نور وايوب بقلم روان خالد كامله جميع الفصول وحصريه وجديده

كانت بتتمنى بس مين يرجعهم تاني وهي تديهم عيونها كمان!
عارفة مين فضل سهران معاك طول الليل
يا انت يا رغد ما اكيد مش عمتو نسرين.
بصت رغد ل اسماء تحثها تكمل ف نفت.
لأ أيوب.
قامت من حجرها ب صدمة.
ابن الموكوسة
ضړبتها اسماء على راسها اتألمت واستوعبت كلامها تحت ضحكات رغد.
هو ياختي.
ابتسمت نور وكانت دي اول مرة تبتسم فيها من ساعة ما صحيت عيون عمتها شملتها ب دفئ وحضنتها من تاني.
بس يمكن هو عمل كده علشان أنا زي اخته ياسوسو أو امر من جدو اكيد معملش كده من نفسه يعني!
نفت للمرة التانية تحت صدمة نور اللي مش مصدقة هل أيوب فعلا عمل كده لأجلها..
جدك خرجنا كلنا من الاوضة وهو الوحيد اللي مرضاش يخرج وانت عارفة ايوب محدش بيمشيه على كلمة ده ابني ساڤل ومش متربي بس أول مرة عدم تربيته تجيب فايدة.
ضحكت بقوة على حديثها وشاركتها رغد حضنتهم عمتها من جديد وكأنها بتعوض عدم خلفتها للبنات في حبها ليهم هما بالذات وكأن ربنا رزقها بنتين من الجنة يعوضوها عن كرهه اختها الاولى ليها والتانية اللي سيباها دايما ومسافرة ربنا عوضها بيهم هما الاتنين..
هي دي علامة ياسوسو
ضحكت اسماء على حب بنت أخوها لابنها اللي مبيحسش.
جايز ياقلب سوسو.
لكزتها رغد بأستخفاف.
واقعة يابت يانور.
غمزتلها نور بسخرية.
ملكيش دعوة انت ياورق الشجر.
اتحول مزاجها فجأة وهي بتبعدهم عنها.
طب يلا ياختي منك ليها علشان تلحقوا تروحوا الملجأ.
قاموا بسرعة يجهزوا قبل ما اسماء تنكد عليهم 
كل واحده فيهم راحت اوضتها بحال مختلف ف نور كانت بتفكر
تشكر أيوب على موقفه دلوقتي بس قررت تشكره لما ترجع ورغد اللي الابتسامة مفارقتش وشها بسبب رسالة زين ليها..
بعد وقت وصلوا الملجأ وكان بيعم بالأطفال منهم اللي قاعد يذاكر واللي بيلعب واللي نايم أول ما شافوا نور صرخوا ب فرحة.
نور جت نور جتت!!
الكل اتجمع على نور ورغد وقفت ورا مع زين تتابع الموقف.
محبوبة من طوب الأرض إزاي بقى الحربايتين اللي في البيت دول مش بيحبوها.
كتم ضحكته من كلامها اللي مبيفشلش يرسم الضحكة على وشه.
لسانك ده عايز قطعه.
حطت ايديها في وسطها بغيظ.
عايز إيه ياعنيا
قرب منها بخبث.
اكله عايز اكله يا ورق الشجر.
بصتله بقرف وسابته ولوهله بطنها وجعتها من شعور الخجل اللي اعتراها من كلامه عايز يتربى زي أيوب ولازم تقول ل اسماء عليه لاحظت تجمع الاطفال حواليها ف تركت افكارها وقررت تعيش يوم من السعادة معاهم..
كان زين واقف بيراقبهم اتنين اخوات فرقتهم الحياة وكل واحدة فيهم ليها قصة مختلفة بس الاتنين بيكملوا بعض.. وهو محظوظ بوجودهم في وحدته..
انقضى يومهم وسط ضحك وهزار واستماعهم لقصص الاطفال طول الفترة دي وحكتلهم هي بعض من ايامها وكانوا منصتين ليها وزعت عليهم الهدايا وكان وقت رحيلهم.
المهم إنكم اتبسطتوا.
هزوا راسهم ودخلوا القصر من جديد وموقفوش كلام عن اليوم إلا لما وصلهم صوت جدهم الهادي وايوب واقف قصاده ببرود..
معندناش بنات للجواز.
8
معندناش بنات للجواز.
هو مره انت ومرة حفيدك!
تأهب أيوب إنه يتدخل في الحديث ولكن جده وقفه بكلامه.
يابني نور مخطوبة وإن كنت ضارب مشوار من القاهرة لحد هنا ف إحنا قدمنالك واجب الضيافة لحد دلوقتي وانت فاهم وانا فاهم.
تدخلت نور بأستغراب.
هو في إيه ياجدو ومحمد جاي ليه هو في مشكلة في الشركة
بصلها محمد زميلها ب تفكير.
ماهي مش لابسة دبلة أهي ياحج.
زفر أيوب بعدم صبر ف إن كان أيوب هادي وبيصبر للآخر ف لحد اللحظة دي هو تخيل كل أنواع الطرد اللي ممكن تتقدمله على طبق من دهب..
اصلنا عاملينها عائلية ولسه ملبسناش الدبل وصله يا زين.
شاور الجد ل زين اللي واقف بيتابع الحوار هو ورغد بعدم فهم ولكن مع اشارة جده اتحرك يوصل محمد اللي كان باين عليه معالم الاستياء من طريقة جدها ليه ف هو نسخة كبيرة من أيوب..
من فترة أيوب طرده من قصاد بيتها ودلوقتي جده وهما فعلا ميتفرقوش عن بعض وبسبب طريقة أيوب المتحكمة في كل حاجة كان زمانه قاطع طرق كتير للوصول ل نور بس هو واقفله زي العقبة.
ممكن بقى افهم في إيه ياجدو محمد كان هنا بيعمل إيه وجواز إيه اللي بيتكلم عنه ومين ده اللي مخطوباله
كانت بتكلم جدها بتساؤل قابله هو ب حيرة ف مهما كان كلامه خرج وقت ما حب يقوله بس واضح أنه هيكون في صالحه المرة دي بص ل ايوب اللي منعه ب عينه يتكلم بس الجد ابتسم ب خبث خلى ايوب يقبض على ايده پغضب من حركات جده الطفولية..
مفيش يانور ده محمد جاي يطلب ايدك بس علشان أنا عارف إنه بايظ وبتاع بنات ومش جد ف رفضت بس رفضي الاولاني كان بسبب إن في حد فعلا متقدملك وبصراحة هو مناسب كليا ليك.
قلبها اترعش وبصت ل ايوب ينجدها ولكن هو اولى إن حد ينقذه من حركات جده لقت زين بيقرب منهم ومتابع الحوار هو ورغد زي النسانيس..
زفر الجد ورمى كلامه اللي دهش